Ayat Alkitab yang Popular daripada 1 Musa 3

Kongsi

Wo le to biriŋ musoo ye a je ko, yiridiŋo ñiŋ beteyaata le ka a domo, aduŋ a be ñaaboo daa le to, aniŋ yiroo ñiŋ na kuwo be lafoo daa le to ka ñaameŋo dii moo la, a ye a diŋo taa, a ye a domo. A ye doo dii a keemaa la, a niŋ meŋ be jee, wo fanaa ye a domo.

Saa le kalanta wulakono daafeŋolu bee ti, Yaawe* Alla ye mennu daa. A ko musoo ye ko, “Fo Alla ko ali kana hani yiridiŋ ne domo ñiŋ naakoo kono baŋ?”

M be jawuyaa juloo le duŋ na i niŋ musoo teema, ka taa fo i koomoo aniŋ a koomoo. A koomalankoo be dori la i kuŋo kaŋ, i fanaa be a kiŋ na a tonkoliŋo to.”

A ko musoo ye ko, “M be bataa kuu baa lafaa la i la karoo la, niŋ konoo be i la. I be diŋolu wuluu la dimoo le kono. Bari hani wo, i keemaa la kuwo be tara la i meeyaariŋ ne, aduŋ ate le be mara la i ma.”

I be kali la tara la le foloo, janniŋ i be feŋ soto la ka a domo, fo janniŋ i be seyi la ka ke bankoo ti kotenke, i daata meŋ na. I daata bankumunkoo le la, aduŋ i be labaŋ na ke la bankumunkoo le ti.”

A ko Adama ye ko, “I bulata i la musoo la kumakaŋo le nooma, i ye yiroo diŋo domo, ŋa meŋ domoo haraamuyandi i ma. Ñiŋ kuwo kamma la, i ye meŋ ke teŋ, m be dankoo le laa la bankoo kaŋ. Ŋaniŋolu niŋ ñaamoolu be faliŋ na a kaŋ, aduŋ i be dookuwo ke la le kendeke i la baluwo bee kono, ka i baluu a munafaŋo la.

Alla ko a ye ko, “Jumaa le ye a fo i ye ko, i kenseŋo le mu? Fo i ye yiridiŋo le domo baŋ, ŋa meŋ haraamuyandi i ma?”

Kabiriŋ a ye Adama bayi Edeni naakoo kono, a ye kerubu malaayikoolu* le londi Edeni naakoo daa to tiliboo la, aniŋ hawusaroo* meŋ ka munta dimbaa. Hawusaroo ñiŋ ka tu muruŋ-muruŋ kaŋ ne doroŋ. Ñinnu ka siloo le kanta, meŋ ka taa yiroo to, meŋ ka baluwo dii.

Adama ye a la musoo toolaa Hawa la, kaatu ate le be ke la hadamadiŋolu bee baamaa ti.