मत्ती 4
4
ईसु की परक्ष्या
(मरकुस 1:12,13; लूका 4:1–13)
1 #
इब्रा 2:18; 4:15 फेर आत्मा उन्अ बेगीसीक उजाड़ थळा मं लेगी। क सेतान उंकी परक्ष्या ले सक्अ। 2चाळीस दन अर चाळीस रयात भूखो रेबा क पाछ्अ ज्दया उन्अ भूख सताब्अ लागी 3तो उन्अ परखबाळो उंक्अ सांकड्अ आर खियो, “तु परमेसर को छोरो छ तो या भाटा न्अ खे क रोठ्या बणजाव्अ।” 4ईसु खियो, “सास्तरा मं मण्ढरी छ क मनख रोटी सुंई कोन्अ जीव्अ पण परमेसर का मुण्ढा सुं नखळ्या बचना सुं जीवतो रेव्अ छ।” 5फेर सेतान उन्अ यरूसलेम का पवितर नगर मं लेग्यो। उण्डअ मन्दर की सबसुं ऊंची ठार प ऊबो करर 6उन्अ खियो, “तु परमेसर को छोरो छ तो तळ्अ ढांकजा क्युं क सास्तरा मं मण्ढरी छ क, ‘वो थारी हार-सम्भाळ बेई खुदका सरगदूता न्अ आज्ञा देव्अलो अर वे तन्अ हाथा मं उठा लेव्अला जिसुं थारा पगा मं भाटा की कोन्अ लाग्अली।’” 7ईसु खियो, “पण सास्तर मं या बी मण्ढरी छ क, तु थारा परबु परमेसर की परक्ष्या मत करज्यो।” 8फेर सेतान ईसु न्अ एक घणा ऊंचा डुंगर क उपरअ लेग्यो। अर जगत का सबळा राज-पाट अर वांको जस दखायो। 9अर सेतान उन्अ खियो, “ये सबळी चीजा मं तन्अ देद्युलो पण तु म्हारअ आग्अ ढोकर म्हारी पुजा अरचना करअ” 10फेर ईसु उन्अ खियो, “अरअ सेतान, आंतरअ हटजा। सास्तर मं या मण्ढरी छ, ‘थारा परबु परमेसर की सेवा कर अर उन्अई ढोक।’” 11फेर सेतान उन्अ छोड़र चलग्यो। अर सरगदूत आर उंकी सेवा-पाणी करबा लागगा।
ईसु का कामा की सरूवात
(मरकुस 1:14,15; लूका 4:14,15)
12 #
मत्ती 14:3; मर 6:17; लूक 3:19,20 ज्दया ईसु या सुण्यो क यूहन्ना न्अ पकड़ लिया तो वो पाछो गलील मं आग्यो। 13#यूहन्ना 2:12पण वो नासरत मं कोन्अ रुक्यो अर जार कफरनहूम मं, ज्यो जबूलून अर नप्ताली का छेत्र मं गलील की झील क सांकड्अ छो जार रेबा लागग्यो। 14यो जिसुं होयो क परमेसर की ओड़ी सुं बोलबाळा यसायाह का खिया बचन पुरा होव्अ क, 15“जबूलून अर नप्ताली का देस समून्दर का गेल्ला मं, यरदन नन्दी क पेलाड़ी, गेर यहूदया का देस गलील मं ज्यो 16मनख अंधेरा मं जीव्अ छा वान्अ एक लुंठी जोती दीखी अर ज्यो मोत की छाया का देस मं रेव्अ छा वाक्अ उपरअ दन को उजाळो पड़यो।”
ईसु चेला बणायो
17 #
मत्ती 3:2
उं बगत सुंई ईसु चोखा समचार को परचार करबो सरू कर दियो “मन बदलो! क्युं क सरग को राज सांकड्अ छ।”
(मरकुस 1:16–20; लूका 5:1–11)
18ज्दया ईसु गलील की झील क सांकड्अ सुं जार्यो छो तो वो दो भाया न्अ देख्यो। समौन ज्यो पतरस खुवायो वो अर उंको भाई अंद्रियास। वे झील मं खुदका ज्याळ लगारया छा। वे मछ्या पकड़बाळा छा। 19ईसु वान्अ खियो, “म्हारअ पाछ्अ आवो, म थान्अ मनख पकड़बो सखाऊलो।” 20वे झटदाणी खुदका ज्याळा न्अ छोड़ दिया अर उंकी लार होग्या। 21फेर वो उण्डअ सुं आग्अ चलग्यो अर वो देख्यो क जब्दी को छोरो याकूब अर उंको भाई यूहन्ना खुदका बाप की लार नावड़ा मं बेठ्या ज्याळ्या न्अ चोखी करर्या छ। ईसु वान्अ बलायो। 22अर वे बेगासाक नावड़ा न्अ अर खुदका बाप न्अ छोड़र उंकी लारा होग्या।
ईसु को मनखा न्अ सकाबो अर वान्अ नीका करबो
(लूका 6:17–19)
23 #
मत्ती 9:35; मर 1:39 ईसु सबळा गलील परदेस का यहूदया का परातना करबा का घरा मं सरग का राज को परचार करतो अर सबळा रोगला मनखा का रोगा न्अ नीका करतो फरअ छो। 24सबळा सीरिया का परदेस मं उंको जस फेलग्यो। जिसुं सबळा मनख वा मनखा न्अ ज्यो भांत-भांत का रोगा मं छा ज्यांम्अ दुष्टात्मा छी लकवाळा अर पिड़ा मं पड़या अर मुरगी का रोगला न्अ उंक्अ सांकड़्अ ल्याब्अ लागग्या। अर ईसु वां सबळा मनखा न्अ नीका कर्यो। 25जिसुं गलील, दिकापुलिस, यरूसलेम, यहूद्या अर यरदन नन्दी क पेलाड़ी का मनखा की जळा उंक्अ पाछ्अ चालबा लागगी।
Terpilih Sekarang Ini:
मत्ती 4: डि एच डि
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
(c) 2010-2017, New Life Computer Institute. All rights reserved