मर्कूस 12
12
अङ्गुर रङ्जे उखान
मत्ती २१:३३-४६; लूका २०:९-१२
1 #
यशैया 5:1,2 होर्दे येशूदे थमयूने उखानयू पूत्देबे स्य्वेने सुरु चीत्दे: “मी त्यादे रङ्ने अङ्गुर पोङ् सूग्देबे हम्बजे ख्यूरीरी भार् चीत्दे, मेस्ये लोम्त्या खोदेबे अङ्गुर चोरब क्वेत्या बन्दीदे। मेस्ये ङूदे अङ्गुर रेनने फेर माङ्गाये त्या थ्यादे। होर्देङ्येदे सूजो मीने अध्या फर्से पीन्दे, मेस्ये रङ्सेब फीदेशने गीलीदे। 2अङ्गुर ता-मेस्ये ङूदे रङ्सेजे काम फरब त्वो त्या भा स्यने अध्या फरब मीयू ट्याने कूल्बीदे। 3तर अध्या फरब मीयूदे हम्ब काम फरब त्वोने चूङ्देबे ठरीदे मेस्ये चेये अम्पीन्लाबे ला थैन्देन्ने कूल्बीदे। 4फेरि ङूदे सूजो काम फरब त्वोने कूल्बीदे, तर थमयूदे हम्बजे टने खान्दीदे मेस्ये ङूजे न पूत्दे। 5हम्ब नोबोदे फेरि सूजो काम फरब त्वो कूल्बीदे, तर ङूने थमयूदे सेक्कदे, मेस्ये सूजो काम फरब कूम त्वोयूनेये कूल्बीदे, तर थमयूदे कोइने खान्दीदे मेस्ये कोइने सेत्दे।
6“हम्ब नोबोजे छेब च तीत्या लम ख्य। थमयूदे ‘ङैजे चनेब गेसेन् चीस्येन्’ यदेबे पात्ता ङ्येदे ङूदे रङ्से च थमयू ट्याने कूल्बीदे।
7“तर हम्ब अध्या फरब मीयू त्यादे त्याने यदे, ‘अम्बब रङ् नोबोजे च ख्यङ्। ख, ङीनदे ङू सेदे, मेस्ये ङूजे सीर-सम्पत्तिजे हक ङीनजे क्यूक्क्य।’ 8होर्दे थमयूदे ङूने चूङ्देबे सेत्दे, मेस्ये हम्ब अङ्गुरजे रङ्दे फीने छाबीदे।
9“होर्दे अङ्गुर रङ्जे नोबोदे च चीक्क्य? ङू रीय, मेस्ये हम्ब अध्या फरब मीयूने सेक्कीय, मेस्ये अङ्गुरजे रङ् सूजो मीयूने अध्या फर्से पीन्क्य। 10#भजनसंग्रह 118:22,23नमयूदे धर्मशास्त्रजे वचन अन्छ्य्वे? कीम् थ्याब मीयूदे
“ ‘कम्ब लूङ् काम अन्लादी यदेबे छाबे ख्य हम्ब लूङ् कीम्जे जा पूप्प चैदेब सूर् लूङ् क्यूत्दे,
11अम्ब परमप्रभुदे चीत्देबे क्यूर ख्यङ्, होर्दे ङीनजे म्यादे लेप्प अम्ब हार्मन्देब काम ख्यङ्’।”
12होर्देङ्येदे थमयूदे ङूने चूङमेदे, चेनेयलो अम्ब उखान येशूदे थमयूजे विरुद्धने य ख्यङ् यदेबे थमयूदे मन्दे। तर थमयू हम्ब मीहुलप्रे फदेबे ङूने पङ्दे गीली।
कैसरने स्यर्म पीन यी अम्पीन यब बारेने
मत्ती २२:१५-२२; लूका २०:२०-२६
13ङ्येदे ङूजे पो चूङ्देबे फस्तेस्ये यदेबे थमयूदे फरिसीयू मेस्ये हेरोदी यब मीयू नङ्जे कोइ मीयू येशू ट्याने कूल्बीदे।
14थमयू रदेबे ङूने यदे, “गुरुज्यू, ङीने था ख्यङ्, न चै पोने यली तम्दम् य ख्यङ्, मेस्ये मीयूदे च य हम्बजे मतलब अन्चेख्यङ्।
चेनेयलो नदे मीजे त्वा लेत्देबे काम अन्चेख्यङ्, मेस्ये परमेश्वरजे लम् तनने पोयू चेलाबे लोम्मे ख्यङ्। कैसरने स्यर्म फाब न्याय अनुसार ख्यङ् यी त्वो? 15ङीदे स्यर्म फा पर्देइ अम्पर्दी?”
थमयूदे जाल चीन्नब पो था प्रेत्देबे येशूदे थमयूने यदे, “ङैने नमयूदे चेने जाँच चे? खै चाँदीजे मन्द्रामूलीत्या सीक मेस्ये लेदे।” 16थमयूदे नोर् ढ्याक्त्या रेत्दे। ङूदे थमयूने लोत्दे, “अम्ब फोटो मेस्ये छाप सूजे?”
थमयूदे यदे “कैसरजे।”
17होर्दे येशूदे थमयूने यदे, “कैसरजे सेयू कैसरनेने पीन्, मेस्ये परमेश्वरजे सेयू परमेश्वरनेने पीन्।”
येशूजे पोने थमयूदे सोरो हार्मन्दीकदे।
सीइदेबे सोम्बो क्यूरब मेस्ये ङ्येन्
मत्ती २२:२३-३३; लूका २०:२७-३८
18 #
मूल स्यूस्स्यायूजे कामजे किताब 23:8
सीयेब मी फेरि सोम्बो अन्क्यूर् यदेबे लोम्मेब सदुकीयू येशू ट्याने रदे, होर्दे ङूने लोत्दे, 19#व्यवस्था 25:5“गुरुज्यू, मोशादे ङीने लिख्दीये ख्यङ्, कोइ मीत्याजे अतदे ङ्येन् चीत्देबे पीचयू अन्क्यूरने अत सीबलो, ङूजे च्योन्दे अतजे मजप्रे ङ्येन् चीत्देबे अतजे लागि पीचयू प्रेस्येपीन पर्दीय।” 20कीम्त्याने अत-च्योन् ङ्यी ख्य। अत केन्दे ङ्येन् चीत्देबे मज त्या रेत्दे, होर्दे ङूजे पीचने अन्क्यूर सीइ। 21ङ्येदे च्योन् मइलादे हम्ब सङ्ने ङ्येन् चीत्दे मेस्ये ङूजेये पीचयूने अन्क्यूर सीइ होर्दे साइलदेये होरेने चीत्दे। 22होर्दे अत-च्योन् ङ्यीदेने होरेने चीत्दे मेस्ये सूजेये पीचने अन्क्यूर सीइ, होर्दे ङ्येदे हम्ब मदीये सीइ। 23जेम्से थमयू क्वाने सीबदेबे सोम्बो क्यूट्टब हम्ब मदी सूजे मज क्यूक्क्य? चेनेयलो हम्ब मदी खे ङ्यीदेने ङ्येन् चीक्क ख्य।”
24येशूदे थमयूने यदे, “नमयू भूलने पर्तीकब कारण अम्बने ते स्व, नमयूदे न धर्मशास्त्र स्ये ख्यङ्, न परमेश्वरजे शक्ति स्ये ख्यङ्? 25चेनेयलो कन्छ्वाब सीयेब मीयू सोम्बो क्यूक्क्य, हन्छ्वाब थमयू ङ्येन्-ये अन्ची मेस्ये चीम्मीस्येये त्वो, तर थमयू स्वर्गने ख्यब दूतयू प्रने क्यूक्क्य। 26#प्रस्थान 3:6सीयेबयू सोम्बो क्यूत्देबे लङब पोजे बारेने नमयूदे मोशाजे किताबने अन्छ्य्वे? प्ल्याङ्नब पोथ्राजे बारेने लिख्दीयेब खण्डने परमेश्वरदे मोशाने येरे यदे, ‘ङ अब्राहामजे परमेश्वर, इसहाकजे परमेश्वर मेस्ये याकूबजे परमेश्वर ख्यङ्।’ 27ङू सीयेबयूजे परमेश्वर दी, तर सोम्बोयूजे परमेश्वर ख्यङ्। नमयू सोरो भूलने पर्दीक ख्यङ्।”
पात्ता नङ्ने केन् आज्ञा
मत्ती २२:३४-४०
28यहूदी पन्डेयू नङ्नेत्या हैयाने रदे, मेस्ये येशूप्रे सदुकीयू सवाल-जवाफ चीन्नब ङ्यीन्दे। येशूदे थमयूने ठीक जवाफ पीन्नब तङ्देबे ङूदे येशूने लोत्दे, “आज्ञायू नङ्ने पात्ता केन् आज्ञाब कम्ब ख्यङ्?”
29 #
व्यवस्था 6:4,5 येशूदे जवाफ पीन्दे, “पात्ता नङ्ने केन् आज्ञा अम्ब ख्यङ्: ‘ओ इस्राएलजे मीयू, ङ्यीन्! परमप्रभु ङीनजे परमेश्वर तीत्यात्या प्रभु ख्यङ्। 30नदे परम्प्रभु नैजे परमेश्वरने पूरा सेमदे, नैजे पूरा प्राणदे, नैजे पूरा बुद्धिदे, मेस्ये नैजे पूरा शक्तिदे प्रेम ची।’ 31#लेवी 19:18दोस्रो केन् आज्ञा अम्ब ख्यङ्, ‘नदे रङ्सेने चेप्र माया रङ्से खीम्चेने ची’ अम्ब यली केन् आज्ञा सूजो त्वो।”
32 #
व्यवस्था 4:35
हम्ब यहूदी पन्डेदे ङूने यदे, “गुरुज्यू, नदे तम्दम्ने ठीक यदे, परमेश्वर तीत्यात्या ख्यङ्, ङू यली सूजो परमेश्वर सूये त्वो। 33#होशे 6:6मीने नैन्देबे चेर्देब बलियू क्वाने मेस्ये सूजो बलियूयली ङूने पूरा सेमदे, पूरा बुद्धिदे, पूरा शक्तिदे प्रेम चेब, मेस्ये रङ्सेने चे प्र प्रेम रङ्से खीम्चेने चेब थेप् ज्य ख्यङ्।”
34 #
लूका 10:25-28
ङूदे कूम बुद्धि ख्यब मीदे प्र जवाफ पीनब तङ्देबे येशूदे ङूने यदे, “न परमेश्वरजे राज्यप्रे चीन्तङ् त्वो।” हम्ब बील मेस्ये येशूप्रे पो ल्वेने सूदेये बोङ् अन्ची।
ख्रीष्ट सूजे च
मत्ती २२:४१-४६; २३:१-३६; लूका २०:४१-४७
35होर्दे मन्दिरने लोम्मीनूब येशूदे यदे, “ख्रीष्ट दाऊदजे च ख्यङ्, यदेबे मोशाजे नियमजे पन्डेयूदे केरे यीय स्व? 36#भजनसंग्रह 110:1पवित्र आत्मादे दाऊद रङ्सेने येरे यस्ये पीन्दे,
“ ‘परम्प्रभुदे ङैजे प्रभुने यदे,
“कन्छ्वासेमे ङैदे नैजे शत्रुयूने नैजे तोप् त्याङ् नङ्ने अन्-येन्, हन्छ्वासेमे न ङैजे स्येत्तेयोर् टूङ्”।’
37दाऊद रङ्सेदेने ख्रीष्टने ‘प्रभु’ यीय यलो, ङू दाऊदजे च केर्बे क्यूक्क्य?”
होर्दे हैयाजे मीहुलदे ङूजे वचन सोरो सूग्लाबे ङ्यीन्दे।
38मेस्ये येशूदे थमयूने लोम-तन चीत्देबे यदे, “पन्डेयूप्रे होस्स्यार क्यूर्। थमयू रेङ मो: तोप्सेमे उपब कोला होत्देबे ती-छो ट्वाने मेस्ये बजारयूने मीजे नमस्कार प्रेने, 39होर्दे यहूदी सभा-कीम्यूने मी केन्यू टूङब ने मेस्ये भत्यार्यूने गेसेन् प्रेब नेयूने टूङब सेम् चीक्क्य। 40थमयूदे प्ल्यङ् सीयेब मदीयूजे कीम् लेन्क्य, तर मीयूने तनने थमयूदे सोरो रेङ-रेङ प्रार्थना चीक्क्य। होरयूदे थेप् केन् दण्ड प्रेक्क्य।”
प्ल्यङ् सीयेब मदीजे भेटी
लूका २१:१-४
41येशू मन्दिरने भेटी प्वेब नेजे खूम्ने टूङ्दे, मेस्ये मी हुलदे भेटी प्वेब नेने भेटीयू प्वेब लेत्दे। कूम फ्योबो मीयूदे कूम कूम भेटी पूत्दे। 42हैयाने प्ल्यङ् सीयेब दूख्प्रे मदी त्या रदेबे तम्बजे नोर् ङ्ही या नोर् त्या पूत्दे।
43होर्दे येशूदे ङूजे स्यूस्स्यायूने कोदेबे यदे, “तम्दम् पो ङ नमयूने यीय, भेटी प्वेब नेने सूजो मीयूदे यली अम्ब प्ल्यङ् सीयेब दूख्प्रे मदीदे पात्ता थेप् भेटी प्वे ख्यङ्। 44चेनेयलो सूजो फ्योबो मीयूदे थमयूने ख्यब कूम नोर्जे छीत्या चेर्दीदे मेस्ये हम्ब प्ल्यङ् सीयेब दूख्प्रे मदीदे रङ्से चब छीत्याये अन्हील्लाबे क्वाने पूपीदे।”
Terpilih Sekarang Ini:
मर्कूस 12: सर् कबुल
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
Ghale New Testament © Nepal Bible Society, 2011.