Matie 3
3
Zään Badisö ci Laagɔwälɩ
(Makö 1.2‑8; Lukö 3.1‑6; Zään 1.19‑28)
1'Tänyɩ ‑kʋ ‑lɔɔ 'nɩ Zään Badisö ‑kʋ bhä ‑mɔɔ Zudee' 'popie 'mnö, 'nɩ ɔ pä bhä wälɩ, 2ɔ lä a 'cɩcɩ anyɩa' nʋnʋgbɩɩ ‑mä Laagɔɔ' 'Leyiduu' yi‑tänyɩɛ yä yëku 'mɛ! 3Zään Badisö nä, ɔmɔɔ 'plɔfɛtɩ Ezayii sä bhlä nynä
Nyɩkpɔ woo ‑mɔɔ 'popie 'mnö 'nɩ
Ɔ ci nynä ‑mä,
A göglä Kwlienyɔɔ' ‑dʋdʋkʋ ‑yä
A gëë ɔɔ' ‑blɔɔ 'yii! # 3.3 Ɩ bha Eza 40.3.
4Zään ‑plä bhä mnɛku‑kotu 'nɩ ɔ ‑nɛɛ bhä mnɛku‑bɛtʋ 'mnö. Ɔ lü bhä ‑kɔkɔnʋkpö, 'nɩ ɔ mɛɛ bhä ‑nogokpü. 5'Nɩ Zolizalɛmʋduu' ɩyä Zudee‑bhlɩɛ 'mnö ɩyä Zludɛɛ‑nyie yëkuu' nyɩkpaa 'fɩɩn, wa yinöɔ bhä 6'nɩ wa zɛɛ bhä waa' nyenyii' ‑za. 'Nɩ ɔ 'ŋʋnʋwa bhä ‑mɔɔ Zludɛɛ‑nyie 'mnö 'nyu 'wlu. 7‑Mä ɔ ni bhlä Falizɩɛnyʋa ‑yä Sadisɩɛnyʋa 'yi 'nɩ wa yio bhlä yëku 'nyu 'wlu 'ŋʋ kää nä, kɔ ‑sonʋwa, ɔ lä anyɩ, ‑bhoomnä‑nyɩkpanyɩ‑! ‑Ɔ ‑sonö'anyɩ bhä ‑pɛɛ nynä ‑mä, a ‑guu Laagɔɔ' gbʋgblɛylʋʋ? 8Anyɩa' nʋnʋgbɩɩ 'mnö, a pana nynä ‑mä a yä 'cɩcɩ! 9A 'nä kʋ lä 'flɛ ‑lɔɔ, 'nɩ a 'kä ci nynä ‑mä ‑anyɩ, ‑a tötɔ‑ plöö‑ lä Ablaamʋ! Kä n mʋ'anyɩ yɩ soo ‑kää nynä ‑mä Laagɔ kä ‑waa nä, ʋ yi cɛkʋbhünö 'kʋ 'bhlü 'nɩ ʋ yi Ablaamʋʋ' 'yuë wlʋa. 10A ni ‑dobhɛɛ yä wɛzä suu 'mnö 'ŋʋ. Kɛ 'kʋ ylä sikplii 'kʋ ‑sä! Suu' lʋʋ‑ tlʋ ‑wʋ lä 'bhü 'nänö nä, wa yiu 'kʋ ‑döö 'nɩ wa yiu ‑kosuu' 'ŋʋ. 11‑Amʋ nä, kä n ŋʋ'anyɩ lä 'nyu 'wlu nynä a 'kä anyɩa' gbenyenyii 'fɩɩn 'yi ‑taa. Mä nyɩkpɔɔ‑ yi'i lä klë nä, ɔ ‑kä 'tɛtɩ 'nɩ ɔ ‑zi'i. Nn' ‑wʋ 'kʋ ‑ŋwa nynä n 'tɔsɔ sää 'titi ɔɔ' 'süü 'bhliye. Ɔmɔ nä, Kplɔɔkplɔɔ‑wugɔ ‑yä ‑kosu 'sɔ ɔ 'kanyɩ lä 'wlu 'ŋʋ. 12Ɔ bhɛɛ‑ ɔɔ' bɩtɛɛ ‑yä ɔ 'kä 'mʋ poo, ɩyä flɩɩ ‑yä 'yʋʋ 'sɔ, ɔ 'kɩ ‑säsä. 'Yʋʋ, ɔ 'kʋ wëlüklüü' 'ŋʋ, ɩyä flɩɩ, ɔ 'kɩ ‑kosuu' 'pä ‑yä ɩ 'kä si. ‑Lɔɔ' ‑kosuu nä, ʋʋ' ‑lä 'kɔɔn ŋomo.
Zään Badisö ŋʋʋ‑ Zozii 'nyu 'wlu
(Makö 1.9‑11; Lukö 3.21‑22; Zään 1.29‑34)
13'Tänyɩ ‑kʋ ‑lɔɔ 'nɩ Zozii ‑bha Galilee' 'nɩ ɔ yi Zludɛɛ‑nyie yëku yi ‑yä Zään 'kɔ 'nyu 'wlu 'ŋʋ. 14Zään ‑wʋ 'fɩa ŋoo. Zään lä ‑mɔɔ gä'ä lä 'nyu 'wlu 'ŋʋ nä, ‑mɔɔ ci nynä ‑mä ‑amʋʋ‑ ‑lä 'ŋʋ‑ʋ 'nyu 'wlu ‑a! 15Zozii lä ‑mɔɔ ‑lä ŋʋ'ʋ 'nyu 'wlu! Sɔɔ ɩ ‑ŋwa lä 'kʋ nynä ‑mä a nʋ 'Bäɔɔ lebhee. Zozii cii‑ ylä sɔɔ nä, kä Zään ŋoo yɩ. 16‑Mä 'tänyɩɛ 'mnö ɔ ŋʋʋ‑ lä Zozii 'nyu 'wlu 'nɩ Zozii ‑bha ylä 'nyiglu nä, kä ‑laagɔɔ' ‑känöɔ 'klʋ, 'nɩ Laagɔɔ' 'Wugɔɔ yio 'kʋ kwlii. Ʋ kwlinöɔ‑ 'kʋ nynä 'kpaakpu. 17'Nɩ nuwälɩ ‑ghlää ‑laagɔɔ' 'nɩ ɩ cii‑, ɩ lä ‑nɔnɔ, ɔmɔɔ‑ plöö‑ lä 'naa ‑Wawayuo! Kä ɔɔ' plɛkʋ mɛnö'ö kpänyɩ!
Terpilih Sekarang Ini:
Matie 3: god
Highlight
Kongsi
Salin
![None](/_next/image?url=https%3A%2F%2Fimageproxy.youversionapistaging.com%2F58%2Fhttps%3A%2F%2Fweb-assets.youversion.com%2Fapp-icons%2Fms.png&w=128&q=75)
Ingin menyimpan sorotan merentas semua peranti anda? Mendaftar atau log masuk
© (Active), Wycliffe Bible Translators, Inc. All rights reserved.
Matie 3
3
Zään Badisö ci Laagɔwälɩ
(Makö 1.2‑8; Lukö 3.1‑6; Zään 1.19‑28)
1'Tänyɩ ‑kʋ ‑lɔɔ 'nɩ Zään Badisö ‑kʋ bhä ‑mɔɔ Zudee' 'popie 'mnö, 'nɩ ɔ pä bhä wälɩ, 2ɔ lä a 'cɩcɩ anyɩa' nʋnʋgbɩɩ ‑mä Laagɔɔ' 'Leyiduu' yi‑tänyɩɛ yä yëku 'mɛ! 3Zään Badisö nä, ɔmɔɔ 'plɔfɛtɩ Ezayii sä bhlä nynä
Nyɩkpɔ woo ‑mɔɔ 'popie 'mnö 'nɩ
Ɔ ci nynä ‑mä,
A göglä Kwlienyɔɔ' ‑dʋdʋkʋ ‑yä
A gëë ɔɔ' ‑blɔɔ 'yii! # 3.3 Ɩ bha Eza 40.3.
4Zään ‑plä bhä mnɛku‑kotu 'nɩ ɔ ‑nɛɛ bhä mnɛku‑bɛtʋ 'mnö. Ɔ lü bhä ‑kɔkɔnʋkpö, 'nɩ ɔ mɛɛ bhä ‑nogokpü. 5'Nɩ Zolizalɛmʋduu' ɩyä Zudee‑bhlɩɛ 'mnö ɩyä Zludɛɛ‑nyie yëkuu' nyɩkpaa 'fɩɩn, wa yinöɔ bhä 6'nɩ wa zɛɛ bhä waa' nyenyii' ‑za. 'Nɩ ɔ 'ŋʋnʋwa bhä ‑mɔɔ Zludɛɛ‑nyie 'mnö 'nyu 'wlu. 7‑Mä ɔ ni bhlä Falizɩɛnyʋa ‑yä Sadisɩɛnyʋa 'yi 'nɩ wa yio bhlä yëku 'nyu 'wlu 'ŋʋ kää nä, kɔ ‑sonʋwa, ɔ lä anyɩ, ‑bhoomnä‑nyɩkpanyɩ‑! ‑Ɔ ‑sonö'anyɩ bhä ‑pɛɛ nynä ‑mä, a ‑guu Laagɔɔ' gbʋgblɛylʋʋ? 8Anyɩa' nʋnʋgbɩɩ 'mnö, a pana nynä ‑mä a yä 'cɩcɩ! 9A 'nä kʋ lä 'flɛ ‑lɔɔ, 'nɩ a 'kä ci nynä ‑mä ‑anyɩ, ‑a tötɔ‑ plöö‑ lä Ablaamʋ! Kä n mʋ'anyɩ yɩ soo ‑kää nynä ‑mä Laagɔ kä ‑waa nä, ʋ yi cɛkʋbhünö 'kʋ 'bhlü 'nɩ ʋ yi Ablaamʋʋ' 'yuë wlʋa. 10A ni ‑dobhɛɛ yä wɛzä suu 'mnö 'ŋʋ. Kɛ 'kʋ ylä sikplii 'kʋ ‑sä! Suu' lʋʋ‑ tlʋ ‑wʋ lä 'bhü 'nänö nä, wa yiu 'kʋ ‑döö 'nɩ wa yiu ‑kosuu' 'ŋʋ. 11‑Amʋ nä, kä n ŋʋ'anyɩ lä 'nyu 'wlu nynä a 'kä anyɩa' gbenyenyii 'fɩɩn 'yi ‑taa. Mä nyɩkpɔɔ‑ yi'i lä klë nä, ɔ ‑kä 'tɛtɩ 'nɩ ɔ ‑zi'i. Nn' ‑wʋ 'kʋ ‑ŋwa nynä n 'tɔsɔ sää 'titi ɔɔ' 'süü 'bhliye. Ɔmɔ nä, Kplɔɔkplɔɔ‑wugɔ ‑yä ‑kosu 'sɔ ɔ 'kanyɩ lä 'wlu 'ŋʋ. 12Ɔ bhɛɛ‑ ɔɔ' bɩtɛɛ ‑yä ɔ 'kä 'mʋ poo, ɩyä flɩɩ ‑yä 'yʋʋ 'sɔ, ɔ 'kɩ ‑säsä. 'Yʋʋ, ɔ 'kʋ wëlüklüü' 'ŋʋ, ɩyä flɩɩ, ɔ 'kɩ ‑kosuu' 'pä ‑yä ɩ 'kä si. ‑Lɔɔ' ‑kosuu nä, ʋʋ' ‑lä 'kɔɔn ŋomo.
Zään Badisö ŋʋʋ‑ Zozii 'nyu 'wlu
(Makö 1.9‑11; Lukö 3.21‑22; Zään 1.29‑34)
13'Tänyɩ ‑kʋ ‑lɔɔ 'nɩ Zozii ‑bha Galilee' 'nɩ ɔ yi Zludɛɛ‑nyie yëku yi ‑yä Zään 'kɔ 'nyu 'wlu 'ŋʋ. 14Zään ‑wʋ 'fɩa ŋoo. Zään lä ‑mɔɔ gä'ä lä 'nyu 'wlu 'ŋʋ nä, ‑mɔɔ ci nynä ‑mä ‑amʋʋ‑ ‑lä 'ŋʋ‑ʋ 'nyu 'wlu ‑a! 15Zozii lä ‑mɔɔ ‑lä ŋʋ'ʋ 'nyu 'wlu! Sɔɔ ɩ ‑ŋwa lä 'kʋ nynä ‑mä a nʋ 'Bäɔɔ lebhee. Zozii cii‑ ylä sɔɔ nä, kä Zään ŋoo yɩ. 16‑Mä 'tänyɩɛ 'mnö ɔ ŋʋʋ‑ lä Zozii 'nyu 'wlu 'nɩ Zozii ‑bha ylä 'nyiglu nä, kä ‑laagɔɔ' ‑känöɔ 'klʋ, 'nɩ Laagɔɔ' 'Wugɔɔ yio 'kʋ kwlii. Ʋ kwlinöɔ‑ 'kʋ nynä 'kpaakpu. 17'Nɩ nuwälɩ ‑ghlää ‑laagɔɔ' 'nɩ ɩ cii‑, ɩ lä ‑nɔnɔ, ɔmɔɔ‑ plöö‑ lä 'naa ‑Wawayuo! Kä ɔɔ' plɛkʋ mɛnö'ö kpänyɩ!
Terpilih Sekarang Ini:
:
Highlight
Kongsi
Salin
![None](/_next/image?url=https%3A%2F%2Fimageproxy.youversionapistaging.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Ingin menyimpan sorotan merentas semua peranti anda? Mendaftar atau log masuk
© (Active), Wycliffe Bible Translators, Inc. All rights reserved.