Ayat Alkitab yang Popular daripada MARCOS 6

Kongsi

Jesús rumo aipo e'i chupe:–Perio ko'ave, yaso yapɨtu'umi rane kokotɨ mba'e ndipoi va'e save.Esepia oyepɨndekwaño ite ava yugweru chupe, sese ndiyai ikaru agwä yuvɨreko.

Jesús rumo aipo e'i ava re'ɨi upe:–Tüpä ñe'ë mombe'usar avei ni'ä ava omboetei opakatu rupi yepi, sekwa pɨpe ndovɨroyai ete, opakatu imu sëtä pendar avei ndovɨroyai ete yuvɨreko.

Ogweyɨse rumo Jesús ɨarusu pɨpe sui, osepia ava re'ɨi, a'ese iparaɨsu ava eta chupe, inungar ovesa ndovɨrekoi va'e gwarösar; ipare ombo'e opakatu mba'e rese.

Ndoikatui mba'e poromondɨisa apo agwä a'eve, sese movɨrö tëi imba'easɨ va'e arɨve omondo opo imbogwera agwä. Ndoyembovɨ'ai tëi ava vɨroyae'ɨ̇sa pɨpe. Ipare Jesús oso ogwata tekwa-tekwami namombrɨi va'e rupi, oporombo'e oiko.

Ichui Jesús oipɨsɨ poyandepo mboyape ñuvɨrïo pira, ipare oma'e ɨva rese, avɨye ndeu che Ru e'i, ipare ombo'i-mbo'i mboyape opa omondo gwemimbo'e upe ava re'ɨi upe imondo agwä yuvɨreko. Pira ñuvɨrïo va'e avei omboya'o-ya'o opakatu upe. Evokoiyase opakatu ava okaru va'e i'ɨ̇taröpa ite yuvɨreko; omonu'äpa mboyape iyavei pira rumbɨrer, opayandepo yovaive ñuvɨrïo ɨruova tuprɨ omboapɨpopa yuvɨreko.