Ayat Alkitab yang Popular daripada Lk 14

Kongsi

“Zôr konn-ui Mhojê-xim ietit ani aplea bapaicho, avoicho, bailecho, bhurgeancho, bhavancho ani bhoinnincho, ani aplea jivacho porian dvês korina zatit, tankam Mhojeam xisam modem zago na.

Ani jim konn aplo khuris gheun Mhojê pattlean ienant, tankam Mhojeam xisam modem zago na.

Kiteak apnnankuch unch kaddtat tankam Dev khala uddoitolo ani apunnuch khaltim zatat tankam Dev unch kaddtolo.”

Têch bhaxen tumchê modlim konn-ui apnnam lagim asot titlem-i soddun dina zatit zalear, tankam Mhojeam xisam modem zago na.

Tumchê bhitorlo konn-ui êk gopur bandunk sodit zalear, to sompounk goroz titlo khôrch korunk apnna lagim zait ki na, hacho adim-poilo bosun odmas korcho na gai? Na tôr, buniad marlea uprant, tem xarti pavounk taka tank na zait zalear, polletat titlim-i tacheô moskoreô korun mhonntelim: ‘Hea mon’xan bandunk addailem, punn tachean sompounk nozo zalem.’

Punn jevonn ditai tedna, dublleank, khoddeank, thontteank ani kurddeank apoi. Tanchean tujem apovnnem bad korunk zainam mhonntôch, tum bhagi zatoloi; punn promannik mon’xam punorjivont zatelim tedna, tuji tuka mozuri mellteli.”

“Mitt borem; punn mittachi kharsann bigòddli zalear, taka anink kitean portun kharsann diunchi? Tem zomnik vô gairik-ui upkaronam. Tem kaddun bhair uddoitat. Aikunk kan asleleamnim aikunchem.”