Ayat Alkitab yang Popular daripada Mat 24

Kongsi

Mu ntoono yiri ti bubayi sa bwabutuna, ntiilu ya balaka sa yahotomoko. Wunde wunamitini natee manunu, sa kabvuuka.

Musamu Wamubwete wa Kimfumu sa kaba wayikusu mu nsi yansiina, mpisi kiba kimbaangi kuri makaanda momanso, heki tumi manunu yiisa.»

Beenu sa lwayuka midziingu, na kiyomo kya midziingu. Beenee naana, na ya lubwilikila kinkuuka ko, bukuri mamo mayelemini kutubaka, ngo yakireeti kuba pe manunu.

Mukwongo, mansi na mansi sa manwaana, na bimfumu na bimfumu sa byanwaana; sa kwaba nzala, na butoto sa yatembele mu mampele malaka; Myominso mimyo ngo mbandukulu misoongo mya mbutulu.

Yulu na butoto sa byalabuka, ngo maampu maami ka mari ndabukulu ko.»

Bukuri balaka sa biisa mu nkuumbu yaami, na sa baleele: "Me ngo Kiristo!" Na sa bawumuna baatu balaka.

Hanaho, bo sa baluyekele mu nkwamusunu, sa baludzusa na makaanda momanso sa malubele mu ntoono nkuumbu yaami. Hanaho, baatu balaka sa babwa, sa bayekele bambaasi bo na bo, na sa bebelesene bo na bo. Babikiri balaka bampya sa bateleme, na bawumuna baatu balaka.

Yesu wabvutula kuri bo, waleele ti: «Seenee madyeele, muutu ka kwiisa kuluwumuna.

Hango-nkuumbu, beenu se beenee bayirima, bukuri Mwaana muutu sa kiisa mu kilookolo kiri beenu lwahele ti na kitsimi.»

Ngo, beenee naana, bukuri lwahele kuyaaba Mfumu yeenu, nkya kiluumbu kakwiisa.

«Mu ntoono ya kiluumbu kikyo na kilookolo, kuri muutu wuyaari ko; ti bambasi ba mayulu, ti Mwaana, ngo wunu Taata kitsu yaari.

Bukuri babo bari Kiristo dyampya na babikiri bampya sa bateleme. Bo sa bayirika bidiimbu byabinene na bimaangu, mu kiteesu kya kuwumuna, mbuti bwakuka basoolu.

Bunu bwaba biluumbu bya Nowa, bunubwo se buba nyisulu ya Mwaana muutu. Bunu bwaba baatu [babo], mu biluumbu tekesele mbuukulu maampa yikwiisa, badya, banwa, bakweele na bakweelese, natee kiluumbu kyakotiri Nowa mu bwaatu. Bo baba bahele kuyaaba, natee kwayisiri mbuukulu maampa na ku yanata bobanso. Bunubwo [se] buba nyisulu Mwaana muutu.