Ayat Alkitab yang Popular daripada Valumi 12

Kongsi

Mulekaje kuhotsa kota tso van'dita vanu va mu inyi fyo vanhotsa, ila Mulungu avabadilaje henye kwa kuditwa wupya mahotso genyu. Ihyo ho mukuvetsa kutsela nachene chila cho an'gana Mulungu, mukutsitsela ndongwa nofu tso tsingumugan'ya na tsa wukwitso kwa Mulungu.

Ihyo lelo vang'olotsangu kwakuva Mulungu yo munya lusungu lukomi, ntsinguvagongola kuta mwitawule henye vene kwa Mulungu kota nambiko na yoyingumugan'ya Mulungu, lechelelo muvaje wumi, ihyo fyo mun'ganika kudita kwa kumufugamila Mulungu kwa wukweli.

Lihuvilo lyenyu livaditaje musangalale, na homukuva mu ng'odeko mumutsindilaje na kuno mungumusuka Mulungu siku tseka.

Wubi wulekaje kukusuma, ila uwusumaje wubi kwa kudita wuwuya.

Mwiganaje henye kwa henye, kwa hesima chila munu ahotsaje kwajili ya muyage na kumuwona kuta nayo munu.

Kigana kwenyu kulekaje kuva kwa kideteletsa, mutsivipilaje ndongwa ntsibi na kutsidita ndongwa nofu.

Muditaje chila chomukuvetsa ili mwikale kwa wusichimafu na vanu veka.

Nye vayangu, mulekaje kuvapilulila vanu wubi, lechelelo mumulechele Mulungu lulongwa ulo, mu Mandiko ga Mulungu ganlonga, Mutwa anlonga, “Kupilula wubi yo katsi ya heni, heni ngupilula.”

Mulekaje kudita katsi ya Mulungu kwa wudejefu, ila muyikolaje kwa wukangatso na kwa numbula tsenyu tseka kwa kumutumichila Mutwa.

Kwa lusungu lo masile kuhuma kwa Mulungu ntsinguvalonjela nyeka kuta, chila munu alekaje kuhotsa kuta ali chinu kulutila muyage, lechelelo mwipimaje muvene kwa litumbilo lyo avapelye Mulungu.

Mulekaje kumupilulila munu yoyuve wubi kwa wubi. Mwikangatsaje kudita ndongwa tsila tso vanu vangutsitsela kuta nofu.

Mwikalaje kwa wusichimafu henye kwa henye. Mulekaje kidutsa kuta muntsela chila chinu, ila muvaje hamwe nawo vanu wovam'bedalwa. Mulekaje kiwona kuta henye ng'ani wo muna nyala ndalahela.

Kulutila ihyo mandiko ganlonga, “Manyi mutelani vako ana ntsala, umupele chilyo, manyi ana ng'alu, umupele malenga ang'we. Kwa kudita ihyo ukumudita awone nyoni ndalahela.”

Muvasuchilaje wuwuya vanu veka wo vanguvakoda henye, Eee! Muvasuchilaje wuwuya, mulekaje kuvakotola. Muhechelelaje hamwe na vala wo vanhechelela, na kaha muvembaje na vala wo vamvemba.

Muvatangaje vanya litumbilo vayenyu mu wugayu wawo, muvalibulitsaje vajentsi kwa kusangalala.

Kota hila muvili gumwe fyo guna filungo fyolofu, na chila chilungo chiditaga katsi yake. Hohihyo na hetwe kota fyo tuwolofu, ila tuli muvili gumwe kwa kula kihantsa na Chilisito, lechelelo chila munu ali chilungo kwa muyage.