Ayat Alkitab yang Popular daripada Yowani 2

Kongsi

Ei myasi Yesu áiraa eKana, mwa chio che'Kalilaya, chi chábaa chisomerano chai chibere-bere. Mwo'lu, era kulosa ebuashi bwai. Bushi no'ku, ebanafunzi* bai bera kumwemerera mwa michima yabo.

Yesu ômvire bacha, era kumwǎkula mbu: «E mama, oyu mwasi àtanyêrekere. Si ebihangi byanyi bìtasa kuika!»

Yesu era kubura abu bakosi mbu: «Mano mareya moshi, mwěhusaa mwe'meshi.» Bera kunêhusa mwe'meshi kuikira kwana meno. Chasinda, Yesu era kwire ábabura mbu: «Mwiree mwáfoma kwa'mu meshi, mwěkere'mo ola wèmangirire ebuya.» Bera kunámwekera'mo.

Yesu nai mbu: «Luno Luhu lwa Ongo*, muhándulaa'lo, na mu suku ehatu mungálola kwa náhuba kuimba'lo.»

Yesu kukwera kutola-tola emirisi, na áunga mwe'lukoba. Ba bandu boshi, ala'uma ne'ngaafu sabo, ne'mbuli sabo, kuna kutangirisa ákolokanya'bo mwe'chi chibuwa che'Luhu lwa Ongo*. Chasinda, ba bábaa báinganyanga ebuteya nabo, era kusheshanga obu buteya bwabo na kubindulanga emesa ma bábaa bábuínganyisisa'ko. Ba bábaa báusa ebiruka nabo, era kubabura mbu: «Mukulaa bine byoshi anola! Si mùtanachiereresaa mwáhubya enyumba ya Tata kuba esoko!»