Ayat Alkitab yang Popular daripada मत्ती 2

Kongsi

त्याह तेऊ घरे पूजी करे बालक तेऊरी आमा मरियमा संघे हेरू, होर ऊटे पडी करे बालका बे नमस्ते करू, आपणी-आपणी झोल़ी खोली करे तेऊबै सुना होर लोबान, होर गन्धरसा री भेंट चढ़ाई।

जेबा राजा हेरोदेस यहूदिया प्रदेशा में राज करा थी तेबा यीशु रा जन्म तेऊ प्रदेशा रे बैतलहम शहरा में होऊ, तेता बाद पुर्बा दिशा का कई बुद्धिमान लोका यरूशलेमा में इच्छी करे पूछते लागे। यहूदी रअ राजा जासका जन्म होऊ साहा कई साहा? किबेकी हामें पुर्बा में तेऊरअ तारअ हेरू होर तेऊबै नमस्ते करदे आउदे साहा।

तेऊ तारे हेरी करे त्याह बहू खुश होई।

तेबा सुपने में यह चेताबनी पाई करे कि राजा हेरोदेसा सेटा बे भी नांई नाहे, त्याह राजा बे बिना खोजे दूजी बाता में आपणे देशा बे नाठे। बुद्धिमान लोका नाहंणे बाद परमेश्वरा रे एकी दूते सुपने में यूसुफा बे हेरी करे तेऊबे बोलू, उठ, तेऊ बालका होर तेऊरी आमा नी करे मिस्र देशा बे नाहाँ, होर जेबरे तणी हाऊं ताहब नांई बोले, तेबरे तणी तखी रह, किबेकी हेरोदेस एउ बालका लोढ़अ लागदअ साहा कि तेऊ मारी सके।