Ayat Alkitab yang Popular daripada JENESIS 1

Kongsi

Go Sup̃e e noa, Tuga mari naatam̃oli euga vei nunugida, euga takiusi gida, go euga maramara dap̃au naika maga ni natasi, go manu maga ni namalopa, go katel maga, go navanua mamau, go sara nalo kakaravi waina eu kakaravi navanua. Go Sup̃e e dawona ki naatam̃oli e pei nununa, e dawona ki nia e pei nunu ni Sup̃e e dawona ki da ero pei naanoai go nagoroi.

Go Sup̃e e pasa mata ki da, go Sup̃e e noa ki da, e naga, Koroga vavakawora, po laapa, po mari navanua ega vura, po marimatua ki nia. Go koroga maramara dap̃au naika maga ni natasi, go manu maga ni namalopa, go sara nalo mauri waina eu kakaravi navanua.

Ragi ni naatulakeana Supe e dawona ki nakoroatelagi go maramana

Go maramana e pinovinoi go e p̃alo go namaligo e doko narae ni epua go Naata ni Sup̃e e darakovakovagoro narae ni noai maga

Go Sup̃e e noa Namarama ega vakilina go namarama e pakilina

Go Sup̃e e punusi sara naleo waina e mari sua ra, go p̃a leo, eu p̃ia lua. Go ragi melu e doko go malip̃ogi e doko, naaleatia kelatesa.

Go Sup̃e e punusi namarama naga e p̃ia go Sup̃e e dapotae namarama padua ki namaligo

Go Sup̃e e noa, P̃a leo, a po dua mu sara nataputea waina e pitua ki napatina, waina e doko narae ni navanua mamau, go sara nakau waina nawa ni nakau e doko asa waina e pitua ki napatina ega vei navinaga animu

Go Supe e soso namarama ki Aleati, go namaligo e soso e ki P̃ogi. Go ragi melu e doko go malip̃ogi e doko, naaleatia sikai.

Go Sup̃e e noa, Namalopa sikai ega toko m̃aleoputo ni noai maga, go ega tap̃otae noai maga padua ki noai maga.

Go sara nalo tuavati ni navanua, go sara manu ni namalopa, go sara nalo waina eu kakaravi navanua, waina naatana mauri e doko ara, a po dua ra sara nataputea malakesa ega vei navinaga adeada, go e dapala nogoe.

Go Sup̃e e noa, Nasulu maga euga toko namalopa ni nakoroatelagi naga euga tap̃otae aleati padua ki p̃ogi, go euga vei navaivaiana maga, go ragi maga, go naaleatia maga, go natau maga.

Go Sup̃e e noa, Navanua ega sai ki nam̃enau, nataputea waina e pitua ki napatina, go nakau ni nawa waina e dau ki nawana visarasara, waina napatina e doko nap̃alauna, elagi ni navanua, go e dapala nogoe.

Go Sup̃e e mari namalopa, po dap̃otae noai maga waina eu doko etano ni namalopa padua ki noai maga waina eu doko elagi ni namalopa go e dapala nogoe.

Go navanua e sai ki nam̃enau, nataputea waina e pitua ki napatina visarasara, go nakau waina e dau ki nawana, waina napatina e doko nap̃alauna, e pisarasara. Go Sup̃e e punusi naga e p̃ia.

Go Sup̃e e mari nasulu warua dua nasulu waina e p̃arua liu naga ega maraki aleati, go nasulu waina e p̃arua rua naga ega maraki p̃ogi go e mari m̃asoe maga.

Go Sup̃e e noa, Noai maga ni etano ni nakoroatelagi euga vei tea saisaikiana paki tokora sikai maau, go tea garagara ega vakilina go e dapala nogoe. Go Sup̃e e soso tea garagara ki Navanua, go nasaisaikiana ki noai maga e soso e ki Natasi maga. Go Sup̃e e punusi naga e p̃ia.

Go Sup̃e e pasa m̃ata ki da, po naga, Kuga vavakawora, po laapa, po mari noai maga ni natasi euga vura, go manu euga laapa navanua.

Go Sup̃e e noa, Navanua ega tape nalo mauri visarasara maga, katel maga, go tea kakaravi maga, go nalo mila visarasara maga ni navanua, go e dapala nogoe.

Go Sup̃e e noa, Noai maga euga vura ki navata ni nalo varivari maga waina eu mauri, go manu maga euga tiri elagi ni maramana narae ni namalopa ni nakoroatelagi.

Go Sup̃e e mari nalo mila visarasara maga ni navanua, go katel visarasara maga, go sara nalo visarasara waina eu kakaravi natano, go Sup̃e e punusi naga e p̃ia.