Matayi 2
2
Avasimisi vakumusogolel始uYesu
1Ilel始uYesu lw始apafilwe mu-Betelehemu ya mu-Yudayi pamwah始uwa kuva w始umwen始uHelodi, pe vahaloleha mu-Yelusalemu avasimisi ve vafumile kuvutukulo vw始izuva. 2Ve vahavuzilizya vahati: Ali kwi umwene wa vaYuda w始apafilwe shinishi? She tuweny始uluzota lwakwe kuvutukulo vw始izuva, ilelo pe twinzil始ukumusugamilila. 3Umwen始uHelodi lw始ayi峁縰ye zinizi, p始ahaganduha nkani ahatentwa muhati, vope nava mu-Yelusalemu inkaya yonti vahaganduha poka nawo. 4P始ahavavunganiha vonti navashiput始avapiti navamanyakalata va vana-Yisilayili ahavavuzilizya ahati: Amwe mwi mwe vatili alipapw始uChilisiti? 5Avene vahamuvuzya vahati: Mwe mu-Betelehemu ya mu-Yudayi, she ly始asim峁縤l始umukuvwi w始atili:
6Nawe we Betelehemu iwe, we nsi ya mwa Yuda,
utatinji ne muns始ine kuvalongozi va mwa Yuda.
Sh始alifuma mumwaho wenewe uwen始uMulongozi
w始alivadim始avaYisilayili avantu vane.
7P始uHelodi ahavita kukwilu avasimisi, ahavavuzilizy始uvusiku vwe lwalolesil始uluzota. 8Ilelo ahavasontelezya mu-Betelehemu ahati: Muvale mwanze nkan始umwan始uno. Ilel始inga muvazil始ukumwaga, pe mwinz始ukumbuzy始ine, nan始ukuti imbal始ukumusugamilila. 9Avene lelo lwe vi峁縰ye zizyo zy始avavuzizy始umwene, pe vahavala. Vahaganduh始uluzota lwe valuwenyi nakuvutukulo vw始izuva luvalongoleye kwilongolela vahaga lukwimilila pamwanya pe pal始umwana. 10Ilelo lwe vaweny始uluzota pe vahaseshela nkani. 11Pe vahinjila munyumba, mwe vahag始umwana nuMaliya unyina, vahasugamila pansi, vahamushindiha vahafungulul始i峁縲uma 峁縲avo, vahamup始i峁縲a sahabu ni峁縲a kusushizya numulemb始umuhali we vakuti w始umila. 12Uwe-n始uMulungu ahavavuzya munjozi ahati: Mutavuyilaje kwa Helodi. Pe vahajend始idala ilyamwavo ukusogola kuhaya.
Ukushimbilila mw-Egipiti
13Lwe vasogoye lel始avene, p始uYosefu ahaganduh始uhavizya wa Mwene akumwitushizya munjozi akumuvuzya akuti: Vuhaga usend始umwana nunyina, ushimbilile navo mw-Egipiti, mw始uhavanje mumwo, uhafishe pisiku lilyo lye ndikuvuzya nene. Sh始uHelodi akwinz始ukwanz始umwana, ukuti amugoje. 14P始uwen始ahavuha, ahasend始umwana nunyina shavusiku, ahashimbilila navo mw-Egipiti. 15Ahava mumwo ukufiha pala p始afuy始uHelodi, ukuti zilunjihaje zizyo zy始uMwene ayanzile mumukuvwi w始atili: Imwisite mw-Egipiti umwana wane.
UHelodi akubud始avana va mu-Betelehemu
16Ilel始uHelodi lw始ayazile vamuhofil始avasimisi, p始aha峁縤twa nkani. Ahatuma avakuvagoga vont始avacheche navamuhaya mu-Betelehemu navamunsi yonti mw始izyunguluye, vahafuma navo pamaha gavili vahinz始ukupelela patuzelu, pamaha gugo ge vamusimishizizy始uHelodi avasimisi. 17Pala zihalunjiha zizyo zy始ayanzil始uYelemiya umukuvwi lw始atili:
18Inkut始ikusitwe mu-Lama,
kwe kukuta kutupu, kwe kulosya kutupu,
uLaheli akukutil始avana vakwe,
akusita nukupumilizilwa,
she vatezile nzila.
Ukugaluha ukufuma mw-Egipiti
19Ilelo lw始afuy始uHelodi p始uhavizya wa Mwene ahamwitushizya munjoz始uYosefu mw-Egipiti ahamuvuzya ahati: 20Vuhaga numwana nunyina, uvasende uvale navo munsi ya vana-Yisilayili. She vafuye vuvo ve vanzag始ukumugog始umwana. 21Uwene p始ahavuha ahavasenda numwana nunyina, ahavala navo munsi ya vana-Yisilayili. 22Ilelo lw始ayi峁縰y始ukuti uAlikilavusi apwaniye pal始uyise uHelodi ukuva w始umwene mu-Yudayi, p始ahogopa ukuvala mumwo. Ilelo lw始ayanzile naw始uMulungu munjozi, p始ahapitilizanya ahafiha munsi ya mu-Galilayi. 23Ilelo lw始avazil始ukufiha mumwo, p始ahazenga munkaya yimo ye vakuti mwe mu-Nazaleti. Mwe mumwo zihalunjiha zye vayanzil始avakuvwi ve vatili:
Akutashilw始ukuva we wa mu-Nazaleti.
Terpilih Sekarang Ini:
Matayi 2: NYi1965
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
Nyiha New Testament 漏 British and Foreign Bible Society, 1965.