Ayat Alkitab yang Popular daripada Ju 15

Kongsi

Hanv Dak-Vêl, tumi fantte. Jim konn Mhojê sovem rigun ravtat ani zanchê sovem Hanv rigun ravtam, tim subham’ follam ditat; kiteak Mhojê virêt tumchean kãich korunk zaina.

Mhojê sovem rigun ravat ani Hanv-ui tumchê sovem rigun ravtam. Zoxem êk fantto dak-velint rigun ravlea xivai, tachean apnnachêch osttongim follam diunk zainant, toxench tumi Mhojê sovem rigun ravlea xiva, tumchean-ui follam diunk zainant.

Tumi Mhojê sovem rigun ravxeat ani Mhojim utram tumchê sovem rigun ravtit zalear, tumkam zai tem magat ani tumkam tem ghòddtelem.

Tumi Mhaka vinchun kaddunk na: Hanvem ki tumkam vinchun kaddleat. Ani hea pasot tumkam nemleat ki tumi vechem ani follam diunchim, togtat toslim follam. Oxem Mhojê nanvim Bapa kodde tumi magtat titlem-i To tumkam ditolo.

Konnem zôr apleam ixttam pasot aplo jiv dilo, hachê poros vhôdd môg konnak na!

Mhojê sovem riglolo na zaun follam dina to dôr-êk fantto To katrun uddoita; ani follam dita to dôr-êk fantto, tannem odik follam diunchê khatir, To bhênddta.

Mhoji adnea hi: zoso Hanvem tumcho môg kela, tosoch tumi-i ekamekacho korat.

Tumi subham’ follam diunchim, ani Mhoje xis tumi zaunche, hantum Mhojea Bapak mhoima mellta.

“Hanv khori Dak-Vêl ani Mhozo Bap kullvaddi

Mhojê sovem rigun ravonant tim eka katrun uddoil’lea fanttea sarkim suktat; osle fantte zoma kortat ani ujeant uddoitat, ani te lastat.

Mhoji khuxalkai tumchê sovem aschê khatir ani tumchi khuxalkai purnn zaunchê pasot Hanvem tumkam heô vostu sangleat.

Zoxem Hanvem Mhojea Bapacheô adnea samball’leat ani oso Tachea mogant Hanv asam, toxench tumi-i, Mhojeô adnea tumi samballxeat zalear, Mhojea mogant ravtelet.

Hi Mhoji adnea tumkam: ekamekacho môg korat.

Tumi sonvsarache asleat tôr, sonvsar tumkam aple mhonn manun tumcho môg korto aslo. Punn tumi sonvsarache nhoi mhonn ani Hanvem tumkam sonvsarantle vinchun kaddleat dekhun, sonvsar tumkam zollta.