Ayat Alkitab yang Popular daripada Isip Kide Kodigwa 3

Kongsi

Moses yegl dugo, God di ikne ede, Moses yegl di togwa, Na moglmere moluwa. Ene Israel yoba di te, God, ye kagie Na Moliwa we dumga i, na dedugo, na ene meglmara wiwe di, yegl dinatniwe dugwa.

Dugo, God di ikne ede, yegl dugwa, Ene enatnara i, na ka kaima mogl tenaglka. Te, ene taragl ta kandre, God yene na dedumedi pratnga. Taragl ta kanatnga i, ene Israel yoba dumo Isip agre i ede meda un, ene muglo meglbi magigl i akie moglsre, na kagna kade naribi, na ene dedumedi pratniwe di, God yegl dugwa.

Ana Moses ka yegl dugo, God ye yegl di togwa, Ene ede magigl ukro! Te, ene adigl motnara magigl i, na makana yei kodugwa pre ene kagln towo gugl edo!

Ana Moses ye guma dra ake kegl dugo, Yawe ere mogl, aglke kor dugwa, Na yobanama dumo Isip meglkwa i we, Isip yoba ye ere kide ere teigwa i, na kan kuno erika. Te, yoba ye kogono sugl meglkwa i kogon podo kide teigo, ye na ake ple di norabedi agle digwa i, prika. Ye giugl podo prisre, yubun podo igwa i, mudu na pre kan erika. Yegl pre na ede atne u, Isip yoba ye si kane sigwa i, ye ere idre, i meda edenaglka pre wiga. Na ye i meda edidre, ye agre i ede u dumo podo wakai ta yomara edenaglka. Dumo i, makan nuglo podo moglko, kaya mokna wakai kaima boglkwa. Dumo i erme Kenan yoba ya Hit yoba ya Amor yoba ya Peres yoba ya Hivi yoba ya Jebus yoba makano yogwa.

Moses ede pi dumo i plau dugo, Yawe angelomo ye moglmara u, doga ta de bauglo erumere mere yegl u ede kebra ta pamara suna plau dugwa. U, plau dugo, ede kebra i doga dogo, Moses kanugwa. Ede kebra i doga dogwa ba ede de ake ukokrukwa.

Yegl pre na erme ene ede Isip king moglmara enatnga pre dediwa. Ene ede dumo Isip pidre, na yobanama, Israel yoba meglkwa i, agre i ede meda unatniwe di, God yegl dugwa.