Ayat Alkitab yang Popular daripada LUKA 11

Kongsi

Nĩguo-rĩ, mwagĩkorũo inyuĩ, na mũrĩ oru, nĩmũũĩ kũheaga ciana cianyu iheo njega, ĩ Ithe wanyu wĩ Igũrũ angĩkĩria atĩa kũhe Roho Mũtheru arĩa mamũhoyaga?

Na niĩ ngũmwĩra atĩrĩ, Hoyai, na nĩmũkũheo; mathai, na nĩmũkuona; ringaringai mũrango, na nĩmũkũhingũrĩrũo.

Nĩ ũndũ o mũndũ ũrĩa ũhoyaga, nĩaheagwo; na ũrĩa ũmathaga, nĩonaga; na ũrĩa ũringaringaga, nĩahingũragĩrũo.

Nake akĩmera atĩrĩ, Rĩrĩa mũkũhoya Ngai, ugagai atĩrĩ, Ithe witũ [wĩ Igũrũ], Rĩĩtwa rĩaku nĩrĩamũrũo. Ũthamaki waku ũũke. [O ũrĩa wendete wee nĩwĩkagwo gũkũ thĩ, o ta ũrĩa wĩkagwo kũu Igũrũ.]

Na ũtuohere mehia maitũ; nĩ gũkorũo o na ithuĩ nĩtuohagĩra o mũndũ ũrĩa wĩ na thirĩ na ithuĩ. Na ndũgatũtware magerio-inĩ, [no kũhonokia ũtũhonokagie ũũru-inĩ.]

Tũheage-o mũthenya irio ciitũ cia gũtũigana.

Tawa wa mwĩrĩ waku nĩguo riitho rĩaku: narĩo riitho rĩaku rĩngĩkorũo nĩ rĩgima, mwĩrĩ waku wothe naguo nĩũiyũragwo nĩ ũtheri; narĩo rĩngĩtuĩka nĩ rĩthũku, mwĩrĩ waku naguo nĩũiyũragwo nĩ nduma.

Gũtirĩ mũndũ ũgwatagia tawa akaũhitha ruungu harĩa ũtangĩoneka, kana akaũkunĩkĩria na irebe, no aũigaga handũ haguo, nĩ getha andũ arĩa matonyaga nyũmba monage ũtheri waguo.