Pinongurugan 3
3
Dai Minongowaid lobuw tu nu pomogosan nu Kinoringan
1Indadi, kiawi' kulos-kulos winaal nu TUHAN Kinoringan dai koinong nu lopung#3:1: lopung; intawa: ulang nu koo'ilo. Duato yo sono nu lopung-i woinoi-i nu, “Bana-bana ka nu pinogos kou nu Kinoringan mongokan nu bua' nu kiawi' puun so tonoman iitu?” koo.#P'tolang 12:9; 20:2
2Sumombuto yo woinoi-i nu, “Kowasa kai ya bo mongokan nu bua' nu kiawi' puun so tonoman iitu, 3nga ono po bua' nu ido puun so lintonga' nu tonoman iitu su dai kowasa okanon mai intawa mongkuyut pona nu ono. Bang waalon mai ono, matoi kai,” koo.
4Nga sumombuto yo lopung-i so woinoi-i nu, “Dai kou ya bo matoi, 5nga minutangar Kinoringan soko ono, so' oilaan Niyo nu koduung mongokan kou nu bua' oono, koinong kou sono so Iyo, ono yo koilo kou popupinig onu yo po owarong om oraai,” koo.
6Osiou nu woinoi-i nu oparu' bua' iiri om owarong kookan-okanan, om nokopomikir iyo nu owarong sobana ong oilo popupinig nu onu yo po owarong om oraai. Indadi, mongotuo yo sono iyo nu bua' nu puun iiri om okano yo, om taaki po sawo niyo ri, om sawo niyo ri nga minongokan-a. 7Nokookan-o po nosiro nu bua' iiri, noilaan-o sono nosiro nu lobas nosiro. Indadi, mongolapo yo nosiro nu roun nu nunuk om poputongkir-tongkiro yo nosiro momaal nu santut.
8Awi-awi ri, norongou nosiro manou-panou TUHAN Kinoringan so tonoman-i. Sumusuto yo sono nosiro so puola'an nu puun nu kayu ri, 9nga paawo yo nu TUHAN Kinoringan si Adam oono nu, “Siombo ko ka?” koo.
10Sumombuto yo iyo nu, “Norongou ku yo po Ikau so tonoman tu, linumaa' aku. Sinumusut aku sono so' lobas aku,” koo.
11Duato yo iyo nu Kinoringan nu, “Isai ka nopokoilo so ikau nu lobas ko? Minongokan ko ka nu bua' nipogos Ku ri?” koo.
12Sumombuto yo si Adam nu, “Iri woinoi nitaak Mu nu monguna' s'aku ri su minonaak s'aku nu bua' oono, om inokan ku sono,” koo.
13Duato yo nu TUHAN Kinoringan woinoi oono nu, “Nokuro ka su winaal mu ono?” koo.#2 Kur 11:3; 1 Tim 2:14
Sumombuto yo iyo nu, “Inokalan aku nu lopung-o, minongokan aku sono,” koo.
Minongukum Kinoringan
14Indadi tongaro yo sono nu TUHAN Kinoringan lopung-i nu, “Pagka soko ono winaal mu, pokomaai-maayan ko kaalib po ko' kiawi' kulos-kulos. Kiat kosiono, ono yo tian mu no su niloloi mu so tana', om tana' yo su tila'-tila'an mu musingkopatoi. 15Popubisigon ku kou om woinoi oono. Solusuk niyo no mongorutus nu ulu mu no om tindukon mu botu nosiro no,”#3:15 botu nosiro no; intawa: botu niyo no. koo.#P'tolang 12:17 16Tongaro yo nu TUHAN Kinoringan woinoi oono nu, “Ruangan ku sono koosakit nu laid mu momontian om iya mu muanak. Soko ono pona moingin ko ya sobana rumompit so sawo mu no, om sawo mu no yo su mogkuasa so ikau,” koo.
17Tongaro yo nu TUHAN Kinoringan si Adam nu, “Pagka minaid ko nu tangar nu sawo mu no, om minongokan ko nu bua' nipogos Ku so ikau pookan-i, sumpaan Ku sono tana' no om osonsara' ko sobana mongusaa' nu tana' no om kourug ko nai' nu ingkookan mu musingkopatoi. 18Sinupot om ruwi-o ololagan mu so tana', om tutumuu' so oba'on-o yo su ookanon mu.#Ibr 6:8 19Umos-umosan ko mongusaa' nu tana' om kourug ko nai' nu ingkookan. Soko ono yo dadan waalon mu sampai musiliw ko koimbagu nu tana', so' winaal ko ya kiat so tana'. Winaal ko kiat so tana' om mululi' ko ya so tana',” koo.
20Ingorani yo ni Adam#3:20: Orati yo po nu Adam so tangar Ibrani, nga kolobuwan. sawo niyo ri so si Awa,#3:20: Orati yo po nu Awa so tangar Ibrani nga, kowiawan. so' woinoi oono yo su ourug nu ino nu kiawi' lobuw. 21Waali yo sono nu TUHAN Kinoringan si Adam om sawo niyo ri nu pokakas kulit nu kulos-kulos winaal, om posulungi yo so nosiro.
Sinusub si Adam om si Awa Kiat so Tonoman Idin
22Mutongaro yo TUHAN Kinoringan nu, “Kosiono nosiliw-o sono lobuw nu soko Toko, om koilo popupinig nu oraai om owarong. Indadi, dai musuat ong mongokan nosiro nu bua' nu puun kowiau oono om miau musingkolaid,” koo.#P'tolang 22:14 23Indadi susubo yo nu TUHAN Kinoringan lobuw-i kiat so tonoman Idin, om suuo yo Niyo mongusaa' nu tana' winaal so iyo ri. 24Noopod iri, popolako yo nu Kinoringan susuu'on Niyo mongipat, om ido karis kiapui mupiri-piri dadan umpak so pusitan so pintu oosuwan so tonoman oono, mongibon nu lalan mian so puun kowiau-i. Indadi, d'ado ido ya sono kaasuw om rumani so puun oono.
Terpilih Sekarang Ini:
Pinongurugan 3: TomPWPgLgPn
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
© 2023 (Active), Wycliffe Bible Translators, Inc. All rights reserved.