Ayat Alkitab yang Popular daripada Maliko 6

Kongsi

Yesu akavalonjelaje, “Tubite tukikale hono ha wiyeka ili mwesele chidogo.” Alontsile ihyo kwasawuli vanu wolofu vatsaga iho na kuwuka, mbaka Yesu hamwe na vadahitswa vake vatindajilaga kulya.

Yesu akavalonjelaje, “Muloli va Mulungu ahesimilwaga na vanu chila hono, lechelelo abedalwaga ku muji gwawo, na kwa vang'olotse na ku kaye yawo.”

Yesu hoavaga kwika mu mutumbwi gula, akavawonaje vanu wolofu, akavawonelaje lusungu kwasawuli vavaga kota ng'olo tsotsilihela mudimi. Ihyo akantsaje kuvadahitsa ndongwa tsolofu.

Yesu siavaditye ndongwa tsotsive tsinya mitinuso kwasawuli ya mbedatsi tsawo, lechelelo avasuchye kwa kuvavichila mawoko vanu vatunga hela na kuvaponetsa. Yesu akabubuluvaje kwasawuli ya vanu vala kulema kumutumba. Yesu afijendelaga fijiji fya habehi na kuvadahitsa vanu.

Kahi Yesu akategulaje gala mabumunda gahanu na somba tsivili, akagalamilaje kilanga na kumulumba Mulungu na kugamegasa hamwe na tsila somba tsivili, akavapelaje vala vadahitswa vake vavagavasile vanu vala veka. Nawo vanu veka vakalyaje na kiguta. Vadahitswa va Yesu vakakong'asaje filyo fyo fisije, vakapataje fitangula fikomi kumi na fivili.