Ayat Alkitab yang Popular daripada Mateo 8

Kongsi

Naghambae dayon si Jesus kanda, “Ham-an it nahadlok kamo? Kueang 't-a gihapon ro inyong pagtuo kakon.” Bumangon dayon imaw, ginsugo nga magpundo ro hangin ag magkalma ro humbak, ag insigida hay nangin kalmado nga mayad ro dagat.

Pero nagsabat ro kapitan, “Ginuo, ayaw eon mag-adto sa amon ay bukon ako it bagay nga magbaton kimo sa akong baeay. Hambaean eang nga mayad eon imaw ag gamayad gid ro akong sueuguon.

Pagkabati kara ni Jesus hay hangawa gid imaw it duro. Naghambae dayon imaw sa mga tawo nga nagasunod kana, “Matuod dang ginahambae kinyo nga owa pa ako it hakita bisan sa mga inapo ni Israel nga makaraya it bahoe ro anang pagsalig kakon.

Ginhambae dayon ni Jesus ro kapitan, “Uli eon. Nagapati ka gid nga magamayad ro imong sueuguon kon hambaeon ko eang nga mayad eon imaw, ngani makaruyon gid ro matabo.” Ag paghambae eang karon ni Jesus hay nagmayad eagi ro sueuguon ku kapitan.

Hangawa sanda ag sinanda, “Anong tawuha ra? Bisan ro hangin ag dagat hay nagatuman 't-a kana!”