Ayat Alkitab yang Popular daripada โยฮัน 1

Kongsi

ตาปี โซะ โกะ ซือมียา นู มาแรฮ ซาโมจ ญา_ ซือมียา นู ปือจายา กะ ญา เตอ_ ญา บือเลฮ อาเกะ บรี กะ กูญา ฌาดี นานะ นะ ตูฮัด บือซัยํ เดะ อาตัซ เลอ.

ลามูลา ดูลู นูตู เตอ_ นู บลาโลก จะ ปือมือเลา นะ ตูฮัด_ ญา อาดา ดัฮ. ปือมือเลา อีตู_ ญา อาดา ดูโดะ บือซามา ฌางัน ตูฮัด บือซัยํ เดะ อาตัซ ดัฮ. นู จะ_ ปือมือเลา อีตู เตอ_ ฌาดี ตูฮัด เลอ.

นู จรัฮ เตอ_ ญา ซูโลฮ มาแรฮ โซะ ตือปัจ กือลับ_ จะ นู กือลับ อีตู เตอ_ นะ อาเมด ฌือนัฮ เดะ ลาฆู จรัฮ เตด บือเลฮ ดัฮ เลอ.

ปือมือเลา นะ ตูฮัด อีตู เตอ_ ญา มาแรฮ ฌาดี อูมัจ ซือมียา ดัฮ_ ญา บือเลฮ ดูโดะ เดะ ตืองัฮ ลูมอฮ กีตา_ บือเลฮ ปลีฮัจ บรี ปือนอฮ จะ_ ตูฮัด เดะ อาตัซ ฌาดี กะฮามี ซูโงฮ_ จะ ญา นะ ฮาลัย บรี ซือลามัจ กะ อูมัจ ซือมียา. กีตา บือเลฮ ลีฮัจ ลาฆู บือซรี บือซายา นะ ญา_ ซือรูปา บือกะ ลาฆู บือซรี นะ นานะ ตูงัน นะ อาโปก เดะ อาตัซ เตอ.

ตูฮัด เดะ อาตัซ บือเลฮ ซูโรฮ ปือมือเลา อีตู_ บือฌาดี โกะ ซือบารัก ราตา ซือมูฮา. เดะ บือนา บารัก นู บือเลฮ บือฌาดี เตอ_ ฮอย นามา โปด_ นู ตูฮัด เตด บือเลฮ ซูโรฮ ปือมือเลา อีตู บือฌาดี. ปือมือเลา นะ ตูฮัด อีตู_ ญา เลอ นู บรี ฮีโดะ. นู ฮีโดะ อีตู เตอ_ ฌาดี ตือปัจ จรัฮ นู ซูโลฮ บรี กะ โกะ อูมัจ ซือมียา ราตา_ บรี ลีฮัจ ลาฆู ซูโงฮ.

ลือปัซ ซืออารี โซะ ปาฆี_ โยฮัน บือเลฮ ลีฮัจ เยซู มาแรฮ มียา ญา. ญา มือเลา จะ_ “ลีฮัจ เลอ_ อานะ กาเมก นะ ตูฮัด_ ซือมียา นู ซาโมจ ลาฆู ซาลัฮ บือดูซา นะ ดือนียา_ ปี บูวัก เตอ.

ปือมือเลา นะ ตูฮัด อีตู_ ญา อาดา ดูโดะ เดะ ดาลับ ดือนียา. มีเซ จะ ญา โปด_ บือเลฮ บือฌาดี ดือนียา ดัฮ เตอ_ ตาปี โซะ ซือมียา เดะ ดือนียา_ กูญา เตด กราลา ญา เลอ. ญา มาแรฮ รอจ กะ นังฆรี นะ ญา ดัฮ_ ตาปี โกะ ลูมอฮ นะ ญา โปด_ ฮอย เตด บือเลฮ ซาโมจ ญา.

อีตู เลอ_ ฌาดี ลาฆู จรัฮ ซูโงฮ_ นู ซูโลฮ มาโซะ กะ ดือนียา_ นู บูวัจ บรี กะ โกะ อูมัจ ซือมียา ราตา_ บือเลฮ ลีฮัจ ลาฆู นู ซูโงฮ.

ซาเบะ จะ_ ตูฮัด เดะ อาตัซ บือเลฮ กีเรบ ปือมือซัด ฮูโกบ อีตู บรี กะ มูซา มือญาเระ. ตาปี ลาฆู นู ญา ฌาดี กะฮามี ซูโงฮ_ นู ญา นะ ฮาลัย บรี ซือลามัจ กะ อูมัจ ซือมียา เตอ_ เยซู คริด เลอ_ ฌาดี ซือมียา นู บาวา ลาฆู อีตู มาแรฮ ปลีฮัจ.