JOHAN 3
3
Jesu Leh Nikodem Houlimna
1Pharisaite lak a mi, Judate vaihawmpa, amin Nikodem a-om hi. 2Huai mi zan in Jesu kiang ah ahong a, akiang ah, “Rabbi, Pathian a kipan hong pai sinsakpa na hi chih ka thei uhi. Pathian na kiang a om lou hileh hiai thillamdang na hihte kuamah in ahihthei kei ding,” achi hi.
3Jesu'n adawng a, akiang ah, “Chihtaktak in, chihtaktak in ka hon hilh ahi, mi kuapeuh apianthak keileh Pathian lalgam amu thei kei,” achi hi.
4Nikodem in akiang ah, “Mi atek nung in bangchi in apiangthak thei dia? Anu sung a nihvei lut in apiang thei dia hia?” achi hi.
5Jesu'n adawng a, “Chihtaktak in, chihtaktak in ka hon hilh ahi, kuapeuh tui a leh Kha a apianthak keileh Pathian lalgam alut thei kei hi. 6Sa suan peuhmah sa ahi a, Kha suan peuhmah kha ahi. 7Na pianthak ngeingei ding ahi ka hon chih lamdang sa ke'n. 8Huih a-utna peuh ah anung a, aging na za hi, himahleh koi a kipan hong pai ahia, koi ah ahia ahoh ding chih na thei ngal kei a; kuapeuh Kha a piang huchibang mah in a-om hi,” achi hi.
9Nikodem in adawng a, “Hiai bangchi in a-om thei dia?” achi hi.
10Jesu'n adawng a, akiang ah, “Israelte sinsakpa na hi ngal a, huaite na thei kei maw? 11Chihtaktak in, chihtaktak in ka hon hilh ahi, kou ka theih uh ka gen ua, ka muh uh ka theisak uh; himahleh ka thu theihsak uh na sang kei uhi. 12Lei lam thil ka hon hilh bawn gingtaloute'n, van lam thil hon hilh leng bangchi in na gingta ding ua? 13Mihing Tapa, van a ompa leh van a kipan hong sukpa kia lou ngal kuamah van ah akahtou ngei kei.
14“Huan Mosi in gamdai a gul akhaikang bang in, Mihing Tapa khaikang in a-om ding hi. 15Kuapeuh agingta in amah ziak a tangtawn hinna aneihna ding in. 16Pathian in khovel a-it mahmah ziak in, a Tapa tang neihsun apia hi. Kuapeuh amah gingtate amanthat louh ua, tangtawn hinna aneih zawkna ding un. 17Khovel siam louh tangsak ding in Pathian in khovel ah a Tapa asawl kei, khovel amah vang a ahintheihna ding in asawl ahi zaw hi.
18“Kuapeuh amah gingta siam louh in a-om kei ding a, kuapeuh agingta lou, tu a kipan siam louh in a-om pah ngal hi; Pathian Tapa tang neihsun min agintak louh ziak in. 19Hiai siamlouhna ahi, khovel ah vak ahong a, himahleh mi'n vak sang in mial a-itzaw uh; athilhihte uh agitlouh ziak in. 20Kuapeuh thil gilou hih in vak aho nak, vak ah leng ahong pai kei hi; huchi lou in zaw athilhihte alang kha ding hi. 21Himahleh kuapeuh adik hihte athilhih uh Pathian ziak a hih ahi, chih alatna ding in vak ah ahong pai uhi,” achi hi.
Jesu Leh Johan
22Huai khit in Jesu anungzuite toh Judia gam ah ahoh ua, huai ah Jesu akiang uah a-om nilouh a, abaptis zel uhi. 23Johan in leng Ainon ah, Salim kho kiang ah abaptis sam a, huai a tui atam ziak in mi ahong ua, baptisma atang uhi. 24Hiai hun in Johan suangkul a khum ahi nai kei hi.
25Huan Johan nungzuite leh Juda khenkhat silsiang thu ah akisel uhi. 26Johan kiang ah ahong pai ua, akiang ah, “Rabbi, Jordan gal a na kiang a om, athu mi na theihsakpa'n, ngai dih, mi abaptis a, akiang ah mi tengteng ahong pai uh,” achi uhi.
27Johan in adawng a, “Van a pan a piak ahihkeileh mihing in bangmah anei thei kei uhi. 28Kei Khrist ka hi kei, ama a misawl ka hi, ka chih, noumau mahmah hon theihpihte na hi uhi. 29Mouneipa zaw mounu pasal ahi; himahleh mouneipa lawm ding a athu za mouneipa aw ziak in akipak mahmah a, ka kipahna atangtungta hi. 30Amah alian semsem ding a, kei bel ka neu hiaihiai ding,” achi hi.
Van A Pan Hong Paipa
31“Tunglam a kipan hong pai zaw mi tengteng sang a tungnungpen ahi; lei a kipan bel lei a ahi a, lei lam thu agen a, van a kipan a hong paipa zaw mi tengteng sang a tungnungpen ahi. 32Amuh leh azak peuh atheisak hi; kuamah in athu theihsak ataksang kei uhi. 33Athu theihsak taksangmi in, Pathian midiktat ahi, chih akipsak hi. 34Pathian sawl in Pathian thu agen hi; ama'n zaw teh chitchiat in Kha ape ngal kei a. 35Pa in Tapa a-it a, akhut ah bangkim avek in apeta hi. 36Kuapeuh Tapa gingta in tangtawn hinna anei; himahleh Tapa gingta lou in hinna anei kei ding a, Pathian thangpaihna atung ah a-om zaw,” achi hi.
Terpilih Sekarang Ini:
JOHAN 3: PAITBSI
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
JOHAN 3
3
Jesu Leh Nikodem Houlimna
1Pharisaite lak a mi, Judate vaihawmpa, amin Nikodem a-om hi. 2Huai mi zan in Jesu kiang ah ahong a, akiang ah, “Rabbi, Pathian a kipan hong pai sinsakpa na hi chih ka thei uhi. Pathian na kiang a om lou hileh hiai thillamdang na hihte kuamah in ahihthei kei ding,” achi hi.
3Jesu'n adawng a, akiang ah, “Chihtaktak in, chihtaktak in ka hon hilh ahi, mi kuapeuh apianthak keileh Pathian lalgam amu thei kei,” achi hi.
4Nikodem in akiang ah, “Mi atek nung in bangchi in apiangthak thei dia? Anu sung a nihvei lut in apiang thei dia hia?” achi hi.
5Jesu'n adawng a, “Chihtaktak in, chihtaktak in ka hon hilh ahi, kuapeuh tui a leh Kha a apianthak keileh Pathian lalgam alut thei kei hi. 6Sa suan peuhmah sa ahi a, Kha suan peuhmah kha ahi. 7Na pianthak ngeingei ding ahi ka hon chih lamdang sa ke'n. 8Huih a-utna peuh ah anung a, aging na za hi, himahleh koi a kipan hong pai ahia, koi ah ahia ahoh ding chih na thei ngal kei a; kuapeuh Kha a piang huchibang mah in a-om hi,” achi hi.
9Nikodem in adawng a, “Hiai bangchi in a-om thei dia?” achi hi.
10Jesu'n adawng a, akiang ah, “Israelte sinsakpa na hi ngal a, huaite na thei kei maw? 11Chihtaktak in, chihtaktak in ka hon hilh ahi, kou ka theih uh ka gen ua, ka muh uh ka theisak uh; himahleh ka thu theihsak uh na sang kei uhi. 12Lei lam thil ka hon hilh bawn gingtaloute'n, van lam thil hon hilh leng bangchi in na gingta ding ua? 13Mihing Tapa, van a ompa leh van a kipan hong sukpa kia lou ngal kuamah van ah akahtou ngei kei.
14“Huan Mosi in gamdai a gul akhaikang bang in, Mihing Tapa khaikang in a-om ding hi. 15Kuapeuh agingta in amah ziak a tangtawn hinna aneihna ding in. 16Pathian in khovel a-it mahmah ziak in, a Tapa tang neihsun apia hi. Kuapeuh amah gingtate amanthat louh ua, tangtawn hinna aneih zawkna ding un. 17Khovel siam louh tangsak ding in Pathian in khovel ah a Tapa asawl kei, khovel amah vang a ahintheihna ding in asawl ahi zaw hi.
18“Kuapeuh amah gingta siam louh in a-om kei ding a, kuapeuh agingta lou, tu a kipan siam louh in a-om pah ngal hi; Pathian Tapa tang neihsun min agintak louh ziak in. 19Hiai siamlouhna ahi, khovel ah vak ahong a, himahleh mi'n vak sang in mial a-itzaw uh; athilhihte uh agitlouh ziak in. 20Kuapeuh thil gilou hih in vak aho nak, vak ah leng ahong pai kei hi; huchi lou in zaw athilhihte alang kha ding hi. 21Himahleh kuapeuh adik hihte athilhih uh Pathian ziak a hih ahi, chih alatna ding in vak ah ahong pai uhi,” achi hi.
Jesu Leh Johan
22Huai khit in Jesu anungzuite toh Judia gam ah ahoh ua, huai ah Jesu akiang uah a-om nilouh a, abaptis zel uhi. 23Johan in leng Ainon ah, Salim kho kiang ah abaptis sam a, huai a tui atam ziak in mi ahong ua, baptisma atang uhi. 24Hiai hun in Johan suangkul a khum ahi nai kei hi.
25Huan Johan nungzuite leh Juda khenkhat silsiang thu ah akisel uhi. 26Johan kiang ah ahong pai ua, akiang ah, “Rabbi, Jordan gal a na kiang a om, athu mi na theihsakpa'n, ngai dih, mi abaptis a, akiang ah mi tengteng ahong pai uh,” achi uhi.
27Johan in adawng a, “Van a pan a piak ahihkeileh mihing in bangmah anei thei kei uhi. 28Kei Khrist ka hi kei, ama a misawl ka hi, ka chih, noumau mahmah hon theihpihte na hi uhi. 29Mouneipa zaw mounu pasal ahi; himahleh mouneipa lawm ding a athu za mouneipa aw ziak in akipak mahmah a, ka kipahna atangtungta hi. 30Amah alian semsem ding a, kei bel ka neu hiaihiai ding,” achi hi.
Van A Pan Hong Paipa
31“Tunglam a kipan hong pai zaw mi tengteng sang a tungnungpen ahi; lei a kipan bel lei a ahi a, lei lam thu agen a, van a kipan a hong paipa zaw mi tengteng sang a tungnungpen ahi. 32Amuh leh azak peuh atheisak hi; kuamah in athu theihsak ataksang kei uhi. 33Athu theihsak taksangmi in, Pathian midiktat ahi, chih akipsak hi. 34Pathian sawl in Pathian thu agen hi; ama'n zaw teh chitchiat in Kha ape ngal kei a. 35Pa in Tapa a-it a, akhut ah bangkim avek in apeta hi. 36Kuapeuh Tapa gingta in tangtawn hinna anei; himahleh Tapa gingta lou in hinna anei kei ding a, Pathian thangpaihna atung ah a-om zaw,” achi hi.
Terpilih Sekarang Ini:
:
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.