Gênesis 5
5
Adão enabu pai hiwei eskanibukiaki, na hãtxarã
1-2Ha dukũ huni Adão inũ hawenabu hiwei taei eskakubainibukiaki. Deusũ yurabu damiwakĩ hawẽ yushĩ itsa ha keska huni inũ aĩbu hatu damiwanikiaki. Haska washũ hatu kenakĩ yuikĩ: “Yurabuki, huni inũ aĩburã”, akimashũ hatu merabewakubainikiaki, duawakinã. 3Ha dukũ huni Adão hiwekũkaini 130 bariyatũ huni bake betsa bawa hawẽ yura keska ha itsa kaiã kenakĩ: “Seteki”, anishũ 4ana 800 bari Adão hiwekũkaĩkĩ huni bakebu inũ aĩbu bakebu bawakubaini 5930 bariya mawanikiaki.
6Sete 105 bariyatũ huni bake bawaima kaiã kenakĩ: “Enoski”, anishũ 7ana 807 bari hiwekũkaĩkĩ huni bakebu inũ aĩbu bakebu bawakubaini 8912 bariya mawanikiaki.
9Enos 90 bariyatũ huni bake bawaima kaiã kenakĩ: “Cainãki”, anishũ 10ana 815 bari hiwekũkaini huni bakebu inũ aĩbu bakebu bawakubaini 11905 bariya mawanikiaki.
12Cainã 70 bariyatũ huni bake bawaima kaiã kenakĩ: “Maalalelki”, anishũ 13ana 840 bari hiwekũkaĩkĩ huni bakebu inũ aĩbu bakebu bawakubaini 14910 bariya mawanikiaki.
15Maalalel 65 bariyatũ huni bake bawaima kaiã kenakĩ: “Jaredeki”, anishũ 16ana 830 bari hiwekũkaĩkĩ huni bakebu inũ aĩbu bakebu bawakubaini 17895 bariya mawanikiaki.
18Jarede 162 bariyatũ huni bake bawaima kaiã kenakĩ: “Enoqueki”, anishũ 19ana 800 bari Jarede hiwekũkaĩkĩ huni bakebu inũ aĩbu bakebu bawakubaini 20962 bariya mawanikiaki.
21Enoque 65 bariyatũ huni bake bawaima kaiã kenakĩ: “Metusalémki”, anishũ 22ana Enoque 300 bari hiwei Deusũ yunua ashuĩ habe haibunamekũkaĩkĩ huni bakebu inũ aĩbu bakebu bawakubaini 23-24Deusbe haibui habe nia 365 bariya mawama hau habe hiwei kanũ nai anu Deusũ iyukẽ hawenabũ benabu mai anu yamanikiaki.
25Metusalém 187 bariyatũ huni bake bawaima kaiã kenakĩ: “Lamequeki”, anishũ 26ana 782 bari hiwekũkaĩkĩ huni bakebu inũ aĩbu bakebu bawakubaini 27969 bariya mawanikiaki.
28Lameque 182 bariyatũ huni bake bawaima kaiã 29kenakĩ: “Noéki”, iwanã, “Ha dukũ huni damiwa nĩkamakẽ Deusũ mai yupumaniwẽ taea nukũ daya bikahairakẽ nuku hatũ daya meputakamakĩ huĩrukũmakĩ nuku merabewashanikiki”, ani 30ana 595 bari hiwekũkaĩkĩ huni bakebu inũ aĩbu bakebu bawakubaini 31Lameque 777 bariya mawanikiaki.
32Noé ma 500 bariya hawẽ bakebu hawa aĩbu bakebu bikĩ husiama huni bake dabe inũ besti hayanikiaki, hatũ kenarã, Sem inũ Cam inũ Jaférã.
Terpilih Sekarang Ini:
Gênesis 5: cbsBR
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
NT © 1980-2006, Wycliffe Bible Translators, Inc.
OT portions © 2006, Wycliffe Bible Translators, Inc.