Jenesis 3
3
Ema lakohi rona ba Nai Maromak
1Hosi animal sira hotu nebee NAI Maromak halo ona iha mundu, samea mak matenek hodi bobar lia tuun-sae. Iha loron ida, samea husu ba feto dehan, “NAI Maromak bandu dehan, ‘Imi la bele haan ai fuan sira iha toos nee’, loos ka lae?”
2Feto nee hataan, “Lae! Ami bele haan ai fuan hotu iha toos nee! 3Maibee iha ai huun ida deit iha toos nia klaran, nia fuan mak Nai Maromak bandu ami la bele haan, i la bele book nia fuan. Se lae ami mate.”
4Maibee samea hataan fali dehan, “Nee la loos! Imi la mate! 5Nai Maromak bandu nunee, tanba Nia hatene ona, se imi haan ai fuan nee, imi nia matan sei nakloke i imi sei sai matenek hanesan Nia. Nunee imi hatene saida mak diak, i saida mak aat.”
6I feto haree ai huun nee diak, i nia fuan mos furak ba haan, nia hanoin dehan, “Se hau haan ai fuan nee, hau sei sai matenek.” Entaun nia kuu ai fuan nee, nia haan. I nia mos lori baa foo nia laen, i nia laen mos haan. 7Haan tiha, derepenti deit sira nain rua nia matan nakloke i hatene katak sira isin molik hela. Nee mak sira baa suku hamutuk ai tahan hodi taka sira nia isin molik.
8Iha lokraik, sira rona NAI Maromak lao iha toos nee. Nunee sira baa subar tiha iha ai laran. 9Maibee NAI Maromak bolu mane nee dehan, “Adão, o iha nebee?”
10Mane nee hataan, “Hau rona Maromak nia lian iha toos. Maibee hau tauk, tanba hau isin molik hela. Nee mak hau halai baa subar.”
11I Nai Maromak hatete, “See mak foo hatene ba o dehan o molik? O haan tiha ona ai fuan nebee Hau bandu nee ka?”
12Adão hataan, “Feto ida nebee NAI Maromak foo mai hau nee, nia mak foo ai fuan nee mai hau haan.”
13I NAI Maromak husu ba feto, “Nusaa mak o halo nunee?”
Feto nee hataan, “Samea mak bosok hau. Nee mak hau haan tiha ona ai fuan nee.”
NAI Maromak foo malisan ba sira
14Nunee NAI Maromak foo malisan ba samea nee dehan,
“Tanba o halo ona nunee, Hau kastigu o todan liu animal sira seluk. Komesa agora, o sei dolar deit iha rai i haan rai rahun, iha o nia moris tomak. 15Hau sei halo o ho feto nee inimigu bebeik. I imi nain rua nia bei oan sira mos nunee. O nia jerasaun sei tata ema nia ain tuban. Maibee feto nee nia jerasaun ida, sei sama rahun o nia ulun.”
16I Nai Maromak foo hatene ba feto nee dehan,
“Hau sei amenta o nia terus bainhira o isin rua, no amenta moras bainhira o tuur ahi. Maibee bele nunee mos, o sei hakarak nafatin o nia laen. Maski nunee, nia mak sei domina o.”
17I Nai Maromak foo hatene ba mane nee dehan,
“O la tuir Hau nia orden, maibee o tuir fali o nia kaben nia hakarak, too o haan ai fuan nebee Hau bandu nee. Tanba o nia hahalok nee, o hetan kastigu, i rai mos hetan malisan. Komesa agora too o mate, o tenki serbisu mate aan, foin o bele hetan hahaan. Ho serbisu nunee, foin o bele moris. 18Rai sei foo duut aat ho ai tarak; maski nunee o sei hetan ai-haan hosi toos. 19O sei serbisu too kosar metan sai foin o hetan ai-haan. O halo nunee too o mate. Hau halo o hosi rai, bainhira o mate, o sei fila fali ba rai.”
20Adão tau naran ba nia kaben ‘Eva’ (nee dehan katak ‘moris’), tanba nia ema hotu-hotu nia inan.#3:20:Iha lian Ebreu Adão dehan katak ‘ema’.
21Depois NAI Maromak halo hena hosi animal nia kulit, foo ba sira nain rua hatais.
NAI Maromak duni sai Adão ho Eva hosi toos Eden
22I NAI Maromak hatete, “Agora nee ema hatene ona buat diak, no buat aat, hanesan ona Ita. Keta halo be sira haan tan ai-fuan hosi ai-huun nebee foo moris, nunee sira bele moris nafatin.” 23Entaun NAI Maromak duni sai tiha sira hosi toos Eden, ba iha fatin seluk, atu fila rai. Ema mai hosi rai, i tenki mos moris hosi rai. 24Duni sai tiha sira, NAI Maromak haruka Nia anju nebee iha liras#3:24:Lian Ebreu dehan Maromak nia anju ho liras hosi lalehan, nee kerubim. baa hein toos nee iha loro-sae nia sorin baa. Maromak tau surik kroat nebee dulas baa-mai, i lakan hanesan ahi. Maromak haruka sira taka tiha dalan tama ba toos nee, tan Nia lakohi ema baa kuu ai-fuan nebee bele foo moris nafatin.
Terpilih Sekarang Ini:
Jenesis 3: BTDT
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
© 2024 Wycliffe Timor-Leste.
Jenesis 3
3
Ema lakohi rona ba Nai Maromak
1Hosi animal sira hotu nebee NAI Maromak halo ona iha mundu, samea mak matenek hodi bobar lia tuun-sae. Iha loron ida, samea husu ba feto dehan, “NAI Maromak bandu dehan, ‘Imi la bele haan ai fuan sira iha toos nee’, loos ka lae?”
2Feto nee hataan, “Lae! Ami bele haan ai fuan hotu iha toos nee! 3Maibee iha ai huun ida deit iha toos nia klaran, nia fuan mak Nai Maromak bandu ami la bele haan, i la bele book nia fuan. Se lae ami mate.”
4Maibee samea hataan fali dehan, “Nee la loos! Imi la mate! 5Nai Maromak bandu nunee, tanba Nia hatene ona, se imi haan ai fuan nee, imi nia matan sei nakloke i imi sei sai matenek hanesan Nia. Nunee imi hatene saida mak diak, i saida mak aat.”
6I feto haree ai huun nee diak, i nia fuan mos furak ba haan, nia hanoin dehan, “Se hau haan ai fuan nee, hau sei sai matenek.” Entaun nia kuu ai fuan nee, nia haan. I nia mos lori baa foo nia laen, i nia laen mos haan. 7Haan tiha, derepenti deit sira nain rua nia matan nakloke i hatene katak sira isin molik hela. Nee mak sira baa suku hamutuk ai tahan hodi taka sira nia isin molik.
8Iha lokraik, sira rona NAI Maromak lao iha toos nee. Nunee sira baa subar tiha iha ai laran. 9Maibee NAI Maromak bolu mane nee dehan, “Adão, o iha nebee?”
10Mane nee hataan, “Hau rona Maromak nia lian iha toos. Maibee hau tauk, tanba hau isin molik hela. Nee mak hau halai baa subar.”
11I Nai Maromak hatete, “See mak foo hatene ba o dehan o molik? O haan tiha ona ai fuan nebee Hau bandu nee ka?”
12Adão hataan, “Feto ida nebee NAI Maromak foo mai hau nee, nia mak foo ai fuan nee mai hau haan.”
13I NAI Maromak husu ba feto, “Nusaa mak o halo nunee?”
Feto nee hataan, “Samea mak bosok hau. Nee mak hau haan tiha ona ai fuan nee.”
NAI Maromak foo malisan ba sira
14Nunee NAI Maromak foo malisan ba samea nee dehan,
“Tanba o halo ona nunee, Hau kastigu o todan liu animal sira seluk. Komesa agora, o sei dolar deit iha rai i haan rai rahun, iha o nia moris tomak. 15Hau sei halo o ho feto nee inimigu bebeik. I imi nain rua nia bei oan sira mos nunee. O nia jerasaun sei tata ema nia ain tuban. Maibee feto nee nia jerasaun ida, sei sama rahun o nia ulun.”
16I Nai Maromak foo hatene ba feto nee dehan,
“Hau sei amenta o nia terus bainhira o isin rua, no amenta moras bainhira o tuur ahi. Maibee bele nunee mos, o sei hakarak nafatin o nia laen. Maski nunee, nia mak sei domina o.”
17I Nai Maromak foo hatene ba mane nee dehan,
“O la tuir Hau nia orden, maibee o tuir fali o nia kaben nia hakarak, too o haan ai fuan nebee Hau bandu nee. Tanba o nia hahalok nee, o hetan kastigu, i rai mos hetan malisan. Komesa agora too o mate, o tenki serbisu mate aan, foin o bele hetan hahaan. Ho serbisu nunee, foin o bele moris. 18Rai sei foo duut aat ho ai tarak; maski nunee o sei hetan ai-haan hosi toos. 19O sei serbisu too kosar metan sai foin o hetan ai-haan. O halo nunee too o mate. Hau halo o hosi rai, bainhira o mate, o sei fila fali ba rai.”
20Adão tau naran ba nia kaben ‘Eva’ (nee dehan katak ‘moris’), tanba nia ema hotu-hotu nia inan.#3:20:Iha lian Ebreu Adão dehan katak ‘ema’.
21Depois NAI Maromak halo hena hosi animal nia kulit, foo ba sira nain rua hatais.
NAI Maromak duni sai Adão ho Eva hosi toos Eden
22I NAI Maromak hatete, “Agora nee ema hatene ona buat diak, no buat aat, hanesan ona Ita. Keta halo be sira haan tan ai-fuan hosi ai-huun nebee foo moris, nunee sira bele moris nafatin.” 23Entaun NAI Maromak duni sai tiha sira hosi toos Eden, ba iha fatin seluk, atu fila rai. Ema mai hosi rai, i tenki mos moris hosi rai. 24Duni sai tiha sira, NAI Maromak haruka Nia anju nebee iha liras#3:24:Lian Ebreu dehan Maromak nia anju ho liras hosi lalehan, nee kerubim. baa hein toos nee iha loro-sae nia sorin baa. Maromak tau surik kroat nebee dulas baa-mai, i lakan hanesan ahi. Maromak haruka sira taka tiha dalan tama ba toos nee, tan Nia lakohi ema baa kuu ai-fuan nebee bele foo moris nafatin.
Terpilih Sekarang Ini:
:
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
© 2024 Wycliffe Timor-Leste.