Ayat Alkitab yang Popular daripada Markus 9

Kongsi

Nǝngɔ Yesu a bʌ gǝn gɔ, “Mɔ na mǝ dwal dwalɨ nɔɔ? Kanjǝlɔ gwam maa maa a daagɔ nʊ nɨ a nǝ bɨlǝngkɛlɨ.”

Nǝngɔ tɛ bwɛ a ga kwaalɨ gɔ, “N nǝ bɨlǝngkɛl! N kela ń, tɨka ɨ sǝ n sʊtǝn nǝtǝm bɨlǝngkɛlɔ.”

Nǝn kwama Yesu a dɔ mʊgɔ lɔngɨ, nǝngɔ bɛtɔ mɛlalɨ gǝnɔ a bʌ gǝn daddad gɔ, “N wɛ a bwɨ nǝn dwal bɔ nǝn jǝg yʊwa nɨɨ?” Nǝngɔ a jǝla ji gɔ, “A yʊwa nɨɨ, n keli kwaagɔ gǝ jǝg lɛɨ.”

“Mamɔ n jǝ nyan. Na denden gǝnɔ a kalaɨ, jǝ́ fɛ denden gǝnɔ nǝn wɛ? Jǝ́ yǝlam na mam a kʊm jen, jǝ́ yɨ yɨm kwamɨgǝn dakini.”

“Mǝ sʊwa jen nɛ na nʊ nɨ a yo win a mʊgɔ bɛtɔ dwalǝn nɨ na wʊnɨ a mʊgɔ dun mɨɨ, a yo i. Na nʊ nɨ a yo i, a yo bɔ mǝ, a yo nʊ nɨ a twam ɨɨ.”

N bɨlǝngkɛl mǝ sʊwa jen nɛɨ, nʊ nɨ a nǝ jen mwɛ nǝn kʌshi nɔɔmwɛnɔ win a kɛl dun mɨɨ gɔ, jǝ́ na a Kiristii, n bɨlǝngkɛl mǝ sʊwa jen nɛɨ, nya nya lǝma gǝnɔ.

“Na nʊ nɨ a dǝg kaa win a kʊm bɛtɔ dwalǝn nɨ a nǝ bɨlǝngkɛl a daa mɨ woi a maa bwɨlangkɛlɨ, a laa jǝl ja kwa gǝm nɛl kʊwalɨ a kwɨl, ja mal gǝn a mʊgɔ wɨma.

Na nu mʊnɔ dǝg ń dǝg ń maatǝm bwɨlangkɛlɨ, kʊʊtam gǝn. A laa jǝl ń dɔ fɔlɔn lɔ Kwaamaɨ nǝn nugɔ win, na jǝ mal ń mal ń a mʊgɔ lɔ kǝla nǝn nugɔ yoi.