Ayat Alkitab yang Popular daripada KENESE, 3

Kongsi

Ona vaai atu lea o le fafine i le laau e lelei lava pe a ‘ai, ma ua matagofie mai, o le laau foi e aoga e maua ai le poto, ona tago ai lea o ia i lona fua, ma ‘ai ai; na ia avatu foi i lana tane faatasi ma ia, na ‘ai ai foi o ia.

Ua sili le atamai o le gata i manu uma o le vao na faia e Ieova le Atua. Ua fai mai o ia i le fafine, E moni ea, na fetalai mai le Atua, lua te le aai i laau uma o le faatoaga?

ou te faatupuina le feitagai ia te oulua ma le fafine, o lau fanau foi ma lana fanau; na te tu‘imomomoina lou ulu, a o oe e te tu‘imomomoina lona mulivae.

Ua fetalai atu o ia i le fafine, Ou te matuā faateleina le tiga o lou ma‘i to; e te fanau mai tama ma le tiga; e uai atu lou manao i lau tane, e pule foi o ia ia te oe.

e te ‘ai foi au mea e ‘ai ma le afu o ou mata, seia e toe foi atu i le eleele; auā na faiina a‘i lava oe; auā o le efuefu oe, e te toe foi atu lava i le efuefu.

Ua ia fetalai atu foi ia Atamu, Ua e usiusitai i le upu a lau avā, ma ua e ‘ai i le laau na ou fai atu ai ia te oe, na faapea atu, e aua e te ‘ai ai; o le mea lea ua malaia ai le laueleele ona o oe; e te ‘ai ai ma le tiga i aso uma o lou ola

Ua fetalai atu o ia, O ai ea ua na ta‘u atu ia te oe ua e le lavalavā? Ua e ‘ai ea i le laau na ou fai atu ai ia te oe, e aua e te ‘ai ai?

Ua ia tuli atu lava ia Atamu; ua ia tofia foi kerupi e nonofo i le itu i sasae o le faatoaga o Etena, ma le pelu afi mumū, o loo feliuliuai e leoleo ai le ala i le laau o le ola.

Ua faaigoaina e Atamu le igoa o lana avā o Eva; auā o le tinā o ia o tagata ola uma.