Ayat Alkitab yang Popular daripada AkwaFilipi 4

Kongsi

Mwa cithzekera thsimweya, unone mwinu yoihe mu rombere no ku romba kokanderero ci eyi mu fota i dimukiwe kwa Nyambi.

Thsiyaro thsa Nyambi ethsi thsi na piterera kuyuvithsithsa kokuhe, kenge thsa ku nyunga micima no maano enu mwa Krisitu Yesu.

Ko ku manenena, andengenu, mu pakere maano kwinu yoshemwa, yo ku remekiwa, yo kuoroka, yoikenu, yo ku roerithsa, yo ku shangariwa, yoiwa nene, neyi yo ku roera ku shangariwa.

Naa twethsa ku tenda enu yoihe ka Krisitu oyu na ni tanarithsa.

Mu roere thsikati thsothsihe mwa Fumu. Naa hukera karo ku amba ci mu roere!

Nyambi wange kenge a ku mi pa eyi mu na piri yoihe ko rufumo rwenthzi ro kutethzima mwa Krisitu Yesu.

Mu ereke ku tenda enu yoihe eyi na mu cirongithsa no ku i tambura ku kwange, neyi na mu yuvu ku kwange no ku mona o ku ni i tenda. Apo honi Nyambi o thsiyaro kenge a kwikara nenu.

Mu monithse kuwamucima kwenu kwanu wahe. Inene Fumu pepi a di no ku keya.

Ame ni na dimuka kupira edi kwekara, no kwikara nenu yoingi edi kwekara. Na ni cirongithsa dyo ku yoya mwinu yoihe, ikare mu kwikuta nji mu nthzara, kwikara nenu yoingi nji mu kupira.

Kadi cingwa ko i di eyi ni na piri ngeyi ni ambera kengeyo, unone na ni cirongithsa ku rakwa mwinu yoihe omu ni di.