San Mateo 4
4
Jesusta juchäcachiyta Satanás munangan
(San Marcos 1.12-13; San Lucas 4.1-13)
1Chaypitanam chunyag jircaman Santu Espíritu Jesusta pusharan Satanás juchäcachiyta camananpag. 2Chaychrümi chruscu chrunca (40) junag y chruscu chrunca pagas micünila caran. Chaypitanam micanaran. 3Chaymi Satanás chrayaycur niran: “Diospa Wamran caycarga cay rumicunata tantacunaman ticrananpag niy”.
4Chaynuy niptin Jesús niran: “Tayta Dios escribichinganchru caynuymi niycan: ‘Manam tantata micularchu runacuna cawan sinöga Tayta Dios lapanta ningancunata cäsucurpis cawanmi’ ”.#Deuteronomio 8.3
5Chaypitanam Jerusalenman templo janan mas altunninman Jesusta Satanás pusharan. 6Chaychrünam payta niran: “Diospa Wamran caycarga caypita pampaman jegarpuy. Dios escribichinganchru niycan:
‘Angilnincunatam Tayta Dios cachramunga cuydashunayquipag’ y
‘Paycunam maquincunawan charishunqui ni chraquilayquitapis rumicunaman mana tacacunayquipag’ ”.#Salmo 91.11-12
7Niptinmi Jesús niran: “Tayta Dios escribichinganchru caynuypis niycanmi: ‘Tayta Diosniquita quiquiqui munangayquita ama rurachiyta camaychu’ ”.#Deuteronomio 6.16
8Chaypitanam Jesusta Satanás altunnin jirca puntaman pusharan. Chaypitanam ricachiran may chay naciuncunata y chaychru imaycapis cagcunata. 9Nircur niran: “Cay lapantam goycushayqui gongurpaycur nogata adorämaptiquega”.
10Jesús niran: “¡Aywacuy, Satanás! Tayta Dios escribichinganchru niycan: ‘Tayta Dioslata adoray y pay japalan mandanganta ruray’ ”.#Deuteronomio 6.13
11Chaynuy niptinmi Satanás aywacuran. Chaypitanam angilcuna chrayaycur Jesusta yanaparan.
Galileachru Jesús willacuyta galaycungan
(San Marcos 1.14-15; San Lucas 4.14-15)
12Juan Bautistata carcilman wichrganganta mayarmi Galilea provinciaman Jesús aywaran. 13Chaychrüna Nazaret marcapita Capernaum marcaman tiyag aywacuran. Chay marcaga caran Galilea lamar cantun, Zabulón y Neftalí partichrümi. 14Chay cumpliycaran chaynuy cananpag willacognin Isaiaswan Tayta Diosninchi escribichingannuy:
15“Zabulonpa y Neftalïpa marcancunachru tiyag runacunata ali willapata willapäpäcuran.
Chay marca caran lamar cantunchru, Jordán mayupa jucag cantunchru y mana Israel runacuna tiyangan Galilea provinciachru.
16Yananyaypa mana ricagnuy lutanta rurag runacuna
achquita ricagnuypis Tayta Diosninchipa ali willacuyninta mayapäcuran.
Mana cäsucogcunamanmi inti achicyangannuy
Tayta Diosninchipa ali willacuynin chrayaran”.#Isaías 9.1-2
17Chay wichanpitanam Jesús willacuyta galaycuran: “¡Juchayquicunapita wanacäriy y Tayta Dios munangannuy cawapäcuy! Tayta Diospa munayninchru canapag tiempo chrayaycämunnam”.
Pescacog chruscu runacunata discïpulun cananpag Jesús gayangan
(San Marcos 1.16-20; San Lucas 5.1-11)
18Jesús Galilea lamar cantunpa aywaycanganchru ishcay wauguicunata ricaran. Paycuna caran Simón y wauguin Andrés. Simonpa jucag jutin caran Pedro. Paycuna pescacog carmi lamarman redninta mashtarcaran. 19Paycunata Jesús niran: “Discïpulü canayquipag nogawan puriy. Pescäduta charingayquinuy Tayta Diospag runacunata shuntanayquipag yachrachishayqui”.
20Chaynuy niptinmi rednincunata jaguiriycur jucla Jesuswan aywacäriran.
21Chaypita mas wac läduchrüna ishcay wauguicunata ricaran. Paycuna caran Zebedeupa wamran Santiago y Santiagupa wauguin Juan. Paycunaga taytan Zebedeuwan büquinchru rednincunata shilparcaran. Chauraga paycunatapis Jesús gayaran. 22Gayaptinmi paycunapis jucla büquita y taytanta jaguiriycur Jesuswan aywacäriran.
Achca runacunata Jesús cuticächingan
(San Lucas 6.17-19)
23Chaypitanam intëru Galilea provinciachru Jesús puriran. Paycunapa shuntacänan wasicunachru yachrachiran y Tayta Diospa munayninpita ali willacuyninta willacuran. Chaynuypis tucuy nirag gueshyawan gueshyaycagcunata cuticächiran. 24Siria nacion marcacunachrüpis musyacaran gueshyagcunata Jesús cuticächinganta. Chaymi Jesuscagman apapäcuran tucuy nirag gueshyacunawan gueshyagcunata, diablupa munayninchru caycag runacunata, wañupay gueshyawan y chrancan ricran macllucashacunata. Chay gueshyagcunata lapantam Jesús cuticächiran.
25Achca runacuna Galilea provinciapita, Decápolis marcacunapita, Jerusalenpita, Judea provinciapita, y Jordán mayupa jucag lädunpita Jesusta gatiräpäcuran.
Terpilih Sekarang Ini:
San Mateo 4: qvaNT
Highlight
Kongsi
Salin
![None](/_next/image?url=https%3A%2F%2Fimageproxy.youversionapistaging.com%2F58%2Fhttps%3A%2F%2Fweb-assets.youversion.com%2Fapp-icons%2Fms.png&w=128&q=75)
Ingin menyimpan sorotan merentas semua peranti anda? Mendaftar atau log masuk
© 2017, Wycliffe Bible Translators, Inc. All rights reserved.
San Mateo 4
4
Jesusta juchäcachiyta Satanás munangan
(San Marcos 1.12-13; San Lucas 4.1-13)
1Chaypitanam chunyag jircaman Santu Espíritu Jesusta pusharan Satanás juchäcachiyta camananpag. 2Chaychrümi chruscu chrunca (40) junag y chruscu chrunca pagas micünila caran. Chaypitanam micanaran. 3Chaymi Satanás chrayaycur niran: “Diospa Wamran caycarga cay rumicunata tantacunaman ticrananpag niy”.
4Chaynuy niptin Jesús niran: “Tayta Dios escribichinganchru caynuymi niycan: ‘Manam tantata micularchu runacuna cawan sinöga Tayta Dios lapanta ningancunata cäsucurpis cawanmi’ ”.#Deuteronomio 8.3
5Chaypitanam Jerusalenman templo janan mas altunninman Jesusta Satanás pusharan. 6Chaychrünam payta niran: “Diospa Wamran caycarga caypita pampaman jegarpuy. Dios escribichinganchru niycan:
‘Angilnincunatam Tayta Dios cachramunga cuydashunayquipag’ y
‘Paycunam maquincunawan charishunqui ni chraquilayquitapis rumicunaman mana tacacunayquipag’ ”.#Salmo 91.11-12
7Niptinmi Jesús niran: “Tayta Dios escribichinganchru caynuypis niycanmi: ‘Tayta Diosniquita quiquiqui munangayquita ama rurachiyta camaychu’ ”.#Deuteronomio 6.16
8Chaypitanam Jesusta Satanás altunnin jirca puntaman pusharan. Chaypitanam ricachiran may chay naciuncunata y chaychru imaycapis cagcunata. 9Nircur niran: “Cay lapantam goycushayqui gongurpaycur nogata adorämaptiquega”.
10Jesús niran: “¡Aywacuy, Satanás! Tayta Dios escribichinganchru niycan: ‘Tayta Dioslata adoray y pay japalan mandanganta ruray’ ”.#Deuteronomio 6.13
11Chaynuy niptinmi Satanás aywacuran. Chaypitanam angilcuna chrayaycur Jesusta yanaparan.
Galileachru Jesús willacuyta galaycungan
(San Marcos 1.14-15; San Lucas 4.14-15)
12Juan Bautistata carcilman wichrganganta mayarmi Galilea provinciaman Jesús aywaran. 13Chaychrüna Nazaret marcapita Capernaum marcaman tiyag aywacuran. Chay marcaga caran Galilea lamar cantun, Zabulón y Neftalí partichrümi. 14Chay cumpliycaran chaynuy cananpag willacognin Isaiaswan Tayta Diosninchi escribichingannuy:
15“Zabulonpa y Neftalïpa marcancunachru tiyag runacunata ali willapata willapäpäcuran.
Chay marca caran lamar cantunchru, Jordán mayupa jucag cantunchru y mana Israel runacuna tiyangan Galilea provinciachru.
16Yananyaypa mana ricagnuy lutanta rurag runacuna
achquita ricagnuypis Tayta Diosninchipa ali willacuyninta mayapäcuran.
Mana cäsucogcunamanmi inti achicyangannuy
Tayta Diosninchipa ali willacuynin chrayaran”.#Isaías 9.1-2
17Chay wichanpitanam Jesús willacuyta galaycuran: “¡Juchayquicunapita wanacäriy y Tayta Dios munangannuy cawapäcuy! Tayta Diospa munayninchru canapag tiempo chrayaycämunnam”.
Pescacog chruscu runacunata discïpulun cananpag Jesús gayangan
(San Marcos 1.16-20; San Lucas 5.1-11)
18Jesús Galilea lamar cantunpa aywaycanganchru ishcay wauguicunata ricaran. Paycuna caran Simón y wauguin Andrés. Simonpa jucag jutin caran Pedro. Paycuna pescacog carmi lamarman redninta mashtarcaran. 19Paycunata Jesús niran: “Discïpulü canayquipag nogawan puriy. Pescäduta charingayquinuy Tayta Diospag runacunata shuntanayquipag yachrachishayqui”.
20Chaynuy niptinmi rednincunata jaguiriycur jucla Jesuswan aywacäriran.
21Chaypita mas wac läduchrüna ishcay wauguicunata ricaran. Paycuna caran Zebedeupa wamran Santiago y Santiagupa wauguin Juan. Paycunaga taytan Zebedeuwan büquinchru rednincunata shilparcaran. Chauraga paycunatapis Jesús gayaran. 22Gayaptinmi paycunapis jucla büquita y taytanta jaguiriycur Jesuswan aywacäriran.
Achca runacunata Jesús cuticächingan
(San Lucas 6.17-19)
23Chaypitanam intëru Galilea provinciachru Jesús puriran. Paycunapa shuntacänan wasicunachru yachrachiran y Tayta Diospa munayninpita ali willacuyninta willacuran. Chaynuypis tucuy nirag gueshyawan gueshyaycagcunata cuticächiran. 24Siria nacion marcacunachrüpis musyacaran gueshyagcunata Jesús cuticächinganta. Chaymi Jesuscagman apapäcuran tucuy nirag gueshyacunawan gueshyagcunata, diablupa munayninchru caycag runacunata, wañupay gueshyawan y chrancan ricran macllucashacunata. Chay gueshyagcunata lapantam Jesús cuticächiran.
25Achca runacuna Galilea provinciapita, Decápolis marcacunapita, Jerusalenpita, Judea provinciapita, y Jordán mayupa jucag lädunpita Jesusta gatiräpäcuran.
Terpilih Sekarang Ini:
:
Highlight
Kongsi
Salin
![None](/_next/image?url=https%3A%2F%2Fimageproxy.youversionapistaging.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Ingin menyimpan sorotan merentas semua peranti anda? Mendaftar atau log masuk
© 2017, Wycliffe Bible Translators, Inc. All rights reserved.