Ayat Alkitab yang Popular daripada MARCOS 2

Kongsi

Jesús osenduse, aipo e'i chupe:–Ava nimaräi va'e ndosekai ete oporoposano va'e, imba'easɨ va'eño ni'ä oseka yuvɨreko. Che ndayui ava seko tuprɨ va'e reka, che rumo ayu ava yangaipa va'e reka.

Jesús oikwase ko mbɨa yuvɨrekoi va'e oyese yeroya, a'ese aipo e'i imba'easɨ va'e upe:–Che ra'ɨrɨ, che ñerö nde angaipa rese ndeu.

Jesús aipo e'i iri:–Mbɨtu'usa arɨ yaposa ava upe narä, nda'ei ava yaposa mbɨtu'usa arɨ upe narä.

A'e rumo ndiyai seroike agwä Jesús uve ava re'ɨisave, sese vɨroyeupi oɨ arɨve seraso, a'eve teka vɨrokwa oɨ arɨ sui supi vɨroyɨ supa reseve imondo Jesús rovai tuprɨ yuvɨreko.

Che amboyekwara ava ɨvate katu va'e Ra'ɨrɨ che mborerekwasa ko ɨvɨ pɨpe ava angaipa upe che ñerö agwä.Evokoiyase aipo e'i ndogwatai va'e upe: –Ndeu aipo a'e, eñarapü'a, esupi nde rupa eso nde rëtäve.

¿Uma rupi vo ñe'ësa ndayavai katu, ndogwatai va'e upe: ‘Nde angaipa rese che ñerö ndeu’, anise aipo esara tie chupe: ‘Eñarapü'a, esupi nde rupa egwata kurïtëi’?

Imba'easɨ va'e aipo i'e ramoseve oñarapü'a, osupi vupagwer osë oso ichui, opakatu ava rembiepiave. Sese opakatu oyepɨ'amondɨi ipɨpe sui omboetei Tüpä aipo e'i yuvɨreko:–Yɨpɨsuive ndayasepiai va'e ite ko nungar mba'e e'i tëi yuvɨreko.