Ayat Alkitab yang Popular daripada AkwaKolose 3

Kongsi

Mu cikunde oandu karo mu cikwatere oandu ngeci yumweya o di no kooko kwa yumweya. Mu kwatere amweya eci Fumu edi naa mi kwatera namwe.

Mu pakere maano enu kwinu yo ku wiru, kadi kwinu yo mu kaye.

Yoihe eyi mu tenda, mu i tende ko mucima ouhe eci mwaa kwamena Fumu Yesu kadi anu.

Mwanua Nyambi awa a shima, owakenu awa naa cihangwera. Mweyo, mu cishupeke ñekeñeke, thsihemo, ku cihuthsa kushi, kuwamucima no kukwatamucima.

Maywi a Krisitu ekare mu mwenu ko kuyara, mu cirongithse oandu no ku cikuturura oandu konyanyami ouhe. Mwimbe masamu, membo, no membo o ku tunderera ku Mupepo wa Nyambi ko micima thzenu thzo ku yara okanderero. Karo yoihe eyi mu tenda, ikare mu kuamba nji etenda, mu tende enu yoihe mu dithzina dya Fumu Yesu, o ku mu kanderera kenthzi kwa Nyambi Tata.

Peuru thzeyo yoihe mu cishupeke thsishimo, inene thsishimo thsodiyo thsi nanga enu yoihe pofoci mu thsicikwato thso kwononoka.

Pakuninga honi ci na mu pinduriwa na Krisitu, mu fote yo ku wiru oku a nekara Krisitu ku dyoko dyo rudyo dya Nyambi.

Thsiyaro thsa Krisitu thsi endithse mu micima thzenu, inene ko kwikara epo yerama, Nyambi shime a mithserire kwikara mu thsiyaro. Mu kanderere thsikati thsothsihe.

Mweyo, mwipae enu yo mu kaye eyi i di mu mwenu yo kupitura eci ruthziho, yo dithziro, mirembe, ecikumbwethza yoimango no rununa, ako ku rombera ekupuro.

Inene na mu fu, karo myoyo thzenu thzi na horekiwa na Krisitu mwa Nyambi.

Uno honi mwaa roera ku thsia ku tenda yoihe eyi: oanthzi, kuanthzipa, ñore, kwipithsa amweya mathzina, no maywi oamango ku tunda mu tunwa twenu.

Mwa ciangangera, inene na mu cishupura onu o kare nekwama yao. Mu na cishupeka honi onu oupe ou u hemuniwa thsikati thsothsihe, ci mu twethse ku dimuka nawa Nyambi oyu wa miumbire no ku shimba thsikupuro thsenthzi.

Akwerume, mu shime anuwenu, mwekara no thsirara kukwo.

Anuke, mu yuvere ashemienu mwinu yoihe, inene eyi yaa roerithsa Fumu.

Ambuyama, mu cipake kushi thzanuwenu, inene yo i na roera kowa a di mwa Fumu.