matai euskoskopa
euskoskopa
'e matai fukuin isi eʉsvʉta a'to: 'o iesu kilisto zou 'o isi teomneni to hamo ho pafeni ta yatatiskova ci leto'usnu. ieni to iesu, isi peiseafi to hamo 'o ohsila yonto noana'o esvʉtʉ ho teomneni to mao'o'okosi ci e'e. 'e fukuin eni. o'a isi anovac'o faeni to couyutaya, isi yaeza faeni ta yatatiskova ta mauhpʉhpʉngʉ.
'e hia matoyange ta tposʉ tan'e mo a'sʉftonʉ ayʉcʉ, ehoza ne moson'a yayo 'o iesu. e'upa ne moso tiou to toonono, tiou no hʉsvʉta, psoyaski, mo'ma'cohio, ho ine moso yonto mia'usnu ne ngalilaya ho aotothomʉ to cou, ataveisi isi tatoyangzi 'o ohsi yupteilʉneni ci hi'hioa to ceonʉ ne moso i'mi ne ngalilaya ho emo'usnu ne 'elusalemu, ho i'o moso yuyafo ci hi'hioa to sotavei no mainsohʉ. sotavei isi spica to zuuzika ho smoevovei.
'e isi tposi ta tposno fukuin tan'e. 'o iesu zou cihi ci taunona'vʉ ci lema'cohio. mo yaa tonʉ no esansana 'o hoolicu to hamo; isi po'pa'cohivneni 'omo natʉ'ca 'o hpʉhpʉngʉ to hamo ci so'emio. 'o mo'ma'cohiosi te peelʉi aemoa emeoisa:
1. yonto hcuyu ho mo'ma'cohio - engha nante yu'ausna. sviei. tanua. ho inate atotavei no 'o'oko to hpʉhpʉngʉ ne pepe (5 soo ac'ʉhʉ to 7 soo).
2. tovei 'o maskʉ ueso ci sitoo (10 soo).
3. e'usna to hpʉhpʉngʉ ne pepe ci epo'usa (13 soo).
4. e'usna no atuhcu e'ausna no tesi (18 soo).
5. e'usna no aepʉngʉ 'e hpʉhpʉngʉ ta ceoa ho ina peiseafi na hpʉhpʉngʉ to hamo (24 soo; 25 soo).
etaica
1. ceoceona to iesu ho ine moso yayo (1:1-2:23)
2. hi'hioa to letoonono yohane (3:1-12)
3. tiou no toonono ho tiou no hʉsvʉta 'o iesu (3:13-4:11)
4. yone ngalilaya ho epeaski to fukuin 'o iesu (4:12-18:35)
5. i'mi ne ngalilaya ho ac'ʉhʉ ne 'elusalemu (19:1-20:34)
6. sotavei ci mainsohʉ ne 'elusalemu (21:1-27:66)
7. smoevovei 'o iesu ho aopa'to (28:1-20)
Terpilih Sekarang Ini:
matai euskoskopa: bsnfe
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
The Bible Society in Taiwan © 台灣聖經公會版權所有 2014