Ayat Alkitab yang Popular daripada Luka 14

Kongsi

“Usange munthu yose wakwiza kwa ine, ndipo wakureka kutinkha ŵawiske, ŵanyina, muwoli wakhe, ŵana ŵakhe, ŵabali ŵakhe, ŵadumbu ŵakhe, inya na umoyo wakhe wuwo kuti wangaŵa musambiri wane chara.

Yose uyo wakureka kuyegha mphinjika yakhe na kundirondezga ine, walije kumanya kuŵa musambiri wane.

Pakuti yose uyo wakujikwezga, wati wakhizgikenge ndipo yose uyo wakujiyuyura, wati wakwezgekenge.”

Ntheuraso yose wa imwe usange wakureka kutaya vyose ivyo wali navyo, kuti wakumanya kuŵa musambiri wane chara.

“Pakuti ndi njani wa imwe uyo wakukhumba kuzenga chigongwe, wakureka kukhara danga pasi na kupima umo ndarama zingaŵira, usange wali nazo zakufiskira mlimo ura? Mzire pakunji para ŵazenga lufura, ŵatondeke kuyimarizga ndipo ŵanthu wose awo ŵakuwona ŵati ŵamuseke na kuyowoya kuti, ‘Munthu uyu wakamba kuzenga ndipo watondeka kuyimarizga.’

Kweni para ukunozga chiphikiro, uchemenge ŵakavu, ŵakupunduka, viti na ŵachiburumutira. Ndipo iwe uti uŵenge wakutumbikika, pakuti iwo ŵalije kanthu kakukuwezgerapo. Chiuta ndiyo wamkukuwezgerapo pa chiwuka cha ŵarunji.”

“Muchere nguweme. Kweni usange wasukuruka, kasi nkhongono yakhe yingawezgekeramo uli? Ulije nchito nanga nkhu dongo panji ku chizara. Ntheura ŵanthu ŵakuwutaya waka kuwaro. Uyo wali na makutu ghakupulikira, wapulike.”