Ayat Alkitab yang Popular daripada Gyenesis 49

Kongsi

Ahempoma nnkefi Juda nsa, Nna mbrahyɛfo poma nnkefi n’anan ntamu, Kɛpem dɛ Siloh bɛba; Na ɔno na aman bɛyɛ setsie ama no.

Josef yɛ dua a ɔsow, Abaw a ɔsow wɔ nsunyiwa ho; No nkorbata tratra ban. Egyentofo no eyi no awerɛhow kɛsenara, Na wɔatotow no, na wɔayɛ no enyienyi

Na n’egyen dze ɔwɔ hɔ pintsinn, Na ne nsa n’abasa no mu yɛ dzen, ɔnam Jakob no Tumfo Kor no ne nsa do, Hɔ na oguanhwɛfo no, Israel no bo no ofi. Mekyerɛ w’egya ne Nyankopɔn a ɔbɔboa wo no, Na Otumfo a ɔdze ɔsor nhyira, Bun a ɔda daadzetsirmu ne nhyira, Enumfo mu, nye yafun mu nhyira, Behyira wo no

Juda, ɔwo na wo nuanom beyi wo ayɛw: Wo nsa bɛhyɛ w’atamfo hɔn kɔn do; W’egya mba bɔbɔ hɔn mu adze wɔ w’enyim. Juda yɛ ogyata ba; Abɔgyanam ara na edze enyin, me ba: ɔkotowee, obutuuw hɔ dɛ ogyata, Na dɛ ogyataber; woana na obekenyan no?

Reuben, ɔwo nye m’abakan, mo tum, nye m’ahoɔdzen ahyɛse; Nyia ɔkyɛn wɔ enyidzi mu na nyia ɔkyɛn wɔ tum mu. Ihihim dɛ nsu, ennkɛkyɛn; Osiandɛ efoow w’egya ne mpa: Nna iguu ho fi: efoow m’adae.