Ayat Alkitab yang Popular daripada Utu 6

Kongsi

Chapanga akaviniswa neju mtima ndava amuwumbili mundu pamulima, Chapanga akaviniswa neju mumtima.

Bambu akalola kuvya uhakau wa vandu wayonjosiki neju pamulima, na lukumbi lwoha mitima yavi yiholalela gahakau ndu.

Nambu Chapanga aganiswi na Nuhu.

Vyenivi ndi viveleku vya Nuhu. Nuhu avii mundu mweakumganisa Chapanga, mwene ndu na angahoka pagati ya vandu. Atamili cha kumsadika Chapanga.

Ndava yeniyo Bambu akajova, “Yati nikumuwusa mundu mwenimuwumbili akoto kuvya pamulima, yati niwusa hinyama pamonga na vyevikwava na videge vyevimbuluka. Muni niviniswa ndava kyani naviwumbili.”

Vandu pevayonjosiki pamulima, na vasikana kuvelekewa, vangi va vana vagosi va Chapanga vavaweni vasikana va vandu avo kuvya vabwina, vakavagega vala vevavaganili na kuvya vadala vavi. Kangi Bambu akajova, “Mpungu wangu yati witama lepi na vandu magono goha, muni mundu ndi wa kufwa ndu. Hinu, yati itama lepi neju ya miyaka miya na ishilini.” Magono genago na hati magono ga palongolo, kwavili na mivandu jivaha pamulima vevakemiwi Vanefili. Mivandu jivaha, vavelekiwi na vasikana va vandu vevatoliwi na vana va Chapanga. Vanefili vamanyikini neju ndava vavii vakekesi na vandu va ngondo lukumbi lwenulo.

Nuhu akakita kila chindu ngati chealagiswi na Chapanga.

Ndava yeniyo Chapanga akamjovela Nuhu, “Yati nikomekesa vandu voha, ndava muni vandu venavo vakohokisi chitututu pamulima. Yati nikomakesa vandu voha pamonga na mulima.

Ujitendelekelayi watu uvaha kwa mbawu zezinonopa na uukemela Safina. Mugati gavanisa vyumba na uyipakayi lami mugati na kuvala.

Penapo, Chapanga akaulola mulima, akauwona uhalabiki njwee, muni kila mundu alandili njila yaki yihakau.

Yingisayi musafina kila chiumbi chechivi mumi, vivili vivili chigosi na chidala, muni vivya mumi pamonga na veve.