Joyn 19
19
Və gàʼ la və diʼ ə bayntə Yesò a kəntò
1Balèt ə mu lyɨ̀ Yesò ə kù la və ghòm. 2Vəsugyèʼ bò əsòʼ ndzoŋsə ə chiʼ a wen kətʉ, ə mòʼ ndisə təfòyn sə baŋsə a wen wèn, 3ə sə laʼtə to alə̀ vi tɨmə a wen ashɨ, bwenə wen gàʼa la, “Əchʉ̀ əzhʉ ə saʼaghə ə viʼi Jus!” Və ə zɨmə ali, ghòmə wen, to fa kə̀ʼ.
4Balèt ə be fʉ vi ə gàʼ a viʼi Jus vi la, “Ma lyɨ fʉ̀ vi nə̀ wen a ghə̀ŋ ndiʼ ghə̀ŋ kɨ la ma ko yen kənyʉ̀ ki a ghə̀ byɨbsə.” 5Yesò ə fʉ vi mu ghə̀ mòʼo li ndisə təfòyn, ə chiʼi soʼ ə ndzoŋsə yi a wen a kətʉ. Balèt ə gàʼ a viʼi vi la, “ghèn yen Wìʼ a yi!”
6Vəpfèm və ngə̀ŋ Nyìngòŋ sə ghoʼkəsə nə̀ vəsugyèʼ vi a və ntsi a ngə̀ŋ Nyìngòŋ ə ghoʼo yenə wen no zhʉ̀ko ə zìtə̀ ə sə zɨ̀mə gàʼa to la, “Və bayntə wen a kəntò, və bayntə wen a kəntò!”
Balèt ə gàʼ a vəwenə la, “Ghə̀ŋ lyɨ̀ wen dyʉ̀ bayntə. Ma ko yen kənyʉ̀ kì a ghə̀ byɨbsə.”
7Viʼi Jus venə be gàʼ kwʉ̀ʼsə to la, “Yès kiʼi əsoʼ ghə̀ diʼi la ghə̀ diʼ ə pfʉ̀ byìʼì ando ghə̀ ghʉ̀ la ghə̀ diʼi Wàyn Nyìngòŋ.”
8Balèt ə zhʉ̀ ali, ə fwaynə be tuʼtə ghaʼa ə wen. 9Ghə̀ be bwensə lyɨ̀ kwen nə̀ Yesò a ntuʼ ə bèm a wen la, “Wù lu no fa fè?”
Yesò ko ə gàʼ to kənyʉ̀. 10Balèt ə bèm a wen la, “Wù weynə mò? Wù ko kɨ la ma kiʼi kədyòʼ ə gàʼ la və moʼtə wù kò ə gàʼ la və bayntə wù a kəntò?”
11Yesò ə bwensə ə gàʼ la, “Nò tèbe kədyòʼ a wù kiʼi a mo a kətʉ diʼ mu à ku to Nyìngòŋ a wù. Kə diʼi la mbyɨ ə ghoʼo diʼ mu à nè wìʼ ə yi a ghə̀ ku mo a wù.”
12Balèt ə zhʉ ali, ə sə kəŋ ə moʼtə wen, ali viʼi Jus venə sə be zɨ̀mə gàʼa to la, “Wù sətsen moʼtə wìʼ ə ghèn, ghə̀ dyʉ̀, mu wù ko kòŋ fòyn ə ghoʼo a Lum. A gàʼà no ndò la ghə̀ diʼ fòyn, kə diʼ la ghə̀ soynə fòyn ə ghoʼo a Lum.”
13Balèt ə zhʉ̀ ali, ə lyɨ̀ fʉ̀ vì nə̀ Yesò ə nyʉ̀ʼmə a kəkɨ yi a və vi nyʉʼ, tyinə nsòʼ sə tsu li “Fənsàm fə nguʼ,” və toŋtə a gaʼa ə Hibùlù la, “Gabatà.” 14A ndiʼ ali mu à sə diʼ to no a kəlyɨŋ kə kəntokə chwìchwì a kətsi yi a və baʼtə̀ la əchʉʼ à layn, və zìtə̀ ə zhɨ̀ mətsi mə məzaʼsə. Balèt ə nyʉ̀ʼmə a kəkɨ ali, ə mu gàʼ a viʼi Jus vi la, “A diʼ fòyn ghə̀ŋ lə!”
15Alì vəwenə zɨmə gàʼ to la, “Viʼi wen, nyɨŋ li wen! Və bayntə wen a kəntò!”
Balèt ə bèm a vəwenə la, “Ghə̀ŋ gàʼ la mà bayntə fòyn ghə̀ŋ?”
Vəpfèm və ngə̀ŋ Nyìngòŋ sə ghoʼkəsə gàʼ la, “Yès ko kiʼi fòyn ə tsen, ə cho to fòyn ə ghoʼo a Lum.”
16Balèt ə mu ku Yesò la vəwenə dyʉ̀ bàyntə.
Və bayntə Yesò a kəntò
(Mat 27.32-44; Mak 15.21-32; Luk 23.26-43)
Yesò ə sə jèʼe chò to avu vesugyèʼè azhʉ̀ na ghèn. 17Ghə̀ byèʼè kəntò kə wen to fa wen a ngeŋ ə lyɨ̀ dyʉ̀ nə̀ kəwenkə akəshi yi a və toŋtə la kəwuʼlə̀ kə Kətʉ, və toŋtə kəshi na kì a gaʼa ə Hibùlù la, “Golgotà.” 18Və bayntə Yesò tsu, ə be bayntə viʼi vətsenvə və bò, ə bayntə ghə̀ əmùʼ a kəntò kə tsèn fa kwoŋ ə toghə Yesò ə be bayntə ghətsen ji fa wen kwoŋ nənkwè. Yesò ə sədiʼ kə ntìntìn. 19Balèt ə gàʼ, və nyoʼtə kəfo la,
“GHÈN DIʼ YESÒ WÙ NAZALÈT,
FÒYN VIʼI JUS.”
Əbayntə kəfo na kì a wen akwi kəntò. 20Viʼi Jus dzàŋ kəfo na kènkə, to kədə̀ŋ byìʼì ando kəshi kì a və bàyntə Yesò tsu ə boʼsə a ntə̀ʼ, ali kəfo na kì diʼ mu və be ə nyoʼ a gaʼa ə Hibùlù ə be nyoʼ a gaʼa ə Lum nə̀ a gaʼa ə Golgotà. 21Vəpfèm və ngə̀ŋ Nyìngòŋ sə ghoʼkəsə sə tensə, gàʼa a Balèt la, “kə wù nyoʼ la ghə̀ diʼi ‘Fòyn viʼi Jus.’ Boŋsə nyoʼ la, ‘Wìʼ ghèn tə ngàʼa la ghə̀ diʼ Fòyn viʼi Jus.’”
22Balèt ə bwensə la, “kənyʉ̀ na kì ə faŋ to ndo mà gàʼa, ghə̀ŋ nyoʼtə.”
23A ndiʼ ando vesugyèʼè bàyntə mwetə Yesò, ə gətə ndisə wen əbàs ə kaʼ, no tèbe ghə̀ ko ə sə lyɨ kəbàs kə mùʼ, a na vi faŋ to ndisə shisə a ghə̀ mòʼ fa tin, sə diʼ mù və tem to a pfèn, ko andiʼ la və tas ə zhùŋtə̀ fa kəshi. 24Vəsugyèʼ na vyi ə gàʼ to fa vəwenə ngeŋsə la, “kə vəghəŋ a bàytə̀ ndisə na sensə. Vəghəŋ tem baʼ ə yen la a zhɨ ndò lo.” Kənyʉ̀ na kènkə ə fʉ̀ alə ndiʼ kənyʉ̀ ki a və nyoʼ a Ŋwàʼlə̀ Nyìngòŋ kwʉʼ la:
“Və gətə li ndisə shomsə
ə se tem baʼ, ə zhɨ̀ ndisə shomsə.”
Vəsugyèʼ na vi nè to kənyʉ̀ na kèn.
25Və bàyntə Yesò, lì wen wenə və lèmə̀ və lì wen ə wùwì ə tsen, boʼsə nə̀ Mèli ə wùwì Kɨ̀lobàs nə̀ Mèli Màtalà ə dyʉ̀ tɨmə boʼsə to a ben kəntò wen. 26A ndiʼ ando Yesò yenə lì wen tsu ə be sə ki ə yenə dzɨ̀mtə̀ əbam wen yì a ghə̀ kòŋ li, ghə̀ gàʼ a lì wen la, “Wù ə wì, wù kɨ la ghèn diʼi wàyn wù,” 27ə be bwensə gàʼ a dzɨ̀mtə̀ wen na yì la, “Wu kɨ la ghèn diʼ lì wù.” Ə zìtə̀ fa kətsi na yi, dzɨ̀mtə̀ əbam Yesò na yì ə lyɨ̀ lì Yesò, ghə sə tsi a wen a kəbəŋ.
Yesò ə pfʉ
(Mat 27.45-56; Mak 15.33-41; Luk 23.44-49)
28Əzhʉ ə kwʉʼ li, Yesò ə yen la no tèbe ghò ə mè li, ghə̀ sə be kəŋ ə lwinsə kənyʉ̀ kì a və nyoʼ a Ŋwàʼlə̀ Nyìngòŋ ə mu gàʼ la, “Toŋ ə mu zɨmə mò.”
29Və vi nə̀ saʼ məlyʉ̀ʼ mu mə tò li, ə chʉ nkùncha tsu ə fàʼ kətyɨ ə sùʼ ə kuʼsə ghʉ̀ a wen chʉ̀. 30Yesò ə nyʉ məlʉ̀ʼ na myì ə gàʼ la, “Kə mè li.”
No zhʉ̀ko, kəzhwì kə wenkə mu ku pfʉ.
Və sù shyə̀ wen Yesò
31A ndiʼ ali, və baʼtə̀ la əchʉʼ a layn və zhɨ̀ kətsi kə əchʉʼ lòʼ kə tsèn, kə diʼ nə̀ nəkwoŋ. Viʼi Jus ko kòŋ la və ghʉ̀ kəmpfʉ kə viʼi vyi, əchʉʼ ə layn və zhʉsə kətsi kə əchʉʼ loʼ, ə mu gàʼ a Balèt la ghə̀ gàʼ və kwaʼtə afuwen a vyi ə shiʼsə ə mpfʉ vəwenə fa kəntò. 32Vəsugyèʼ vi kwaʼtə afuwen ə wìʼ yi a və bàyntə Yesò ə be kùmtə bayntə wen li, ə be dyʉ̀ kwaʼtə ghə wìʼ ə tsen yi. 33Alì ə sə vi a Yesò, ə yen mu ghə̀ sə diʼ mù ghə̀ pfʉ li kò və lə kwaʼtə afuwen ə wen. 34Sugyèʼ ə tsèn ə boŋsə lyɨ̀ ghoŋ ə sù shyə ə wenə wen mənlyuŋ koynmə ə sə fʉ̀, boʼsə nə̀ mu. 35Kənyʉ̀ kènkə shə̀ʼtə wìʼ ə yi a ghə̀ yen ando kə nfʉ. Ghə̀ kɨ la ghə̀ gàʼa to nəmwèʼè, shə̀ʼtə̀ nyʉ̀ na venə ndi wù zhʉ̀ ə boŋ byɨmə. 36Ənyʉ̀ a venə ə fʉ̀ ndiʼ kənyʉ̀ ki a və nyoʼ a Ŋwàʼlə̀ Nyìngòŋ kwʉʼ, la, “Və ko lu kwaʼtə tebè kəkwoŋ kə wen no kə mùʼ,” 37a diʼ to kənyʉ̀ ki a və nyoʼ la, “Viʼi lu ki wen yì a vəwenə sù.”
Və bvɨmə Yesò
(Mat 27.57-61; Mak 15.42-47; Luk 23.50-56)
38Yesò ə pfʉ, Josèf ə wu Alimàtiyà ə vi gàʼ a Balèt la ghə̀ kəŋ ə lyɨ̀ kəmpfʉ kə Yesò ə bvɨmə. Josèf ndiʼ ali, a diʼ to ndzɨ̀mtə̀ əbàm Yesò, ko ghə̀ nkòŋ ə vi a ndayn byìʼì ando ghə̀ ə fwaynə viʼi Jus. Ghə̀ bèm ali, Balèt ə byɨmə, ghə̀ mu dyʉ̀ ə lyɨ̀ ə lù nə̀ kəmpfʉ kə wen na kì kə. 39Ghə̀ njèʼè wenə Nìkòdemùs yi a ghə̀ vi a Yesò nətʉʼ li, Nìkòdemùs ə kiʼ məzhiʼ mə tsèn a və nzuʼ kəmpfʉ, kə wìʼ tsu no nghoʼo. 40Vəwenə dyʉ̀ nə̀ məzhiʼ na myì əboʼsə nə̀ ndisə ə lemtə kəmpfʉ kə Yesò tsu. Vəwenə nè to kənyʉ̀ ki a viʼi Jus nə̀ kə bvɨ̀mə̀ wìʼ, və nè. 41Və mbàyntə Yesò akəshi, əsɨm ə ashɨ nkoʼ ə boʼsə tsu, əsè ə tsen ghə̀ diʼ a sɨm na ghèn, ko andiʼ la və təmə bvɨ̀mə̀ wìʼ tsu. 42Və bvɨ̀mə̀ Yesò tsu, byìʼì ando əsè na yì ə boʼsə tsu ali, və be nè baʼtə̀ la əchʉʼ ə layn və zhɨ̀ kətsi kə əchʉʼ lòʼ viʼi Jus.
Terpilih Sekarang Ini:
Joyn 19: bbkDBLnt
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
Joyn 19
19
Və gàʼ la və diʼ ə bayntə Yesò a kəntò
1Balèt ə mu lyɨ̀ Yesò ə kù la və ghòm. 2Vəsugyèʼ bò əsòʼ ndzoŋsə ə chiʼ a wen kətʉ, ə mòʼ ndisə təfòyn sə baŋsə a wen wèn, 3ə sə laʼtə to alə̀ vi tɨmə a wen ashɨ, bwenə wen gàʼa la, “Əchʉ̀ əzhʉ ə saʼaghə ə viʼi Jus!” Və ə zɨmə ali, ghòmə wen, to fa kə̀ʼ.
4Balèt ə be fʉ vi ə gàʼ a viʼi Jus vi la, “Ma lyɨ fʉ̀ vi nə̀ wen a ghə̀ŋ ndiʼ ghə̀ŋ kɨ la ma ko yen kənyʉ̀ ki a ghə̀ byɨbsə.” 5Yesò ə fʉ vi mu ghə̀ mòʼo li ndisə təfòyn, ə chiʼi soʼ ə ndzoŋsə yi a wen a kətʉ. Balèt ə gàʼ a viʼi vi la, “ghèn yen Wìʼ a yi!”
6Vəpfèm və ngə̀ŋ Nyìngòŋ sə ghoʼkəsə nə̀ vəsugyèʼ vi a və ntsi a ngə̀ŋ Nyìngòŋ ə ghoʼo yenə wen no zhʉ̀ko ə zìtə̀ ə sə zɨ̀mə gàʼa to la, “Və bayntə wen a kəntò, və bayntə wen a kəntò!”
Balèt ə gàʼ a vəwenə la, “Ghə̀ŋ lyɨ̀ wen dyʉ̀ bayntə. Ma ko yen kənyʉ̀ kì a ghə̀ byɨbsə.”
7Viʼi Jus venə be gàʼ kwʉ̀ʼsə to la, “Yès kiʼi əsoʼ ghə̀ diʼi la ghə̀ diʼ ə pfʉ̀ byìʼì ando ghə̀ ghʉ̀ la ghə̀ diʼi Wàyn Nyìngòŋ.”
8Balèt ə zhʉ̀ ali, ə fwaynə be tuʼtə ghaʼa ə wen. 9Ghə̀ be bwensə lyɨ̀ kwen nə̀ Yesò a ntuʼ ə bèm a wen la, “Wù lu no fa fè?”
Yesò ko ə gàʼ to kənyʉ̀. 10Balèt ə bèm a wen la, “Wù weynə mò? Wù ko kɨ la ma kiʼi kədyòʼ ə gàʼ la və moʼtə wù kò ə gàʼ la və bayntə wù a kəntò?”
11Yesò ə bwensə ə gàʼ la, “Nò tèbe kədyòʼ a wù kiʼi a mo a kətʉ diʼ mu à ku to Nyìngòŋ a wù. Kə diʼi la mbyɨ ə ghoʼo diʼ mu à nè wìʼ ə yi a ghə̀ ku mo a wù.”
12Balèt ə zhʉ ali, ə sə kəŋ ə moʼtə wen, ali viʼi Jus venə sə be zɨ̀mə gàʼa to la, “Wù sətsen moʼtə wìʼ ə ghèn, ghə̀ dyʉ̀, mu wù ko kòŋ fòyn ə ghoʼo a Lum. A gàʼà no ndò la ghə̀ diʼ fòyn, kə diʼ la ghə̀ soynə fòyn ə ghoʼo a Lum.”
13Balèt ə zhʉ̀ ali, ə lyɨ̀ fʉ̀ vì nə̀ Yesò ə nyʉ̀ʼmə a kəkɨ yi a və vi nyʉʼ, tyinə nsòʼ sə tsu li “Fənsàm fə nguʼ,” və toŋtə a gaʼa ə Hibùlù la, “Gabatà.” 14A ndiʼ ali mu à sə diʼ to no a kəlyɨŋ kə kəntokə chwìchwì a kətsi yi a və baʼtə̀ la əchʉʼ à layn, və zìtə̀ ə zhɨ̀ mətsi mə məzaʼsə. Balèt ə nyʉ̀ʼmə a kəkɨ ali, ə mu gàʼ a viʼi Jus vi la, “A diʼ fòyn ghə̀ŋ lə!”
15Alì vəwenə zɨmə gàʼ to la, “Viʼi wen, nyɨŋ li wen! Və bayntə wen a kəntò!”
Balèt ə bèm a vəwenə la, “Ghə̀ŋ gàʼ la mà bayntə fòyn ghə̀ŋ?”
Vəpfèm və ngə̀ŋ Nyìngòŋ sə ghoʼkəsə gàʼ la, “Yès ko kiʼi fòyn ə tsen, ə cho to fòyn ə ghoʼo a Lum.”
16Balèt ə mu ku Yesò la vəwenə dyʉ̀ bàyntə.
Və bayntə Yesò a kəntò
(Mat 27.32-44; Mak 15.21-32; Luk 23.26-43)
Yesò ə sə jèʼe chò to avu vesugyèʼè azhʉ̀ na ghèn. 17Ghə̀ byèʼè kəntò kə wen to fa wen a ngeŋ ə lyɨ̀ dyʉ̀ nə̀ kəwenkə akəshi yi a və toŋtə la kəwuʼlə̀ kə Kətʉ, və toŋtə kəshi na kì a gaʼa ə Hibùlù la, “Golgotà.” 18Və bayntə Yesò tsu, ə be bayntə viʼi vətsenvə və bò, ə bayntə ghə̀ əmùʼ a kəntò kə tsèn fa kwoŋ ə toghə Yesò ə be bayntə ghətsen ji fa wen kwoŋ nənkwè. Yesò ə sədiʼ kə ntìntìn. 19Balèt ə gàʼ, və nyoʼtə kəfo la,
“GHÈN DIʼ YESÒ WÙ NAZALÈT,
FÒYN VIʼI JUS.”
Əbayntə kəfo na kì a wen akwi kəntò. 20Viʼi Jus dzàŋ kəfo na kènkə, to kədə̀ŋ byìʼì ando kəshi kì a və bàyntə Yesò tsu ə boʼsə a ntə̀ʼ, ali kəfo na kì diʼ mu və be ə nyoʼ a gaʼa ə Hibùlù ə be nyoʼ a gaʼa ə Lum nə̀ a gaʼa ə Golgotà. 21Vəpfèm və ngə̀ŋ Nyìngòŋ sə ghoʼkəsə sə tensə, gàʼa a Balèt la, “kə wù nyoʼ la ghə̀ diʼi ‘Fòyn viʼi Jus.’ Boŋsə nyoʼ la, ‘Wìʼ ghèn tə ngàʼa la ghə̀ diʼ Fòyn viʼi Jus.’”
22Balèt ə bwensə la, “kənyʉ̀ na kì ə faŋ to ndo mà gàʼa, ghə̀ŋ nyoʼtə.”
23A ndiʼ ando vesugyèʼè bàyntə mwetə Yesò, ə gətə ndisə wen əbàs ə kaʼ, no tèbe ghə̀ ko ə sə lyɨ kəbàs kə mùʼ, a na vi faŋ to ndisə shisə a ghə̀ mòʼ fa tin, sə diʼ mù və tem to a pfèn, ko andiʼ la və tas ə zhùŋtə̀ fa kəshi. 24Vəsugyèʼ na vyi ə gàʼ to fa vəwenə ngeŋsə la, “kə vəghəŋ a bàytə̀ ndisə na sensə. Vəghəŋ tem baʼ ə yen la a zhɨ ndò lo.” Kənyʉ̀ na kènkə ə fʉ̀ alə ndiʼ kənyʉ̀ ki a və nyoʼ a Ŋwàʼlə̀ Nyìngòŋ kwʉʼ la:
“Və gətə li ndisə shomsə
ə se tem baʼ, ə zhɨ̀ ndisə shomsə.”
Vəsugyèʼ na vi nè to kənyʉ̀ na kèn.
25Və bàyntə Yesò, lì wen wenə və lèmə̀ və lì wen ə wùwì ə tsen, boʼsə nə̀ Mèli ə wùwì Kɨ̀lobàs nə̀ Mèli Màtalà ə dyʉ̀ tɨmə boʼsə to a ben kəntò wen. 26A ndiʼ ando Yesò yenə lì wen tsu ə be sə ki ə yenə dzɨ̀mtə̀ əbam wen yì a ghə̀ kòŋ li, ghə̀ gàʼ a lì wen la, “Wù ə wì, wù kɨ la ghèn diʼi wàyn wù,” 27ə be bwensə gàʼ a dzɨ̀mtə̀ wen na yì la, “Wu kɨ la ghèn diʼ lì wù.” Ə zìtə̀ fa kətsi na yi, dzɨ̀mtə̀ əbam Yesò na yì ə lyɨ̀ lì Yesò, ghə sə tsi a wen a kəbəŋ.
Yesò ə pfʉ
(Mat 27.45-56; Mak 15.33-41; Luk 23.44-49)
28Əzhʉ ə kwʉʼ li, Yesò ə yen la no tèbe ghò ə mè li, ghə̀ sə be kəŋ ə lwinsə kənyʉ̀ kì a və nyoʼ a Ŋwàʼlə̀ Nyìngòŋ ə mu gàʼ la, “Toŋ ə mu zɨmə mò.”
29Və vi nə̀ saʼ məlyʉ̀ʼ mu mə tò li, ə chʉ nkùncha tsu ə fàʼ kətyɨ ə sùʼ ə kuʼsə ghʉ̀ a wen chʉ̀. 30Yesò ə nyʉ məlʉ̀ʼ na myì ə gàʼ la, “Kə mè li.”
No zhʉ̀ko, kəzhwì kə wenkə mu ku pfʉ.
Və sù shyə̀ wen Yesò
31A ndiʼ ali, və baʼtə̀ la əchʉʼ a layn və zhɨ̀ kətsi kə əchʉʼ lòʼ kə tsèn, kə diʼ nə̀ nəkwoŋ. Viʼi Jus ko kòŋ la və ghʉ̀ kəmpfʉ kə viʼi vyi, əchʉʼ ə layn və zhʉsə kətsi kə əchʉʼ loʼ, ə mu gàʼ a Balèt la ghə̀ gàʼ və kwaʼtə afuwen a vyi ə shiʼsə ə mpfʉ vəwenə fa kəntò. 32Vəsugyèʼ vi kwaʼtə afuwen ə wìʼ yi a və bàyntə Yesò ə be kùmtə bayntə wen li, ə be dyʉ̀ kwaʼtə ghə wìʼ ə tsen yi. 33Alì ə sə vi a Yesò, ə yen mu ghə̀ sə diʼ mù ghə̀ pfʉ li kò və lə kwaʼtə afuwen ə wen. 34Sugyèʼ ə tsèn ə boŋsə lyɨ̀ ghoŋ ə sù shyə ə wenə wen mənlyuŋ koynmə ə sə fʉ̀, boʼsə nə̀ mu. 35Kənyʉ̀ kènkə shə̀ʼtə wìʼ ə yi a ghə̀ yen ando kə nfʉ. Ghə̀ kɨ la ghə̀ gàʼa to nəmwèʼè, shə̀ʼtə̀ nyʉ̀ na venə ndi wù zhʉ̀ ə boŋ byɨmə. 36Ənyʉ̀ a venə ə fʉ̀ ndiʼ kənyʉ̀ ki a və nyoʼ a Ŋwàʼlə̀ Nyìngòŋ kwʉʼ, la, “Və ko lu kwaʼtə tebè kəkwoŋ kə wen no kə mùʼ,” 37a diʼ to kənyʉ̀ ki a və nyoʼ la, “Viʼi lu ki wen yì a vəwenə sù.”
Və bvɨmə Yesò
(Mat 27.57-61; Mak 15.42-47; Luk 23.50-56)
38Yesò ə pfʉ, Josèf ə wu Alimàtiyà ə vi gàʼ a Balèt la ghə̀ kəŋ ə lyɨ̀ kəmpfʉ kə Yesò ə bvɨmə. Josèf ndiʼ ali, a diʼ to ndzɨ̀mtə̀ əbàm Yesò, ko ghə̀ nkòŋ ə vi a ndayn byìʼì ando ghə̀ ə fwaynə viʼi Jus. Ghə̀ bèm ali, Balèt ə byɨmə, ghə̀ mu dyʉ̀ ə lyɨ̀ ə lù nə̀ kəmpfʉ kə wen na kì kə. 39Ghə̀ njèʼè wenə Nìkòdemùs yi a ghə̀ vi a Yesò nətʉʼ li, Nìkòdemùs ə kiʼ məzhiʼ mə tsèn a və nzuʼ kəmpfʉ, kə wìʼ tsu no nghoʼo. 40Vəwenə dyʉ̀ nə̀ məzhiʼ na myì əboʼsə nə̀ ndisə ə lemtə kəmpfʉ kə Yesò tsu. Vəwenə nè to kənyʉ̀ ki a viʼi Jus nə̀ kə bvɨ̀mə̀ wìʼ, və nè. 41Və mbàyntə Yesò akəshi, əsɨm ə ashɨ nkoʼ ə boʼsə tsu, əsè ə tsen ghə̀ diʼ a sɨm na ghèn, ko andiʼ la və təmə bvɨ̀mə̀ wìʼ tsu. 42Və bvɨ̀mə̀ Yesò tsu, byìʼì ando əsè na yì ə boʼsə tsu ali, və be nè baʼtə̀ la əchʉʼ ə layn və zhɨ̀ kətsi kə əchʉʼ lòʼ viʼi Jus.
Terpilih Sekarang Ini:
:
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk