Ayat Alkitab yang Popular daripada GENESIS 1

Kongsi

Pathian in, “I kibatpih in, eimah bang in, mi i bawl dia, tuipi a ngasate tung ah, tung a leng vasate tung ah, gante tung ah leh leitung tengteng tung ah thu i neisak ding” a chi hi. Pathian in amah kibatpih in mi a siam a, Pathian kibatpih mah in ahi a siam; pasal leh numei a siamta hi.

Pathian in amau a vualzawl hi. Pathian mah in a kiang uah, “Chi tampi suang ding in hong pung unla, lei luahdim unla, na thuthu un omsak un. Tuipi a ngasate tung ah, tung a leng vasate tung ah, thil hing leitung a khupboh a pai tengteng tung ah thunei un,” a chi hi.

A tung in Pathian in lei leh van a siam.

Lei a sia a, a vuak kia ahi. Tui thukpi tung a mial in a mial hi. Pathian Kha in tui tungte a opkhum hi.

Pathian in, “Vak om hen” a chi a, huchi in vak a hong omta hi.

Pathian in a thilsiam tengteng a en a, ngai in, hoih a sa mahmah hi. Huchi in, a ni gukna ah nitaklam a om a, zinglam leng a om hi.

Pathian in vak a en a, hoih a sa hi. Huchi in Pathian in vak leh mial a khenta hi.

Pathian mah in, “Ngai un, leitung tengteng a anteh chinei omteng leh sing chiteng, sing chinei gah omnate, k’on pia hi; na an ding uh ahi.

Pathian in vak, “Sun” a chi a, mial, “Zan” a chi hi. Huchi in a ni khatna ah nitaklam a om a, zinglam leng a om hi.

Pathian in, “Tuite kikal ah vansin om henla, huai in tuite leh tuite khen hen” a chi hi.

Lei a gamsa chiteng kiang ah, tung a leng vasa chiteng kiang ah, leitung a khupboh a pai chiteng kiang ah, hinna nei chiteng kiang ah a an ding un loupa hing chiteng ka pia hi” a chi a; huchibang a hong hita hi.

Pathian in, “Sun leh zan khenna ding in vansin ah tanvakte om uhenla, huaite chiamtehnate, hunbite, nite leh kumte theihna hi uhen.

Pathian in, “Lei in loupate, anteh chi neite, thei sing, lei a amau chi omdan ding bang a gah, a gah sung a chi omte omsak hen,” a chi a, huchibang a hong hita hi.

Pathian in vansin a bawl a, vansin nuai a tui omte leh vansin tung a tui omte a khenta a; huchibang a hong hita hi.

Huchi in lei in loupate, anteh amau chi omdan ding bang a chi neite, sing amau chi omdan ding bang a gah, a gah sung a chi omte a omsakta hi. Pathian in huai a en a, hoih a sa hi.

Pathian in tanvak thupi nih a bawlta a; tanvak thupizaw pen sun a vaihawm ding in, tanvak thupi louzaw pen zan a vaihawm ding in a bawl hi. Aksite leng a bawl hi.

Pathian in, “Van nuai a tuite mun khat ah omkhawm henla, gamkeu hong dawk hen” a chi a; huchibang a hong hita hi. Pathian in gamkeu lei a chi a; tui omkhawmte tuipite a chi hi. Pathian in huai a en a, hoih a sa hi.

Pathian in, “Chi tampi suang in hong pung unla, tuipi tuite dim sak unla, vasate leng lei ah pung uhen” chi’n a vualzawl hi.

Pathian in, “Lei in ganhing amau chi omdan ding bang chiat in; gante, khupboh a pai ganhingte, gamsate, amau chi omdan ding bang chiat in pawtsak uhen,” a chi a; huchi in huchibang a hong hita hi.

Pathian in, “Tuite’n thilsiam tang thei hinna neite tampi pawtsak uhenla, vasate leng leitung a van vansin hawm heuhou ah leng uhen” a chi hi.

Pathian in gamsa amau chi omdan ding bang chiat in, gante amau chi omdan ding bang chiat in, lei a thil khupboh a paite tengteng amau chi omdan ding bang chiat in a bawl hi. Pathian in huai a en a, hoih a sa hi.