Ayat Alkitab yang Popular daripada Juan 15

Kongsi

“Yin lik are in saqil laj tikon, yix ix keje pacha u'ab'. Jun we kjeqi chwe Yin xaq Yin kinjeqi uri che ire, xaq lik k'i uwach uri kuya'o. Yix we kijek' iwib' wu' lik nti kixtiki uri chu'anik.

Lik chixjeqel chwe Yin, pacha kin-an Yin chi kinjeqi chiwe yix. Man jun u'ab' i tikon kuya ti uwach utukel we nak'al ti che unimal. Xaq keje yix ile kixwachin taj we kixjeqi ti chwe Yin.”

“Yix we kixjeqi chwe Yin xaq we kixkojon che ink'utunik, chitz'onoj uri wach kiwaj man lik kyataj ni chiwe.

Yix ti xini'ul Yin, are Yin xixin-ul yix, xaq inya'om chiqul chi kix-e chu'anik i utz laj chak man arewi kixwachin chwach i Dios xaq chkiwach i winaq. Man keje ile i Inqajaw kuya ni chiwe ronojel ni'pa kitz'onoj che pinb'i Yin.

I k'axnab'al k'uxij chi lik nim re jun winaq, are uya'ik rib' chwach i kamik tob'al ke i pachin k'ax keuna'o.

we o jun chke in-ab' chi kuya ti uwach kuk'atzij b'ik, xwiri we kuya uwach kujos-ij xaq kuk'atzij utzam, man keje ile lik mas k'i uwach kuya'o.

I intzij inpixab' chiwe yix are iri: Chi k'ax china iwib' chiwach, pacha kin-an Yin chiwe yix chi k'ax kixinna'o.

Lik k-aljin ni uri u'ij uchomal Inqajaw we kixwachinik xaq lik kixu'on uri intijoxelab'.

I Jesús xub'ij: “Yin lik in saqil laj tikon; i Inqajaw are Ire k-anaw i chak che

Jun we kjeqi ti chwe Yin kelsax b'i uri, keje pacha u'ab' jun che' chi kchaqijik, kmol uchi', te'uri knak' a' che.”

“Keje ile kinb'ij chiwe man keje ile lik kixkikot wu' xaq ikikotemal lik ktz'aqat na.

Yix, we kixkojon che intzij inpixab', lik kixjeqi uri che i k'axnab'al ink'ux, pacha in-anom Yin kinkojon che utzij upixab' Inqajaw, xaq in jeqel che i k'axnab'al uk'ux.”

Are kixintaq chu'anik are iri: K'ax china iwib' chiwach.”

Wetene yix to' ix re uwach i jyub' ta'aj, lik k'ax te'eqi kixkina i winaq chi to' je re uwach i jyub' ta'aj, pacha k'ax una'ik kib' ike kki'an chkiwach. Xwiri Yin xixincha yix chkixol ike, rumali chi tzel kixkilo man ix re ti chik uwach i jyub' ta'aj.