Ayat Alkitab yang Popular daripada متّای انجیل 2

Kongsi

وختی خونه میئن بومَئن و زأک خو مئر أمره مریم بدِئن، خوشؤنِ دیمِ گَلِ سر بنئن و او زأک پرستش بودَن. بازین خوشؤن کوشتای صُندوقون واگودن و پیشکشونی زر و کُندر و مُرّ عطریجاتَ جی اونه هَدَئن.

بعدِ اونکه عیسی هیرودیس پادشاهی دوره، یهودیّه بیتْ​لِحِم شهر مِیئن بزاسّه بوبؤ، هوموقع چند ته ستأره​شنأس مشرق زمینای، اورشلیم میئن بومئن و اوشون بپورسئن: «او قنداق زاک کوره ایسأ که یهودِ پادشاه ایسّه؟ چونکه اونه ستأرَه، مشرقِ میئن وختیکه جؤر بومَه بدیم و اونه پرستش بِه بومایم.»

ایشون تا ستاره بدئن خیلی شادَ بوئن.

و چونکه خوئه میئن واخوبَ بوئن هیرودیس ورجه ونگردن، یکته راهِ دیگرَ جی، خوشؤنِ مملکت وگرسَن. بعد اینکه ستاره​شناسون بوشوئن، خداوند یکته فرشته، یوسفِ خؤ نما بوبؤ و بوته: «ویریس، زأک و اونه مئر ویگیر و مصر سو فرار بکون و اوره بیس تا تَه خبر بدِئم، چونکه هیرودیس، زأک دومبال گردنه تا، اونه بکوشی.»