Màtéwò 4
4
Ètsù ɖã́ Yèésù wò
(Mákò 1:11-12; Lúkà 4:1-13)
1Náànyì-bɛ́ɛ̀#ɛ́, Mímí-Ɔ̀ɖáyé† gbɛ̃́ Yèésù lɔ nɔ́ɔ̀ɖã̀, tsí Ètsù† kó káà ɖã́ã wò. 2Yèésù tse ɔdzɔ́ ogóòdzì òsã́-kã̀ òru-kã̀ náàrì dzɛ iŋɛ́-kã̀ kpókpó. Kíbí ó dzɛ́, tsí gbé bɛ́ɛ̀#ɛ́, ebi kpée kpíkpa. 3Tsí kíbí ebi wà kpaá#á, Ètsù lɔ ńɖɔ̀‐ɛ̀, tsí wà fɔ̀ fúu ní: Bí ó dzɛ́ Ɔma bíbí-Ɔ̀ɖáyé bɛ́ɛ̀ ìɖéǹɖè ni kó wíìnyɛ̀ fú òkúta yèé ŋa nyí, tsí ká ɖi dzídzɛ káyí.
4Tsí Yèésù fɔ̀ fúu ní: À kɔ si ńǸwé-Ɔ̀ɖáyé† ní: “Kò tsi dzídzɛ gé ní náa fúnɛ náàyɛ̀#ɛ́. Ó ɖi, afɔ̀ kpó yèé Ɔ̀ɖáyé fɔ̀ si#ɛ́ ni.”#4:4 Ìwé-Àkóro 8:3 (Deutéronome 8:3)
5Náànyì-bɛ́ɛ̀ ró#ɛ́, Ètsù kɛ́ɛ lɔ ńYèrúsàlɛ́mì ìlú-Ɔ̀ɖáyé, tsí kɛ́ɛ lɔ káà ń ɖóro néwo-ilé-Ɔ̀ɖáyé†#ɛ́ róŋróŋ. 6Tsí wà wí fúu ní: Bí ó dzɛ́ Ɔma bíbí-Ɔ̀ɖáyé bɛ́ɛ̀ ìɖéǹɖè ni kó kɔ ara‐ɛ̀ dzɔ̀ɔ́ ti bɛ̀ wá ńlɛ̀, iŋɛ́ yèé tse#ɛ́, à kɔ si ńǸwé-Ɔ̀ɖáyé ní: “Ɔ̀ɖáyé nákó fɔ̀ fú adzítsɛ́-ɔ̀rɔ̃†‐ɛ̀ ŋa, tsí à nákó tɔ́wɔ́ gbàɛ́, àtsùgbée ɛ̀ya kó máa yaɛ́.”#4:6 Ìwé-Orĩ ŋa 91:11-12 (Psaumes 91:11-12)
7Tsí Yèésù dzɔ́ŋù fúu ní: À kɔ si ńǸwé-Ɔ̀ɖáyé gbo ní: “Máa ɖã́ Ɔlɔ́dzɔ́, Ɔ̀ɖáyé-ɛ̀ɛ wò.”#4:7 Ìwé-Àkóro 6:16 (Deutéronome 6:16)
8Náànyì-bɛ́ɛ̀ ró#ɛ́, Ètsù kɛ́ɛ lɔ ńǹtá-òkè gíga-kã̀. Tsí ó mú ìlú ŋa kpó náyé gbaŋgba#á òŋu iŋɛ́-ɛ̀fɛ́-ŋà ŋa, tsí ń ŋàá, 9tsí wà fɔ̀ fúu ní: Ó ríì? Iŋɛ́ yèé ŋa nyí kpó#ɛ́, òŋu nákó ń fúu bí ó kálɛ̀, tsí mú erí kãlɛ̀ fú òŋu.
10Tsí Yèésù fɔ̀ fúu ní: Ètsù, sɔ́ lɔ! Ó ɖi, à kɔ si ńǸwé-Ɔ̀ɖáyé ní: “Ɔlɔ́dzɔ́ Ɔ̀ɖáyé-ɛ̀ɛ gé ní náa mú erí kãlɛ̀ fú#ɛ́, tsí òŋu níìkã̀ntso gé ní nàa wà sɛ̃̀#ɛ́.”#4:10 Ìwé-Àkóro 6:13 (Deutéronome 6:13)
11Ńbɛ̀ɛ́, Ètsù kɔ Yèésù dzɔ̀ɔ́, tsí lɔ. Tsí adzítsɛ́-ɔ̀rɔ̃ ŋa wá ńɖɔ̀‐ɛ̀, tsí wà mɔ́wɔ́ gbè fúu.
Yèésù kpé itsɛ́‐ɛ̀ ŋa si ńnɛ̀
(Mákò 1:14-15; Lúkà 4:14-15)
12Náànyì-bɛ́ɛ̀ ró#ɛ́, à mú Yòhánà† si nɛ́ɛ̀ŋà. Kíbí Yèésù gbɔ́ bɛ́ɛ̀#ɛ́, ó sɛ̃̀ bɔ̀ lɔ nérè-Gàlìlé. 13Ó ɖi, kò káà gbé ńǹlú-Nàsàrɛ́tì ró, ó lɔ káà kí ńǹlú-Kàfànàwú. Ìlú#ɛ́ wà nétí-oɖò lákṹ tɛ̀ŋgɛ̀lɛ̀ɛ̀-kã̀ nérè-aro-Sàbùlɔ́nì ŋa òŋu aro-Nɛ̀fìtálì ŋa. 14Iŋɛ́ ŋa#á wáa lɔ bɛ́ɛ̀, àtsùgbée iŋɛ́ yèé Yèsáyà† agbáfɔ̀-Ɔ̀ɖáyé fɔ̀† kɔ si ńnɔ́-ìwé-Ɔ̀ɖáyé#ɛ́ kó tsɛ. Ó kɔ si ńnɛ̀ ní:
15“Ɛ̀ŋɛ, ɛnɛ-erè-aro-Sàbùlɔ́nì ŋa òŋu ɛnɛ-erè-aro-Nɛ̀fìtálì ŋa,
ɛ̀ŋɛ yèé wà nɔ́ɔ̀nà-oɖò náàtàkè-èkéèdzì-oɖò-Yòɖánì#ɛ́,
ɛ̀ŋɛ, ɛnɛ-erè-Gàlìlé, erè-ńbí ɛnɛ yèé kò dzɛ́ ɔma-Ìyúɖà† ŋa wà kpíkpɔ̀#ɛ́.
È rɛ̃tígbè!
16Ɛnɛ yèé ŋa òkùkù-ayé gbaŋgba kù ɖí si#ɛ́,
à rí kãnɖé lákṹ-kã̀,
ɛnɛ yèé ŋa wà kíbí à wà nóòríkìnɖi-ilé-ikú si#ɛ́,
kãnɖé-kã̀ tɔ́ fú ŋa.”#4:16 Ìwé-Yèsáyà 8:23–9:1 (Ésaïe 8:23–9:1)
17Ti ńǹwèrè nyɛ̀ŋɛ̀#ɛ́, Yèésù kpé ikɔ̀-Ɔ̀ɖáyé dzídzɛ́ fú ɔ̀nyà ŋa. Ó wà fɔ̀ fú ŋa ní: Ká nyíìlò kpaɖà. Ó ɖi, àsòkò#ɛ́ sɔ́má tã́, tsí Ɔ̀ɖáyé kó wáa dzoyè.
Yèésù wà tsã ɔmatsɛ́‐ɛ̀ ŋa
(Mákò 1:16-20; Lúkà 5:1-11)
18Ó ɖi nɔ́dzɔ́-kã̀, tsí Yèésù rɛ̃̀ nétí-oɖò-Gàlìlé làkóò, tsí ó rí aɖàɖɔ̀ɔ́ méèdzì kã̀ŋa, tsí à wà ɖàɖɔ̀ɔ́ làkóò. À náa kpe ɔ̀nyà-kã̀ ní Sìmɔ́nì, tsí à náa ɖáakì gbo ní Òkúta, tsí ɔmàná‐ɛ̀ dzɛ́ Ànɖérè.
19Tsí Yèésù kpè ŋá, tsí fɔ̀ fú ŋa ní: Ká tɛ̀ náànyì-òŋu. À kàkó wà mú ɛdzã ró. Ó ɖi, òŋu nákó kɔ́ ŋa, tsí à nákó wà gbɛ̃́ ɔ̀nyà ŋa wá fú òŋu. 20Gbòkã́ gé#ɛ́, à kɔ ɔ̀ɖɔ̀ɔ́-ŋa dzɔ̀ɔ́, tsí à tɛ̀ náànyì-Yèésù lɔ.
21Kíbí à làkóò#ɛ́, Yèésù rí ìnàbí méèdzì-òmírɛ̃̀ kã̀ŋa ró. Ɔma-Sèbèɖé ŋa ni. À náa kpe ɔ̀nyà-kã̀ ní Yàkúbù, tsí ɔmàná‐ɛ̀ dzɛ́ Yòhánà†. Tsí à wà ńnɔ́-ɔkɔ̃̀-odzómi bá boba-ŋa si, tsí à wà tɔ́tse ɔ̀ɖɔ̀ɔ́-ŋa. Tsí Yèésù kpè ŋá. 22Gbòkã́ gé#ɛ́, à kɔ ɔkɔ̃̀-odzómi#ɛ́ òŋu boba-ŋa dzɔ̀ɔ́, tsí à tɛ̀ náànyì-Yèésù lɔ.
Yèésù bɔ àkɔ̃̀rɔ̃̀ kpíkpɔ̀, tsí dzíkɔ̀ ɖíɖɔ̃̀ gbo ti nára-kíbí Ɔ̀ɖáyé nákó dzoyè gbà#á
(Mákò 1:39; Lúkà 4:44; 6:17-18)
23Ńǹwèrè nyɛ̀ŋɛ̀#ɛ́, Yèésù náa wà rɛ̃̀ nérè-Gàlìlé#ɛ́ wérí. Náa wà tsɛ̀kɔ́ fú ɔ̀nyà ŋa ńlé-ìkpàɖé-ɔma-Ìyúɖà ŋa†, tsí náa wà dzíkɔ̀ ɖíɖɔ̃̀ ti nára-kíbí Ɔ̀ɖáyé nákó dzoyè gbà#á gbo fú ŋa, tsí náa wà bɔ àkɔ̃̀rɔ̃̀ ɔ̀kã̀lɔ́ɔ̀kã̀ gbo kpó. 24Ti nára-bɛ́ɛ̀#ɛ́, à gbɔ́ ìdzã̀mà‐ɛ̀ lɔ títí ńlɛ̀-Sìrí gbo kòdzá kpó. Tsí à náa kɛ́ àkɔ̃̀rɔ̃̀ ɔ̀kã̀lɔ́ɔ̀kã̀ kpó wáa lɔ ńɖɔ̀‐ɛ̀, tsí kó bɔ ŋá. À náa kɛ́ ɛnɛ yèé ŋa wà gbɔ́ ɖíɖɔ̃̀ tó bɛ́ɛ̀ ŋa#á, ɛnɛ yèé ŋa edzò† wà ɖɔ́kpɔ fú#ɛ́ gbo, ɛnɛ yèé wà rĩrɔ̃̀-tsubútsubú ŋa#á gbo, arɔ ŋa gbo, à náa kɛ́ àŋa kpó wá fúu, tsí náa bɔ ŋá. 25Ńbɛ̀ɛ́, ɔ̀nyà kpíkpɔ̀ kpíkpɔ̀ náa wà tɛ̀ náànyì‐ɛ̀ wérí. À náa ti nérè-Gàlìlé, tsí ti nérè-Ìlú Maá ŋa#á gbo, tsí ti ńǹlú-Yèrúsàlɛ́mì gbo, tsí ti nérè-Yùɖéyà gbo, tsí ti náàtàkè-èkéèdzì-oɖò-Yòɖánì gbo. Tsí àŋa kpó, à náa waà tɛ̀ náànyì‐ɛ̀ wérí.
Terpilih Sekarang Ini:
Màtéwò 4: ngl
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
© (Active), Wycliffe Bible Translators, Inc. All rights reserved.
Màtéwò 4
4
Ètsù ɖã́ Yèésù wò
(Mákò 1:11-12; Lúkà 4:1-13)
1Náànyì-bɛ́ɛ̀#ɛ́, Mímí-Ɔ̀ɖáyé† gbɛ̃́ Yèésù lɔ nɔ́ɔ̀ɖã̀, tsí Ètsù† kó káà ɖã́ã wò. 2Yèésù tse ɔdzɔ́ ogóòdzì òsã́-kã̀ òru-kã̀ náàrì dzɛ iŋɛ́-kã̀ kpókpó. Kíbí ó dzɛ́, tsí gbé bɛ́ɛ̀#ɛ́, ebi kpée kpíkpa. 3Tsí kíbí ebi wà kpaá#á, Ètsù lɔ ńɖɔ̀‐ɛ̀, tsí wà fɔ̀ fúu ní: Bí ó dzɛ́ Ɔma bíbí-Ɔ̀ɖáyé bɛ́ɛ̀ ìɖéǹɖè ni kó wíìnyɛ̀ fú òkúta yèé ŋa nyí, tsí ká ɖi dzídzɛ káyí.
4Tsí Yèésù fɔ̀ fúu ní: À kɔ si ńǸwé-Ɔ̀ɖáyé† ní: “Kò tsi dzídzɛ gé ní náa fúnɛ náàyɛ̀#ɛ́. Ó ɖi, afɔ̀ kpó yèé Ɔ̀ɖáyé fɔ̀ si#ɛ́ ni.”#4:4 Ìwé-Àkóro 8:3 (Deutéronome 8:3)
5Náànyì-bɛ́ɛ̀ ró#ɛ́, Ètsù kɛ́ɛ lɔ ńYèrúsàlɛ́mì ìlú-Ɔ̀ɖáyé, tsí kɛ́ɛ lɔ káà ń ɖóro néwo-ilé-Ɔ̀ɖáyé†#ɛ́ róŋróŋ. 6Tsí wà wí fúu ní: Bí ó dzɛ́ Ɔma bíbí-Ɔ̀ɖáyé bɛ́ɛ̀ ìɖéǹɖè ni kó kɔ ara‐ɛ̀ dzɔ̀ɔ́ ti bɛ̀ wá ńlɛ̀, iŋɛ́ yèé tse#ɛ́, à kɔ si ńǸwé-Ɔ̀ɖáyé ní: “Ɔ̀ɖáyé nákó fɔ̀ fú adzítsɛ́-ɔ̀rɔ̃†‐ɛ̀ ŋa, tsí à nákó tɔ́wɔ́ gbàɛ́, àtsùgbée ɛ̀ya kó máa yaɛ́.”#4:6 Ìwé-Orĩ ŋa 91:11-12 (Psaumes 91:11-12)
7Tsí Yèésù dzɔ́ŋù fúu ní: À kɔ si ńǸwé-Ɔ̀ɖáyé gbo ní: “Máa ɖã́ Ɔlɔ́dzɔ́, Ɔ̀ɖáyé-ɛ̀ɛ wò.”#4:7 Ìwé-Àkóro 6:16 (Deutéronome 6:16)
8Náànyì-bɛ́ɛ̀ ró#ɛ́, Ètsù kɛ́ɛ lɔ ńǹtá-òkè gíga-kã̀. Tsí ó mú ìlú ŋa kpó náyé gbaŋgba#á òŋu iŋɛ́-ɛ̀fɛ́-ŋà ŋa, tsí ń ŋàá, 9tsí wà fɔ̀ fúu ní: Ó ríì? Iŋɛ́ yèé ŋa nyí kpó#ɛ́, òŋu nákó ń fúu bí ó kálɛ̀, tsí mú erí kãlɛ̀ fú òŋu.
10Tsí Yèésù fɔ̀ fúu ní: Ètsù, sɔ́ lɔ! Ó ɖi, à kɔ si ńǸwé-Ɔ̀ɖáyé ní: “Ɔlɔ́dzɔ́ Ɔ̀ɖáyé-ɛ̀ɛ gé ní náa mú erí kãlɛ̀ fú#ɛ́, tsí òŋu níìkã̀ntso gé ní nàa wà sɛ̃̀#ɛ́.”#4:10 Ìwé-Àkóro 6:13 (Deutéronome 6:13)
11Ńbɛ̀ɛ́, Ètsù kɔ Yèésù dzɔ̀ɔ́, tsí lɔ. Tsí adzítsɛ́-ɔ̀rɔ̃ ŋa wá ńɖɔ̀‐ɛ̀, tsí wà mɔ́wɔ́ gbè fúu.
Yèésù kpé itsɛ́‐ɛ̀ ŋa si ńnɛ̀
(Mákò 1:14-15; Lúkà 4:14-15)
12Náànyì-bɛ́ɛ̀ ró#ɛ́, à mú Yòhánà† si nɛ́ɛ̀ŋà. Kíbí Yèésù gbɔ́ bɛ́ɛ̀#ɛ́, ó sɛ̃̀ bɔ̀ lɔ nérè-Gàlìlé. 13Ó ɖi, kò káà gbé ńǹlú-Nàsàrɛ́tì ró, ó lɔ káà kí ńǹlú-Kàfànàwú. Ìlú#ɛ́ wà nétí-oɖò lákṹ tɛ̀ŋgɛ̀lɛ̀ɛ̀-kã̀ nérè-aro-Sàbùlɔ́nì ŋa òŋu aro-Nɛ̀fìtálì ŋa. 14Iŋɛ́ ŋa#á wáa lɔ bɛ́ɛ̀, àtsùgbée iŋɛ́ yèé Yèsáyà† agbáfɔ̀-Ɔ̀ɖáyé fɔ̀† kɔ si ńnɔ́-ìwé-Ɔ̀ɖáyé#ɛ́ kó tsɛ. Ó kɔ si ńnɛ̀ ní:
15“Ɛ̀ŋɛ, ɛnɛ-erè-aro-Sàbùlɔ́nì ŋa òŋu ɛnɛ-erè-aro-Nɛ̀fìtálì ŋa,
ɛ̀ŋɛ yèé wà nɔ́ɔ̀nà-oɖò náàtàkè-èkéèdzì-oɖò-Yòɖánì#ɛ́,
ɛ̀ŋɛ, ɛnɛ-erè-Gàlìlé, erè-ńbí ɛnɛ yèé kò dzɛ́ ɔma-Ìyúɖà† ŋa wà kpíkpɔ̀#ɛ́.
È rɛ̃tígbè!
16Ɛnɛ yèé ŋa òkùkù-ayé gbaŋgba kù ɖí si#ɛ́,
à rí kãnɖé lákṹ-kã̀,
ɛnɛ yèé ŋa wà kíbí à wà nóòríkìnɖi-ilé-ikú si#ɛ́,
kãnɖé-kã̀ tɔ́ fú ŋa.”#4:16 Ìwé-Yèsáyà 8:23–9:1 (Ésaïe 8:23–9:1)
17Ti ńǹwèrè nyɛ̀ŋɛ̀#ɛ́, Yèésù kpé ikɔ̀-Ɔ̀ɖáyé dzídzɛ́ fú ɔ̀nyà ŋa. Ó wà fɔ̀ fú ŋa ní: Ká nyíìlò kpaɖà. Ó ɖi, àsòkò#ɛ́ sɔ́má tã́, tsí Ɔ̀ɖáyé kó wáa dzoyè.
Yèésù wà tsã ɔmatsɛ́‐ɛ̀ ŋa
(Mákò 1:16-20; Lúkà 5:1-11)
18Ó ɖi nɔ́dzɔ́-kã̀, tsí Yèésù rɛ̃̀ nétí-oɖò-Gàlìlé làkóò, tsí ó rí aɖàɖɔ̀ɔ́ méèdzì kã̀ŋa, tsí à wà ɖàɖɔ̀ɔ́ làkóò. À náa kpe ɔ̀nyà-kã̀ ní Sìmɔ́nì, tsí à náa ɖáakì gbo ní Òkúta, tsí ɔmàná‐ɛ̀ dzɛ́ Ànɖérè.
19Tsí Yèésù kpè ŋá, tsí fɔ̀ fú ŋa ní: Ká tɛ̀ náànyì-òŋu. À kàkó wà mú ɛdzã ró. Ó ɖi, òŋu nákó kɔ́ ŋa, tsí à nákó wà gbɛ̃́ ɔ̀nyà ŋa wá fú òŋu. 20Gbòkã́ gé#ɛ́, à kɔ ɔ̀ɖɔ̀ɔ́-ŋa dzɔ̀ɔ́, tsí à tɛ̀ náànyì-Yèésù lɔ.
21Kíbí à làkóò#ɛ́, Yèésù rí ìnàbí méèdzì-òmírɛ̃̀ kã̀ŋa ró. Ɔma-Sèbèɖé ŋa ni. À náa kpe ɔ̀nyà-kã̀ ní Yàkúbù, tsí ɔmàná‐ɛ̀ dzɛ́ Yòhánà†. Tsí à wà ńnɔ́-ɔkɔ̃̀-odzómi bá boba-ŋa si, tsí à wà tɔ́tse ɔ̀ɖɔ̀ɔ́-ŋa. Tsí Yèésù kpè ŋá. 22Gbòkã́ gé#ɛ́, à kɔ ɔkɔ̃̀-odzómi#ɛ́ òŋu boba-ŋa dzɔ̀ɔ́, tsí à tɛ̀ náànyì-Yèésù lɔ.
Yèésù bɔ àkɔ̃̀rɔ̃̀ kpíkpɔ̀, tsí dzíkɔ̀ ɖíɖɔ̃̀ gbo ti nára-kíbí Ɔ̀ɖáyé nákó dzoyè gbà#á
(Mákò 1:39; Lúkà 4:44; 6:17-18)
23Ńǹwèrè nyɛ̀ŋɛ̀#ɛ́, Yèésù náa wà rɛ̃̀ nérè-Gàlìlé#ɛ́ wérí. Náa wà tsɛ̀kɔ́ fú ɔ̀nyà ŋa ńlé-ìkpàɖé-ɔma-Ìyúɖà ŋa†, tsí náa wà dzíkɔ̀ ɖíɖɔ̃̀ ti nára-kíbí Ɔ̀ɖáyé nákó dzoyè gbà#á gbo fú ŋa, tsí náa wà bɔ àkɔ̃̀rɔ̃̀ ɔ̀kã̀lɔ́ɔ̀kã̀ gbo kpó. 24Ti nára-bɛ́ɛ̀#ɛ́, à gbɔ́ ìdzã̀mà‐ɛ̀ lɔ títí ńlɛ̀-Sìrí gbo kòdzá kpó. Tsí à náa kɛ́ àkɔ̃̀rɔ̃̀ ɔ̀kã̀lɔ́ɔ̀kã̀ kpó wáa lɔ ńɖɔ̀‐ɛ̀, tsí kó bɔ ŋá. À náa kɛ́ ɛnɛ yèé ŋa wà gbɔ́ ɖíɖɔ̃̀ tó bɛ́ɛ̀ ŋa#á, ɛnɛ yèé ŋa edzò† wà ɖɔ́kpɔ fú#ɛ́ gbo, ɛnɛ yèé wà rĩrɔ̃̀-tsubútsubú ŋa#á gbo, arɔ ŋa gbo, à náa kɛ́ àŋa kpó wá fúu, tsí náa bɔ ŋá. 25Ńbɛ̀ɛ́, ɔ̀nyà kpíkpɔ̀ kpíkpɔ̀ náa wà tɛ̀ náànyì‐ɛ̀ wérí. À náa ti nérè-Gàlìlé, tsí ti nérè-Ìlú Maá ŋa#á gbo, tsí ti ńǹlú-Yèrúsàlɛ́mì gbo, tsí ti nérè-Yùɖéyà gbo, tsí ti náàtàkè-èkéèdzì-oɖò-Yòɖánì gbo. Tsí àŋa kpó, à náa waà tɛ̀ náànyì‐ɛ̀ wérí.
Terpilih Sekarang Ini:
:
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
© (Active), Wycliffe Bible Translators, Inc. All rights reserved.