Ayat Alkitab yang Popular daripada Aposel 11

Kongsi

Ye pi Tarsus pidre, yagl Sol ikra doko kan yugwa. Ye doko kan yugo, ye akie ede ikne u dumo Antiok ubrika. Yagl suo Barnabas ya Sol ede Antiok udre, ye Jisas yugobunomo dumo Antiok meglkwa i bogl ege ege makai si meglko, yagl suo i bugla yugu swara mere yegl yoba mere ka mabuno di tebrika. Yegl eribriko, yoba tau ere mogl, Jisas nagiglema i kagno Kristen we digwa. Kagno Kristen we di yeigwa i, dumo Antiok i mabuno bogl yeigwa.

Ye ede pi dumo Antiok pidre, kanugwa i, God ye Jisas pre mediglkwa yoba dumo i meglkwa i ake ple di te, ye ere wakai ere togwa. Ye ere wakai ere togo, yagl Barnabas ikra kandre, gun yei, yoba i deno muduno mina si gigle di tedre, te ye ege ege deno muduno bogl Yagl Kade pre medigl pai moraiglmedi di togwa. Yagl Barnabas i, ye yagl wakai ta moglko, God Murubuglo ye moglmara kau si moglkwa. Te, ye pre meduglkwa ama gigle dugwa. Yegl eruko, ye dumo Antiok suna i yoba kor tau ama Jisas kamo di togo, yoba mere kide ka dugwa i prisre, Yagl Kade Jisas pre mediglkwa.

Ana nono okna Yagl Kade Jisas, God Kere Yugwa Yagl i pre medungo, God Murubuglo yoko kaima nono norumere kuno yegl mere, ye ere mogl, yoba i ama togwa. Yegl pre na yoba i yugobuno pere meglmedi God mane di tenaglka ta kuno erekrumiwe di, Pita yegl dugwa. Pita ka yegl di kodugo, yoba okna Pita ka teigwa ikra prisre, ye ka i kide kodo, God kagie kade te, yegl digwa, God ye yoba Juda yoba moglkrikwa ba yugobuno pere ta meglkwa i ama nomane kor idre, aimadi kamin kor moraiglmedi prukwa pamiwe di, yegl digwa.