လုကာ 1
1
အခန် (၁)
သော်ဖိလုဆောင့်
1ကရိုသေထွိုက်ဒါ သော်ဖိလု၊ က့ခါကု ကပျန့်ထန်စေးဒါ တဟွမ့်ဆန်အန်ဖရာခရာဖုန်းဒွို 2နောင်ပလူးမိုးဒါ ဗွယ်ဖရာတရာငိုတော် အမှုတော် ကပျန့်ဒါ မေးသျှီဆက်စေ ထျက်အထိ့ကုခါ့စာဖုန်း ကဒေါင့်စေးကန်ဒါအတွုန် ပလူးဟေတန်ဖုန်းဒွို တျန်နေ့ထန်စေးဖီလိုကာ က့ဆောင့် ဟနေ။ 3အွယ့်ကြားမဲ့ ငါးဒွို လေ့လာကျက်ချေ ကြိုင်ကြိုင် တာကပျန့်ထန်ဒါ ကားကအိုဖုန်းထွို့မဲ့ မေတျန်ထန်ချာဒါနောင် အကျီအကျင်အွယ့် နားတာ အီခိုတိုမတောဝ် အိုထင်နိန်းအွယ့်ဟနေ။ 4နားက့ ကစွမ့်ဘာဒါအကြောင်ခရာဖုန်းဒွို အကြောင်အိုမှန်တိုခရာ ဖီကသိတာတိုဟနေ။
ဟိုကီစေးကန်း ငွုတ်သျှီ့မင်္ဂလာဆရာယောဟန် အီအန်လွူလင်းခရာ
5ယုဒကန်ကု ခွမ့်ခမ်းဟေရုဒ်#1:5ခွမ့်ခမ်းဟေရုဒ်ဒွို ပျန့်တို ရောမပလူးမျိုဖုန်း ကခန့်အပ်စေးဒါ ခွမ့်ခမ်းအပါးထွို့ ပျန့်တို ခွမ့်ခမ်းကအုပ်ချုပ်ဒါ ယုဒကန်နောင် ဘုန်တန်ခိုဒူ နောင် တသေ့တမွိုက်ဖုန်း ရောကာထွို့ (အိုဘီစီ ၃၇တွို ၄၀ ဘီစီ) ကုစာအပါးတိုဟနေ။ ကအုပ်ချုပ်ဒါခိန်းကု ဂျူးပုရောဟိတ်#1:5ပုရောဟိတ်ဖုန်းဒွို ဖီကမိုး ကစွိုင်းမြတ်ဒါ အလီထုံစံဖုန်းတာ ပျန့်လိုကာတို အခွင်အာဏာကအိုဒါ ဂျူးဖာစာရေအဒူအကဲဖုန်းတိုဟနေ။ အာကာဒွို ပလူးမိုးဘာ အမှုကိစ္စဆိုင်နောင်ဖာစာရေ ဗိမာန်တော်ကု ပလူးအမျာတာရင်းစာဖုန်းလဲ့မေမေ။ နျန်းဇာခရိဒီ့ ပျန့် အဘိယ#1:5အဘိယ ကဒေါင့်ဒါဒွို ပျန့်တို ဖီကမိုး အမှုတော်ဂျေရုဆလင်ဗိမာန်တော်ကုတာ ဖွဲ့စေးကန်း ပုရောဟိတ် ၂၄ကျွိုကု အကျွိုတိုဟနေ။ ကဟောင့်ဒါပုရောဟိတ်ကျွိုကုအပလားဟနေ။ အာမာ့ ဧလိရှဗက်ဒီ့လဲ့ ပျန့်တိုပလူး ကဟောင့်ဒါ အာရုန် အစ္စရေးပလူးမျိုဖုန်းပုရောဟိတ် အကီစွက် ခွိုမျိုနိန်းအွယ့်ကုလင်းစာတိုဟနေ။ 6အာကာအန်တငြီ့လူးဒွို လွိုက်နာဗွယ်ဖရာပညတ်ဖုန်း#1:6 ပညတ်တော် ကဒေါင့်ဒါတွို ပျန့်တို ဗွယ်ဖရာတရာတော်တိုဟနေ။ အမာအိုဟ အွယ့်ကြားမဲ့ ဗွယ်ဖရာမေငါ့ကုဒီ့ ပျန့်လိုကာတို ပလူးတွို့မှန်စာတို#1:6 “ပလူးတွို့မှန်စာ” ကဒေါင့်ဒါဒွို ဒေါင့်တို ပလူးလွိုက်နာထွို့ အိုတွဲ့နောင် ဗွယ်ဖရာပညတ်တော်ဖုန်းနောင် မိန့်ဒေါင့်တာဖုန်းစာတို။။ 7ဧလိရှဗက်ဒွို အိုဒုဲင်အွယ့်ကြား ဖုဖုန်းအိုဟထွို့ အာကာအန်တငြီ့လူးအွယ့်လဲ့ ဆက်အရွယ် ပလာယွမ်ထန်လိုကာတွို့တာ။
8အငြီးကု ပုရောဟိတ်ဇာခရိအွယ့် မိုးပုရောဟိတ်တာဝန် ဗွယ်ဖရာမေငါ့ကု။ ကွက်တဟနာမေဒေါင့်ဘာအွယ့် အာကျွိုဒွို အီမိုးဗွယ်ဖရာအမှု ဗိမာန်တော်#1:8ဗိမာန်တော် ကဒေါင့်ဒါဒွို ပျန့်တို ဂျူးပလူးမျိုဖုန်း ဆုတောင်ဝယ်လိုကာတာ ဘုရာကျောင်း အိုဘို့ ဂျေရုဆလင်ဝိန်းကု အဘာဟို့။ကုတာ ခလှည့်တွိုလေး အွယ့်ကြားမဲ့ဟနေ။ 9နောင်ပုရောဟိတ်ဖုန်း အလီထုံစံအတွုန် ဖီကလိပူဇော်နံစာဖုန်း ဗိမာန်တော်ကုတာ ဘုမဲထွို့ ထွိုင်လွိုက်ရွေလိုကာခါ့ ဇာခရိအွယ့် ခံဘာလွိုက်ရွေဟနေ။ 10အွယ့်ကြားမဲ့ ဇာခရိအွယ့် အိုလိထွို့ပူဇော်နံစာခိန်းတွင် ပလူးဖုန်းအွယ့် အိုထွိုင်ထွို့ ဆုတောင်လိုကာတာ ဗိမာန်တော်ကွင်ကု။
11ထွို့မဲ့ ဗွယ်ဖရာကအန်ကြွ့လင်းဒါ လွှော်ဒေဝါ#1:11လွှော်ဒေဝါ ကဒေါင့်ဒါဒွို ပျန့်တို အိုဗွယ်ဖရာဆောင့် ကလေးဒါ လွှော်ခိုလွှော်မြတ် အပါးအွယ့် အိုထွိုင်တာထွို့ ပြနေ့ထန် ဇာခရိနန် ပလ္လင်ကလိပူဇော်စို့ဒါ နံစာဖုန်းအွယ့်ဘာ ပန်ချို့ဒိုင့်ကု။ 12ဇာခရိအွယ့် ထွိုင်သျှီလွှော်ဒေဝါခါ့ အာအွယ့် စကန်ထန်ယွမ်တွို့ထွို့ စွိုနေ့တွို့တာ။ 13ဒေါင့်မာလဲ့ လွှော်ဒေဝါအွယ့် “ကျန်းစကန်မာ၊ ဇာခရိ။ ကွက်တဟနာမေဒေါင့်ဘာအွယ့် ဗွယ်ဖရာဒွို ဟွမ့်သိလိထွို့ နားတဆုတောင်တာ။ နားမာ့ ဧလိရှဗက်ဒွို အီအန်လွူလင်ဖီ နားတာ ဖုခုအပလား။ အီဖီဘာ အာနျန်း ယောဟန်နိန်းအွယ့်။ 14ကွက်အာအန်လွူလင်း အွယ်ကြားမဲ့ ဗွမ့်နောင်နားက့ ဟွမ့်ပျော်စွင်ဟွမ့်ခိုဘာယွမ့်တွို့တာ ပလူးလငါ့ဖုန်းဒွိုလဲ့ အီပျော်စွင်လိုကာဘာ။ 15ကွက်တဟနာမေဒေါင့်ဘာအွယ့် ယောဟန်ဒီ့ ဗွယ်ဖရာမေငါ့ကု အီပျန့် ပလူးကြီးကျယ်စွိုင်းမြတ်စာ။ ကွက်တဟနာ မေဒေါင့်ဘာဒွို အာဒွို ကမားခါ့ခယောဝ်း အီအို့ စပျစ်သျှီ့ဖုန်း သိဖုန်း လီမေဟာ။ ထျက့်ခရား အာခအန်လွူကောင်းခါ့ကာ ဉာဏ်ရောင်တော်ဒွို အီအိုကိုတိုနောင်အာ။ 16ယောဟန်ဒီ့ အီမိုးဖီ အစ္စရေးပလူးမျိုဖုန်း အိုအပျက်စရိုက်လီခိုဟကု လ့လိုကာနောင်တထွို့ အီမိုးဖီ ပြန်လှည့်ကျိန်းချာဒါ့ ကပျန့်ဒါ အာကာဗွယ် ဗွယ်ဖရာဆောင့်။ 17ယောဟန်ဒွို အီအိုနောင်ဉာဏ်ရောင်တော်တန်ခို ဗွမ့်နောင် အရိယာဆူတော်ကောင်ဧလိယ#1:17 အရိယာဆူတော်ကောင် ကဒေါင့်ဒါဒွို ပျန့်တိုကောဒေါင့်ချင်းဖီချာဒါ့ ဖရာငိုစာ။ ထွို့ အီပျန့် ပလူးလေးကီဗွယ်ကလေ့မေငါ့စာ။ အာဒွို အီမိုးတေ့ဖီချာဒါ့ မွိုဖာ့နောင် ဖုဖုန်းသ့သာဖုန်းထွို့ ပလူး လီနာခံဟတာစာဖုန်းဒွိုလဲ့ အာအီနေ့ကလေ့ဖီတို ဗွယ်ဖရာကဖီဒါ ပလူးကတွို့မှန်စာဖုန်း တသိဉာဏ်ပညာကလေ့ကုဟနေ။ အွယ့်ကြားမဲ့ ပလူးဖုန်းလဲ့ ဗွယ်မေကြွာ့လင်းခါ့ အီအိုရျန်းစေးကန်းကာအထွို့” ဒေါင့်နိန်းအွယ့်။
18ထွို့မဲ့ ဇာခရိအွယ့်လဲ့ “အီပျန့်ထန်နိန်းဒွိုးဒွို ငါးအီသိဒါနိန်းမာ။ ငါးနောင် ငါးမာ့ဒွို အီလ့ဖုတာ အိုပလာလွမ်ကာလိထွို့” တစီ့ချာဒါ့ လွှော်ဒေဝါနိန်းအွယ့်။
19အွယ့်ခါ့ လွှော်ဒေဝါအွယ့် “ငါးဒွို ပျန့်တိုဂါဗြေလ အိုမိုးဘာတမိုး ဗွယ်ဖရာမေငါ့ကုတို။ ဖီကလင်ဒေါင့်နေ့ မင်္ဂလာစတင်းခို ဒွိုးဘာနားဆောင့်တာ ဗွယ်ဖရာဒွို အန်ကြွ့လင်းငါးတိုဟနေ။ 20ဒေါင့်မာလဲ့ အခိန်းမေတွိုခါ့ အီပျန့်ထန်ဒါ ငါးငိုဒွို နားလီယွမ်အန်ဟ အွယ့်ကြားမဲ့ တွိုတွို့ နားဖုအန်လွူလင်ခိန်း နားဒွို ဒေါင့်ဒါဟငိုထွို့ အီအိုအ့” ဒေါင့်ဇာခရိနိန်းအွယ့်။
21ဇာခရိနောင်လွှော်ဒေဝါကာ အိုဒေါင့်စွူ့လိုကာတာ ဗိမာန်တော်ကုတွင် လူထုပရိသတ်ကအိုဒါ ဗိမာန်တော်ကွင်ကုစာဖုန်းအွယ့် အိုပွိုင်းလိုကာဇာခရိ။ အာကာအွယ့် အိုဟွမ့်ဆန်လိုကာ ဇာခရိကွက်တဟနာ ကကြာငြီးတာ ဗိမာန်တော်ကုန်ကုကု။ 22ဇာခရိထွိုင်ထန်ချာဒါ့ ခူနောင့်ခိန်းခါ့ လီဒေါင့်ဒါဟဒွမ်းငိုအွယ့်ကြားမဲ့ အိုဗိမာန်တော်ကုန်ကုကုတွင် ဗွယ်ဖရာဒွို ပြနေ့လိထွို့ ဇာခရိ တကျွိုကျွို လူထုပရိသတ်ဖုန်းအွယ့် သိနားထန်လိုကာနိန်းအွယ့်။ ကွက်တဟနာမေဒေါင့်ဘာအွယ့် အာဒွို အိုမိုးနေ့ဆွက်ဒါ့ဘို့ ပလူးဖုန်း နောင်ကျွော်နောင်ခင်ဟို့ထွို့ အိုအိုအ့ဆွက်ဒါ့တုဲင်းတာ အွယ့်ကြားမဲ့ဟနေ။
23ထွို့မဲ့ ဇာခရိအွယ့် ထွိုင်မိုးထွို့ ပုရောဟိတ်ဖုန်း ကမိုးဘာဒါ အမှုကိစ္စဖုန်းကားကအို ဗိမာန်တော်ကုထွို့ အိုဂျေရုဆလင်ဝိန်းကု စကျိန်းကျိန်းကေ့။ 24အခိန်းထွိုင်ငီးထန်ခါ့ ဇာခရိမာ့ ဧလိရှဗက်အွယ့် အိုဒွိုင့်ထန်တာထွို့ အာအွယ့် ကြာတွို့ အန်ငေလအာ့ စလေးဟတာ ပလူးအမျာခါကု။ 25အာအွယ့် “ဗွယ်ဖရာဒွို ဖီလိငါး အခွင်အိုဒွိုင့်တာ၊ ကွက်ဗွယ်ဖရာ တသညင်မဲ့ မိုးတမာဖီလိထွို့ ပလူးအမျာဖုန်း အန်းစွမ်ထင်ပီငါး” ဒေါင့်နိန်းအွယ့်။
ဟိုကီစေးကန်း ကိုယ်တော်ယေရှု အီအန်လွူလင်းခရာ
26ဧလိရှဗက် အိုဒွိုင့်တာ ထွိုင်လ့အန်စွော့်လခါ့ ဗွယ်ဖရာအွယ့် အန်ကြွ့လင်း လွှော်ဒေဝါဂါဗြေလ ဂါလိလဲကန် နာဇရက်ဝိန်းကု။ 27ဗွယ်ဖရာဒွို အန်ချန့်အာလေးဒေါင့် ငိုစတင်း တမွော်ပလင့် ကဟောင့်ဒါ မာရိအွယ့်ပလားဆောင့်။ မာရိဒွို ပျန့်တိုပမွော် ဒေါင့်ပလောင်းစေးကန်းထွို့ နောင်ယောသပ် ကအိုဒါ ခွမ့်ခမ်းဒါဝိဒ်ခွိုမျိုကုလင်းစာတို ဟနေ။ 28လွှော်ဒေဝါအွယ့် ထွိုင်ကျွို့ထွို့ “ဗွယ်ဖရာဒွို အိုကိုတိုနောင်နားထွို့ နေ့လွို့လိထွို့ အာမဟာကရုဏာမေတ္တာ နားလောင်” ဒေါင့်မာရိနိန်းအွယ့်။
29ဒေါင့်မာလဲ့ မာရိအွယ့် ထွိုင်ဟွမ့်လွှော်ဒေဝါငိုခါ့ အာသ့ရှုပ်ထန်ယွမ်တွို့တာထွို့ အိုကျင်ကျာတာ လွှော်ဒေဝါငိုဖုန်းဒွို အကြောင် ဘသာဒေါင့်တဟနာခရာ။ 30ထွို့မဲ့ လွှော်ဒေဝါအွယ့် “မာရိ၊ ကျန်စကန်မာ။ ဗွယ်ဖရာဒွို ဖီလွို့လိထွို့နားမေငါ့။ 31နားနုဲင့် အီအိုဒွိုင့်ထန်တာထွို့ အီအန်လွူလင်ဖုခုအပါး။ အီဖန့်ဖီဘာအာနျန်း ယေရှုနိန်းအွယ့်။ 32အာအွယ့် အီပျန့်ထန် ပလူးဒူမြတ်အပလားထွို့ အမြတ်စွက် ဗွယ်ဖရာဖုခု အီခံဘာဟောင့် နိန်းအွယ့်။ ဗွယ်ဖရာဒွို အီဖီအပ်အာ အခွင်အုပ်စိုဒါ အာပလူးမျိုဖုန်း ဗွမ့်နောင် အာဖာ့ပလာ ခွမ့်ခမ်းဒါဝိဒ်။ 33အာအွယ့် အီအုပ်စိုငါ့ထာဝရ ယာကုပ်မျိုဆွက် ကပျန့်ဒါ အစ္စရေးပလူးမျိုဖုန်း နောင်ခွမ့်ခမ်းထွို့ အာတအုပ်ချုပ်ဒွိုလဲ့ ကမားခါ့ခယောဝ်း အီအန်စောဝ်းကေ့ လီမေဟာ” ဒေါင့်နိန်းအွယ့်။ 34အွယ့်ခါ့ မာရိအွယ့် “ငါးဒွို မေအိုပျန့်တို တမွော်ပလင့်အပလား တာနိန်းအွယ့်အီပျန့်ဒါနိန်းမာ” တစီ့ချာဒါ့ လွှော်ဒေဝါနိန်းအွယ့်။ 35လွှော်ဒေဝါအွယ့်လဲ့ “ဉာဏ်ရောင်တော်ဒွို#1:35 ဟွိုင့် (၁:၀) အီလင်းလင်နားလောင်ထွို့ ဗွယ်ဖရာတန်ခိုဒွိုလဲ့ အီအိုကိုတိုနောင်နား။ အွယ့်ကြားမဲ့ နားဖုခုဒွိုလဲ့ အီခံဘာဟောင့် အမြတ်စွက် ဗွယ်ဖရာဖုခု နိန်းအွယ့်။ 36ကပျန့်ဒါနားပွော်ဝေ ဧလိရှဗက်ဒီ့ အိုပလာလိထွို့အွယ့်ကြားမဲ့ ပလူးအမျာဖုန်း ထင်လိုကာ လီလ့ဒါဟဒွမ်းဖုလဲ့ ဒွိုးခါ့ အာအိုဒွိုင့်တာ လ့လိထွို့အန်စွေ့ာ်လဟနေ။ 37ကွက်တဟနာမေဒေါင့်ဘာအွယ့် ဗွယ်ဖရာဒွို မိုးဒါလူးတို တာကားကအို” ဒေါင့်နိန်းအွယ့်။ 38အွယ့်ခါ့ မာရိအွယ့် “ငါးဒွို ပျန့်တို ဗွယ်ဖရာစွမ်းစေ အပလား။ ငါးလောင် ဖီကပျန့်ဘာမှန်မှန် နောင်နားဒေါင့်အတွုန်” ဒေါင့်နိန်းအွယ့်။ ထွို့မဲ့ လွှော်ဒေဝါအွယ့်လဲ့ အိုမာရိဆောင့် စစွာ့ထန်ကေ့။
မာရိလေလေး ဧလိရှဗက်ဆောင့်
39ငီးဟ မာရိအွယ့် ရျန်းထွို့တာထွို့ နျက်လေးလေ ဇာခရိကအိုစို့ဒါ ယုဒကန်ကုကအိုဒါ ဝိန်းခေါင့်လောင် အဝိန်းကု။ 40ထွိုင်တွိုခမ်လန်အွယ့်ကုပါခါ့ မာရိအွယ့် နွူးကျိန်း ဇာခရိယွမ်ကုထွို့ ကျိန်ကျွို့ ဧလိရှဗက် ကပျန့်ဒါဇာခရိမာ့။ 41ဆျက်ဧလိရှဗက်ဟွမ့်ထွို့ မာရိငိုကျွို့ထွို့ အလိုင်ချင် ပသာကအိုဒါ အာဖွော့်ကုအွယ့် စွိုထန်ထွို့မဲ့ ဉာဏ်ရောင်တော်အွယ့် အို ဧလိရှဗက်လောင်။ 42ဧလိရှဗက်အွယ့် “ဗွယ်ဖရာဒွို အီမိုးဖီနား ပျော်ဘာလွို့ထိုင် ပမွော်လငါ့ကားကအိုထွို့ ပသာပီနားကအီအန်လွူလင်းဒွိုလဲ့ အီပျော်ဘာတိုတာဟနေ။ 43ဗွယ်မွို အိုတွိုလေးဒါငါးဆောင့် အခွင်စာဒွို ကွက်တဟနာ ငါးအီခံစာဘာ။ 44ထွိုင်ဟွမ့် နားငိုကျွို့ထွို့ ပသာပီအို ငါးဖွော့်ကုဒွို ပျော်စွင်တာထွို့ စွိုထန်တာ။ 45ဗွယ်ဖရာငိုစတင်းဒွို အီပျန့်ထန်ယွမ်တို နားအိုယွမ်အန်နိန်းအွယ့် အွယ့်ကြားမဲ့ နားဒွို ကံခိုယွမ်တွို့” ဒေါင့်က့မာရိ နောင်ငိုစင်နိန်းအွယ့်။
မာရိအန်ဖရာ ဗွယ်ဖရာ
46ထွို့မဲ့ မာရိအွယ့်လဲ့
“အန်ဖရာတို ဗွယ်ဖရာနောင် ငါ့သ့သာ။
47ငါးသ့ဒွို အာရပျော်စွင့်ဘာတို ဗွယ်ကကယ်ဆယ်ဒါငါး ဗွယ်ဖရာဆောင့်ကု။
48ငါးဒွို ပျန့်ဘို့ ကိုယ်တော်စွမ်းမွော် အရန်းဖွိုဟို့လဲ့
အာဒွို အိုပိန်းဟငါး။ တေဒွိုးမမေငါ့ ပလူးဖုန်းကားကအို မျိုးဆွက်ကျွမ်ဆက်ဆက်ကုဒွို အီဒေါင့်ကာငါး ပလူးကံခိုနိန်းအွယ့်။
49ကွတ်တဟနာမေဒေါင့်ဘာအွယ့် တန်ခိုတော်ကဒူမြတ်ဒါ ဗွယ်ဖရာဒွို
မိုးဖီလိထွို့ တခိုမြတ်ဖုန်းငါးလောင်။
အာနျန်းဒွိုလဲ့ စွိုင်းမြတ်တိုဟနေ#1:49 လီမိုးဖိုဟအပျက်စာ၊ အပျက်လီအိုဟစာ။။
50ခေတ်အဆက်ဆက်ကု ဗွယ်ဖရာဒွို နေ့တင်ရှာတစေစေတို ပလူးကစကန် ကရိုသေဒါ အာစာဖုန်း
မဟာကရုဏာမေတ္တာတော်။
51ဗွယ်ဖရာဒွို ချာ့ဖွိုကေ့ ပလူးမာန်မာနထွိုင်စာကားကအိုဖုန်း နောင်အာတန်ခိုတော်။
52ဗွယ်ဖရာဒွို ထွို့လင်းကေ့ ခွမ့်ခမ်းအုပ်စိုဒါနောင် အခွင်အာဏာစာဖုန်း အာကာပလ္လင်လောင်ထွို့ ပင်စွိုင်းဖီ ပလူးချာ့ဖွိုတိုးနန်တိုးစာဖုန်းကားကအို။
53ဗွယ်ဖရာဒွို ထျန့်ဝေ့ဖီကေ့ ပလူးအိုဝီတာစာဖုန်းနောင် အာကာကအိုလူဒါတာဖုန်းထွို့
သဌေချမ်စာစာဖုန်းအွယ့် အန်ကြွ့ကေ့နောင် ကျွော့်အဒုဲင့်။
54-55ဗွယ်ဖရာဒွို ခံစေးကန်းငိုသစ္စာ
အီအန်ဒင်တစေစေတို မဟာဂရုဏာမေတ္တာတော် ကပျန့်ဒါက့ဖာ့ပလာ အာဗြဟံနောင် အာခွိုမျိုဆွက်ဖုန်းလောင်။
ဒွိုးခါ့ ဗွယ်ဖရာဒွို သိနန်ယူလ့ထန်လိထွို့ ငိုခံသစ္စာဟနေ။
အွယ့်ကြားမဲ့ ဗွယ်ဖရာဒွို ကူညီမစဖီလိထွို့ က့နောင် ကမိုးဖီဒါ အာအမှုတော်စာ အစ္စရေးပလူးမျို ကားကအိုဖုန်း”
ပူဇော်အန်ဖရာလေ ဗွယ်ဖရာဂုဏ်တော်နိန်းအွယ့်။ 56ထွို့မဲ့ မာရိအွယ့် အိုကိုနောင်ဧလိရှဗက် အန်တွမ့်လအာ့ထွို့မဲ့ အာကျိန်းချာဒါ့ နာဇရက်ဝိန်းကု ကအိုဒါ အာယွမ်ကု။
အန်လွူလင်းငွုတ်သျှီ့မင်္ဂလာဆရာယောဟန် နောင် ဖီနျန်း
57ထွို့မဲ့ ဧလိရှဗက်အွယ့် အခိန်းအန်လွူဖု ထွိုင်တွိုလေးခါ့ အာအန်လွူပွာလင်းဖုခုအပလား။ 58အာယွမ်ဆောင့်ယွမ်တီးစာဖုန်းနောင် ပွော်ဝေဖုန်းအွယ့် အိုသိစေးကန်းလိုကာ ဗွယ်ဖရာနေ့ပြဖီ မဟာဂရုဏာတော် အာလောင်တျာမာ အွယ့်ကြားမဲ့ ပျော်စွင်ဟွမ့်ခိုလိုကာဘာနောင် အာအာ။
59အန်လွူပသာပီထွို့ လ့အန်စူးငြီးကုအွယ့် အီမိုးဖီ ပသာပီ ဒွူ့ဖီ့နာ့မင်္ဂလာ#1:59 နောင်မောရှေပညတ်ကျမ်အတွုန် ဒွူ့ဘာ ပခုကလွိုင်ဖီ့နာ့။ တာ ပလူးဖုန်းတွိုလေးလိုကာထွို့ အာကာအွယ့် ချွော်အာဖာ့နျန်းထွို့ ဘာသဖီနျန်းလိုကာ ပသာအွယ့်ပလား ဇာခရိနိန်းအွယ့်။ 60ဒေါင့်မာလဲ့ ကောပျန့်ပသာပီမွိုစာအွယ့် “လီမေဟာ၊ အီဖန့်ဖီဘာအာနျန်း ယောဟန်နိန်းအွယ့်တို” ဒေါင့်နိန်းအွယ့်။
61ပလူးကားကအိုဖုန်းလဲ့ “နားခွိုမျိုကု နျန်းနိန်းဒွိုး လီအိုဟာ” ဒေါင့်လိုကာအာ နိန်းအွယ့်။
62အွယ့်ကြားမဲ့ အာကာအွယ့် နေ့နောင်ကျွော့်နောင်ခင်ထွို့ တစီ့လိုကာ ပသာပီဖာ့ ဇာခရိ ဘသာဖန့်ဖီနျန်းနိန်းမာ။ 63ဇာခရိအွယ့် ကျွူ့စမ်ဖုန်အဘာထွို့ အာဖုခုနျန်းဒွို ပျန့်တိုယောဟန် တျန်လင်းနိန်းအွယ့် အွယ့်ကြားမဲ့ ပလူးကသျှီဘာစာ ကားကအိုအွယ့်လဲ့ ဟွမ့်ဆန်ထန်လိုကာတာ။ 64ထွို့မဲ့ ဇာခရိအွယ့် ဒေါင့်ဒါချာစွူတွို့ငို အလိုင်ချင်ထွို့ တေအန်ဖရာလေ ဗွယ်ဖရာ။ 65ယွမ်တီးစာဖုန်း ကားကအိုအွယ့် ထွိုင်သျှီတပျန့်အွယ့်ဟိုထွို့ စကန်ထန်လိုကာ။ ပလူးကားကအိုအွယ့် ဒေါင့်လိုကာ စတင်းအွယ့်ဘာ ယုဒကန် ခေါင့်လောင်ဒေသကုကအိုဒါ ခမ်လန်ကျွမ်တောင်တောင်ကု။ 66ပလူးကသိဟွမ့်ဒါ စတင်းအွယ့်ဘာစာ ကားကအိုအွယ့်လဲ့ “ပသာပီဒွိုးပလား မေဒူထန်ခါ့ အီပျန့်ပလူးနိန်းမာ” ယူကျွော်လိုကာ သ့ကုနိန်းအွယ့်။ ကွက်တဟနာမေဒေါင့်ဘာအွယ့် ဗွယ်ဖရာတန်ခိုတော်ဒွိုလဲ့ အိုကိုတိုနောင် ပသာပီ အွယ့်ကြားမဲ့ဟနေ။
ဇာခရိ အန်ဖရာဗွယ်ရာ
67ထွို့မဲ့ ဉာဏ်ရောင်တော်တန်ခိုအွယ့် အိုကိုတိုနောင် ကောပျန့်ပသာပီဖာ့ ဇာခရိထွို့ အိုဒေါင့်ဟွမ့် ငိုစတင်း ဗွယ်ဖရာတာရင်းဒီ့
68“အန်ဖရာတို ဗွယ်ဖရာ ကပျန့်ဒါ အစ္စရေးပလူးမျိုကားကအိုဖုန်းဗွယ်။
အာဒွို အာပလူးမျိုကားကအို ဖီကလွှတ်ထန်တာ ကြွာ့လင်လိထွို့ဟနေ။
69ဗွယ်ဖရာဒွို ဖီသညင်လိထွို့ အိုအာစွမ်း ခွမ့်ခမ်းဒါဝိဒ်ကု ကလင်းဒါ တန်းခိုအာဏာကဒူမြတ်ဒါ
ဗွယ်ကယ်ဆယ် က့ကျွမ်ပလားလားတာ။
70ဗွမ့်နောင် ဖရာကမိန့်စေးကန်းဒါ အရိယာဆူတော်ကောင်စွိုင်းမြတ်ဖုန်း ထျက်အကီကီခါ့ကာအတွုန်
71တန်းခိုကဒူဒါ ဗွယ်ကယ်ဆယ်ဒွိုးပါးဒွို
အီကယ်ဆယ်ဖီတိုက့ ရန်ဆူကားကအိုနောင် ပလူးလွှသျှီက့စာဖုန်းကျွော့်ကု။
72ဗွယ်ဖရာဒွို မိန့်လင်း အကြောင် အီနေ့တို မဟာကရုဏာမေတ္တာတော် က့ဖာပလာဖုန်းလောင်ထွို့
အီယူလ့သိနန်တို အာဖီစေးကန်းဒါ တစဖိုတူခရာ။
73ဗွယ်ဖရာဒွို ဗွမ့်နောင် ဖီစေးကန်းဒါ ကပျန့်ဒါက့ဖာ့ပလာ အာဗြဟံငိုသစ္စာအတွုန်
74-75အာအီမိုးလွှတ်ဖီတို ရန်ဆူ ကမိုးအန္တရာယ်ဒါက့စာဖုန်းကျွော့်ကုထွို့ က့ဒွိုလဲ့ ဆက်မေအိုမွမ့်တုဲင်း ကာလအဘာလူးကု ဗွယ်ဖရာမေငါ့ကုဒွို အိုတိုနောင် တစွိုင်းမြတ်နောင် တတွို့မှန်ထွို့
အီမိုးဒါလိုကာတို ဗွယ်ဖရာအမှုတော် နောင်တစကန်တရာကင်ကင်” နိန်းအွယ့်ဟနေ။
76ထွို့မဲ့ ဇာခရိအွယ့်
“ငါးဖုခုပီ၊ အီဟောင့်လိုကာနား အစွိုင်းမြတ်စွက်ဗွယ်ဖရာ အရိယာဆူတော်ကောင် နိန်းအွယ့်ထွို့
အီပျင်ဗွယ်ကလေ့တာ အီလေးကီဘာ ဗွယ်မေငါ့ကု။
77နားဒွို အီဟိုဒေါင့်ဖီဘာ ပလူးအမျာဖုန်း
အကြောင် ဗွယ်ဒွို နောင်ခွင်လွှတ်ဖီ ပလူးဖုန်း အပျက်စရိုက်လီခိုဟဖုန်းထွို့
အီဖီအပ် တကယ်ဆယ်အခွင်တာ အိုလေးလိတိုခရာ။
78-79ဗွယ်ဖရာဒွို မဟာကရုဏာမေတ္တာတော်ဒူယွမ်တွို့ က့လောင် အွယ့်ကြားမဲ့
အီကယ်ဆယ်တို အာပလူးမျိုဖုန်းဟနေ။
ဗွမ့်နောင် မွိုင်အာရုံထန်တ့ဒွို ပက်ယားဖီကေ့ တသျှီ့ အိုဗွယ်ဖရာဆောင့် ကလေးဒါ တကယ်ဆယ်ဗွယ်မေရှိယဒွိုလဲ့ အီကြွ့လင်း
ဖီကကူညီဖီ ပလူးလီသိလီသျှီလိုကာဟ ဖရာစာဖုန်းနောင် ပလူးစကန်လိုကာ တစီ့တရာစာဖုန်းတာ။ အာဒွို အီအွမ့်ခူနေ့ကလေ့ဖီတို က့ကားကအို ကလေ့ငင်ချမ်စာယာကုဟနေ” ဒေါင့်နိန်းအွယ့်။ 80ဒွို့ခါ့ကုဒီ့ ယောဟန်ဒွို အရွယ်လ့ထန်လိထွို့ထွို့ ကွူးသ့ခွိုင်တိန်းထန်။ တွိုတွို့မငြီး အခိန်းမိုးအမှုတော် အစ္စရေးပလူးမျိုဖုန်းမေငါ့ကု အာဒွို အိုကျဲင်လဲဘို့တာ နွိုင့်ကန္တာရကု။
Terpilih Sekarang Ini:
လုကာ 1: KVT
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
Lahta Bible by Beyond Translation is licensed under Creative Commons Attribution-ShareAlike 4.0 License.
လုကာ 1
1
အခန် (၁)
သော်ဖိလုဆောင့်
1ကရိုသေထွိုက်ဒါ သော်ဖိလု၊ က့ခါကု ကပျန့်ထန်စေးဒါ တဟွမ့်ဆန်အန်ဖရာခရာဖုန်းဒွို 2နောင်ပလူးမိုးဒါ ဗွယ်ဖရာတရာငိုတော် အမှုတော် ကပျန့်ဒါ မေးသျှီဆက်စေ ထျက်အထိ့ကုခါ့စာဖုန်း ကဒေါင့်စေးကန်ဒါအတွုန် ပလူးဟေတန်ဖုန်းဒွို တျန်နေ့ထန်စေးဖီလိုကာ က့ဆောင့် ဟနေ။ 3အွယ့်ကြားမဲ့ ငါးဒွို လေ့လာကျက်ချေ ကြိုင်ကြိုင် တာကပျန့်ထန်ဒါ ကားကအိုဖုန်းထွို့မဲ့ မေတျန်ထန်ချာဒါနောင် အကျီအကျင်အွယ့် နားတာ အီခိုတိုမတောဝ် အိုထင်နိန်းအွယ့်ဟနေ။ 4နားက့ ကစွမ့်ဘာဒါအကြောင်ခရာဖုန်းဒွို အကြောင်အိုမှန်တိုခရာ ဖီကသိတာတိုဟနေ။
ဟိုကီစေးကန်း ငွုတ်သျှီ့မင်္ဂလာဆရာယောဟန် အီအန်လွူလင်းခရာ
5ယုဒကန်ကု ခွမ့်ခမ်းဟေရုဒ်#1:5ခွမ့်ခမ်းဟေရုဒ်ဒွို ပျန့်တို ရောမပလူးမျိုဖုန်း ကခန့်အပ်စေးဒါ ခွမ့်ခမ်းအပါးထွို့ ပျန့်တို ခွမ့်ခမ်းကအုပ်ချုပ်ဒါ ယုဒကန်နောင် ဘုန်တန်ခိုဒူ နောင် တသေ့တမွိုက်ဖုန်း ရောကာထွို့ (အိုဘီစီ ၃၇တွို ၄၀ ဘီစီ) ကုစာအပါးတိုဟနေ။ ကအုပ်ချုပ်ဒါခိန်းကု ဂျူးပုရောဟိတ်#1:5ပုရောဟိတ်ဖုန်းဒွို ဖီကမိုး ကစွိုင်းမြတ်ဒါ အလီထုံစံဖုန်းတာ ပျန့်လိုကာတို အခွင်အာဏာကအိုဒါ ဂျူးဖာစာရေအဒူအကဲဖုန်းတိုဟနေ။ အာကာဒွို ပလူးမိုးဘာ အမှုကိစ္စဆိုင်နောင်ဖာစာရေ ဗိမာန်တော်ကု ပလူးအမျာတာရင်းစာဖုန်းလဲ့မေမေ။ နျန်းဇာခရိဒီ့ ပျန့် အဘိယ#1:5အဘိယ ကဒေါင့်ဒါဒွို ပျန့်တို ဖီကမိုး အမှုတော်ဂျေရုဆလင်ဗိမာန်တော်ကုတာ ဖွဲ့စေးကန်း ပုရောဟိတ် ၂၄ကျွိုကု အကျွိုတိုဟနေ။ ကဟောင့်ဒါပုရောဟိတ်ကျွိုကုအပလားဟနေ။ အာမာ့ ဧလိရှဗက်ဒီ့လဲ့ ပျန့်တိုပလူး ကဟောင့်ဒါ အာရုန် အစ္စရေးပလူးမျိုဖုန်းပုရောဟိတ် အကီစွက် ခွိုမျိုနိန်းအွယ့်ကုလင်းစာတိုဟနေ။ 6အာကာအန်တငြီ့လူးဒွို လွိုက်နာဗွယ်ဖရာပညတ်ဖုန်း#1:6 ပညတ်တော် ကဒေါင့်ဒါတွို ပျန့်တို ဗွယ်ဖရာတရာတော်တိုဟနေ။ အမာအိုဟ အွယ့်ကြားမဲ့ ဗွယ်ဖရာမေငါ့ကုဒီ့ ပျန့်လိုကာတို ပလူးတွို့မှန်စာတို#1:6 “ပလူးတွို့မှန်စာ” ကဒေါင့်ဒါဒွို ဒေါင့်တို ပလူးလွိုက်နာထွို့ အိုတွဲ့နောင် ဗွယ်ဖရာပညတ်တော်ဖုန်းနောင် မိန့်ဒေါင့်တာဖုန်းစာတို။။ 7ဧလိရှဗက်ဒွို အိုဒုဲင်အွယ့်ကြား ဖုဖုန်းအိုဟထွို့ အာကာအန်တငြီ့လူးအွယ့်လဲ့ ဆက်အရွယ် ပလာယွမ်ထန်လိုကာတွို့တာ။
8အငြီးကု ပုရောဟိတ်ဇာခရိအွယ့် မိုးပုရောဟိတ်တာဝန် ဗွယ်ဖရာမေငါ့ကု။ ကွက်တဟနာမေဒေါင့်ဘာအွယ့် အာကျွိုဒွို အီမိုးဗွယ်ဖရာအမှု ဗိမာန်တော်#1:8ဗိမာန်တော် ကဒေါင့်ဒါဒွို ပျန့်တို ဂျူးပလူးမျိုဖုန်း ဆုတောင်ဝယ်လိုကာတာ ဘုရာကျောင်း အိုဘို့ ဂျေရုဆလင်ဝိန်းကု အဘာဟို့။ကုတာ ခလှည့်တွိုလေး အွယ့်ကြားမဲ့ဟနေ။ 9နောင်ပုရောဟိတ်ဖုန်း အလီထုံစံအတွုန် ဖီကလိပူဇော်နံစာဖုန်း ဗိမာန်တော်ကုတာ ဘုမဲထွို့ ထွိုင်လွိုက်ရွေလိုကာခါ့ ဇာခရိအွယ့် ခံဘာလွိုက်ရွေဟနေ။ 10အွယ့်ကြားမဲ့ ဇာခရိအွယ့် အိုလိထွို့ပူဇော်နံစာခိန်းတွင် ပလူးဖုန်းအွယ့် အိုထွိုင်ထွို့ ဆုတောင်လိုကာတာ ဗိမာန်တော်ကွင်ကု။
11ထွို့မဲ့ ဗွယ်ဖရာကအန်ကြွ့လင်းဒါ လွှော်ဒေဝါ#1:11လွှော်ဒေဝါ ကဒေါင့်ဒါဒွို ပျန့်တို အိုဗွယ်ဖရာဆောင့် ကလေးဒါ လွှော်ခိုလွှော်မြတ် အပါးအွယ့် အိုထွိုင်တာထွို့ ပြနေ့ထန် ဇာခရိနန် ပလ္လင်ကလိပူဇော်စို့ဒါ နံစာဖုန်းအွယ့်ဘာ ပန်ချို့ဒိုင့်ကု။ 12ဇာခရိအွယ့် ထွိုင်သျှီလွှော်ဒေဝါခါ့ အာအွယ့် စကန်ထန်ယွမ်တွို့ထွို့ စွိုနေ့တွို့တာ။ 13ဒေါင့်မာလဲ့ လွှော်ဒေဝါအွယ့် “ကျန်းစကန်မာ၊ ဇာခရိ။ ကွက်တဟနာမေဒေါင့်ဘာအွယ့် ဗွယ်ဖရာဒွို ဟွမ့်သိလိထွို့ နားတဆုတောင်တာ။ နားမာ့ ဧလိရှဗက်ဒွို အီအန်လွူလင်ဖီ နားတာ ဖုခုအပလား။ အီဖီဘာ အာနျန်း ယောဟန်နိန်းအွယ့်။ 14ကွက်အာအန်လွူလင်း အွယ်ကြားမဲ့ ဗွမ့်နောင်နားက့ ဟွမ့်ပျော်စွင်ဟွမ့်ခိုဘာယွမ့်တွို့တာ ပလူးလငါ့ဖုန်းဒွိုလဲ့ အီပျော်စွင်လိုကာဘာ။ 15ကွက်တဟနာမေဒေါင့်ဘာအွယ့် ယောဟန်ဒီ့ ဗွယ်ဖရာမေငါ့ကု အီပျန့် ပလူးကြီးကျယ်စွိုင်းမြတ်စာ။ ကွက်တဟနာ မေဒေါင့်ဘာဒွို အာဒွို ကမားခါ့ခယောဝ်း အီအို့ စပျစ်သျှီ့ဖုန်း သိဖုန်း လီမေဟာ။ ထျက့်ခရား အာခအန်လွူကောင်းခါ့ကာ ဉာဏ်ရောင်တော်ဒွို အီအိုကိုတိုနောင်အာ။ 16ယောဟန်ဒီ့ အီမိုးဖီ အစ္စရေးပလူးမျိုဖုန်း အိုအပျက်စရိုက်လီခိုဟကု လ့လိုကာနောင်တထွို့ အီမိုးဖီ ပြန်လှည့်ကျိန်းချာဒါ့ ကပျန့်ဒါ အာကာဗွယ် ဗွယ်ဖရာဆောင့်။ 17ယောဟန်ဒွို အီအိုနောင်ဉာဏ်ရောင်တော်တန်ခို ဗွမ့်နောင် အရိယာဆူတော်ကောင်ဧလိယ#1:17 အရိယာဆူတော်ကောင် ကဒေါင့်ဒါဒွို ပျန့်တိုကောဒေါင့်ချင်းဖီချာဒါ့ ဖရာငိုစာ။ ထွို့ အီပျန့် ပလူးလေးကီဗွယ်ကလေ့မေငါ့စာ။ အာဒွို အီမိုးတေ့ဖီချာဒါ့ မွိုဖာ့နောင် ဖုဖုန်းသ့သာဖုန်းထွို့ ပလူး လီနာခံဟတာစာဖုန်းဒွိုလဲ့ အာအီနေ့ကလေ့ဖီတို ဗွယ်ဖရာကဖီဒါ ပလူးကတွို့မှန်စာဖုန်း တသိဉာဏ်ပညာကလေ့ကုဟနေ။ အွယ့်ကြားမဲ့ ပလူးဖုန်းလဲ့ ဗွယ်မေကြွာ့လင်းခါ့ အီအိုရျန်းစေးကန်းကာအထွို့” ဒေါင့်နိန်းအွယ့်။
18ထွို့မဲ့ ဇာခရိအွယ့်လဲ့ “အီပျန့်ထန်နိန်းဒွိုးဒွို ငါးအီသိဒါနိန်းမာ။ ငါးနောင် ငါးမာ့ဒွို အီလ့ဖုတာ အိုပလာလွမ်ကာလိထွို့” တစီ့ချာဒါ့ လွှော်ဒေဝါနိန်းအွယ့်။
19အွယ့်ခါ့ လွှော်ဒေဝါအွယ့် “ငါးဒွို ပျန့်တိုဂါဗြေလ အိုမိုးဘာတမိုး ဗွယ်ဖရာမေငါ့ကုတို။ ဖီကလင်ဒေါင့်နေ့ မင်္ဂလာစတင်းခို ဒွိုးဘာနားဆောင့်တာ ဗွယ်ဖရာဒွို အန်ကြွ့လင်းငါးတိုဟနေ။ 20ဒေါင့်မာလဲ့ အခိန်းမေတွိုခါ့ အီပျန့်ထန်ဒါ ငါးငိုဒွို နားလီယွမ်အန်ဟ အွယ့်ကြားမဲ့ တွိုတွို့ နားဖုအန်လွူလင်ခိန်း နားဒွို ဒေါင့်ဒါဟငိုထွို့ အီအိုအ့” ဒေါင့်ဇာခရိနိန်းအွယ့်။
21ဇာခရိနောင်လွှော်ဒေဝါကာ အိုဒေါင့်စွူ့လိုကာတာ ဗိမာန်တော်ကုတွင် လူထုပရိသတ်ကအိုဒါ ဗိမာန်တော်ကွင်ကုစာဖုန်းအွယ့် အိုပွိုင်းလိုကာဇာခရိ။ အာကာအွယ့် အိုဟွမ့်ဆန်လိုကာ ဇာခရိကွက်တဟနာ ကကြာငြီးတာ ဗိမာန်တော်ကုန်ကုကု။ 22ဇာခရိထွိုင်ထန်ချာဒါ့ ခူနောင့်ခိန်းခါ့ လီဒေါင့်ဒါဟဒွမ်းငိုအွယ့်ကြားမဲ့ အိုဗိမာန်တော်ကုန်ကုကုတွင် ဗွယ်ဖရာဒွို ပြနေ့လိထွို့ ဇာခရိ တကျွိုကျွို လူထုပရိသတ်ဖုန်းအွယ့် သိနားထန်လိုကာနိန်းအွယ့်။ ကွက်တဟနာမေဒေါင့်ဘာအွယ့် အာဒွို အိုမိုးနေ့ဆွက်ဒါ့ဘို့ ပလူးဖုန်း နောင်ကျွော်နောင်ခင်ဟို့ထွို့ အိုအိုအ့ဆွက်ဒါ့တုဲင်းတာ အွယ့်ကြားမဲ့ဟနေ။
23ထွို့မဲ့ ဇာခရိအွယ့် ထွိုင်မိုးထွို့ ပုရောဟိတ်ဖုန်း ကမိုးဘာဒါ အမှုကိစ္စဖုန်းကားကအို ဗိမာန်တော်ကုထွို့ အိုဂျေရုဆလင်ဝိန်းကု စကျိန်းကျိန်းကေ့။ 24အခိန်းထွိုင်ငီးထန်ခါ့ ဇာခရိမာ့ ဧလိရှဗက်အွယ့် အိုဒွိုင့်ထန်တာထွို့ အာအွယ့် ကြာတွို့ အန်ငေလအာ့ စလေးဟတာ ပလူးအမျာခါကု။ 25အာအွယ့် “ဗွယ်ဖရာဒွို ဖီလိငါး အခွင်အိုဒွိုင့်တာ၊ ကွက်ဗွယ်ဖရာ တသညင်မဲ့ မိုးတမာဖီလိထွို့ ပလူးအမျာဖုန်း အန်းစွမ်ထင်ပီငါး” ဒေါင့်နိန်းအွယ့်။
ဟိုကီစေးကန်း ကိုယ်တော်ယေရှု အီအန်လွူလင်းခရာ
26ဧလိရှဗက် အိုဒွိုင့်တာ ထွိုင်လ့အန်စွော့်လခါ့ ဗွယ်ဖရာအွယ့် အန်ကြွ့လင်း လွှော်ဒေဝါဂါဗြေလ ဂါလိလဲကန် နာဇရက်ဝိန်းကု။ 27ဗွယ်ဖရာဒွို အန်ချန့်အာလေးဒေါင့် ငိုစတင်း တမွော်ပလင့် ကဟောင့်ဒါ မာရိအွယ့်ပလားဆောင့်။ မာရိဒွို ပျန့်တိုပမွော် ဒေါင့်ပလောင်းစေးကန်းထွို့ နောင်ယောသပ် ကအိုဒါ ခွမ့်ခမ်းဒါဝိဒ်ခွိုမျိုကုလင်းစာတို ဟနေ။ 28လွှော်ဒေဝါအွယ့် ထွိုင်ကျွို့ထွို့ “ဗွယ်ဖရာဒွို အိုကိုတိုနောင်နားထွို့ နေ့လွို့လိထွို့ အာမဟာကရုဏာမေတ္တာ နားလောင်” ဒေါင့်မာရိနိန်းအွယ့်။
29ဒေါင့်မာလဲ့ မာရိအွယ့် ထွိုင်ဟွမ့်လွှော်ဒေဝါငိုခါ့ အာသ့ရှုပ်ထန်ယွမ်တွို့တာထွို့ အိုကျင်ကျာတာ လွှော်ဒေဝါငိုဖုန်းဒွို အကြောင် ဘသာဒေါင့်တဟနာခရာ။ 30ထွို့မဲ့ လွှော်ဒေဝါအွယ့် “မာရိ၊ ကျန်စကန်မာ။ ဗွယ်ဖရာဒွို ဖီလွို့လိထွို့နားမေငါ့။ 31နားနုဲင့် အီအိုဒွိုင့်ထန်တာထွို့ အီအန်လွူလင်ဖုခုအပါး။ အီဖန့်ဖီဘာအာနျန်း ယေရှုနိန်းအွယ့်။ 32အာအွယ့် အီပျန့်ထန် ပလူးဒူမြတ်အပလားထွို့ အမြတ်စွက် ဗွယ်ဖရာဖုခု အီခံဘာဟောင့် နိန်းအွယ့်။ ဗွယ်ဖရာဒွို အီဖီအပ်အာ အခွင်အုပ်စိုဒါ အာပလူးမျိုဖုန်း ဗွမ့်နောင် အာဖာ့ပလာ ခွမ့်ခမ်းဒါဝိဒ်။ 33အာအွယ့် အီအုပ်စိုငါ့ထာဝရ ယာကုပ်မျိုဆွက် ကပျန့်ဒါ အစ္စရေးပလူးမျိုဖုန်း နောင်ခွမ့်ခမ်းထွို့ အာတအုပ်ချုပ်ဒွိုလဲ့ ကမားခါ့ခယောဝ်း အီအန်စောဝ်းကေ့ လီမေဟာ” ဒေါင့်နိန်းအွယ့်။ 34အွယ့်ခါ့ မာရိအွယ့် “ငါးဒွို မေအိုပျန့်တို တမွော်ပလင့်အပလား တာနိန်းအွယ့်အီပျန့်ဒါနိန်းမာ” တစီ့ချာဒါ့ လွှော်ဒေဝါနိန်းအွယ့်။ 35လွှော်ဒေဝါအွယ့်လဲ့ “ဉာဏ်ရောင်တော်ဒွို#1:35 ဟွိုင့် (၁:၀) အီလင်းလင်နားလောင်ထွို့ ဗွယ်ဖရာတန်ခိုဒွိုလဲ့ အီအိုကိုတိုနောင်နား။ အွယ့်ကြားမဲ့ နားဖုခုဒွိုလဲ့ အီခံဘာဟောင့် အမြတ်စွက် ဗွယ်ဖရာဖုခု နိန်းအွယ့်။ 36ကပျန့်ဒါနားပွော်ဝေ ဧလိရှဗက်ဒီ့ အိုပလာလိထွို့အွယ့်ကြားမဲ့ ပလူးအမျာဖုန်း ထင်လိုကာ လီလ့ဒါဟဒွမ်းဖုလဲ့ ဒွိုးခါ့ အာအိုဒွိုင့်တာ လ့လိထွို့အန်စွေ့ာ်လဟနေ။ 37ကွက်တဟနာမေဒေါင့်ဘာအွယ့် ဗွယ်ဖရာဒွို မိုးဒါလူးတို တာကားကအို” ဒေါင့်နိန်းအွယ့်။ 38အွယ့်ခါ့ မာရိအွယ့် “ငါးဒွို ပျန့်တို ဗွယ်ဖရာစွမ်းစေ အပလား။ ငါးလောင် ဖီကပျန့်ဘာမှန်မှန် နောင်နားဒေါင့်အတွုန်” ဒေါင့်နိန်းအွယ့်။ ထွို့မဲ့ လွှော်ဒေဝါအွယ့်လဲ့ အိုမာရိဆောင့် စစွာ့ထန်ကေ့။
မာရိလေလေး ဧလိရှဗက်ဆောင့်
39ငီးဟ မာရိအွယ့် ရျန်းထွို့တာထွို့ နျက်လေးလေ ဇာခရိကအိုစို့ဒါ ယုဒကန်ကုကအိုဒါ ဝိန်းခေါင့်လောင် အဝိန်းကု။ 40ထွိုင်တွိုခမ်လန်အွယ့်ကုပါခါ့ မာရိအွယ့် နွူးကျိန်း ဇာခရိယွမ်ကုထွို့ ကျိန်ကျွို့ ဧလိရှဗက် ကပျန့်ဒါဇာခရိမာ့။ 41ဆျက်ဧလိရှဗက်ဟွမ့်ထွို့ မာရိငိုကျွို့ထွို့ အလိုင်ချင် ပသာကအိုဒါ အာဖွော့်ကုအွယ့် စွိုထန်ထွို့မဲ့ ဉာဏ်ရောင်တော်အွယ့် အို ဧလိရှဗက်လောင်။ 42ဧလိရှဗက်အွယ့် “ဗွယ်ဖရာဒွို အီမိုးဖီနား ပျော်ဘာလွို့ထိုင် ပမွော်လငါ့ကားကအိုထွို့ ပသာပီနားကအီအန်လွူလင်းဒွိုလဲ့ အီပျော်ဘာတိုတာဟနေ။ 43ဗွယ်မွို အိုတွိုလေးဒါငါးဆောင့် အခွင်စာဒွို ကွက်တဟနာ ငါးအီခံစာဘာ။ 44ထွိုင်ဟွမ့် နားငိုကျွို့ထွို့ ပသာပီအို ငါးဖွော့်ကုဒွို ပျော်စွင်တာထွို့ စွိုထန်တာ။ 45ဗွယ်ဖရာငိုစတင်းဒွို အီပျန့်ထန်ယွမ်တို နားအိုယွမ်အန်နိန်းအွယ့် အွယ့်ကြားမဲ့ နားဒွို ကံခိုယွမ်တွို့” ဒေါင့်က့မာရိ နောင်ငိုစင်နိန်းအွယ့်။
မာရိအန်ဖရာ ဗွယ်ဖရာ
46ထွို့မဲ့ မာရိအွယ့်လဲ့
“အန်ဖရာတို ဗွယ်ဖရာနောင် ငါ့သ့သာ။
47ငါးသ့ဒွို အာရပျော်စွင့်ဘာတို ဗွယ်ကကယ်ဆယ်ဒါငါး ဗွယ်ဖရာဆောင့်ကု။
48ငါးဒွို ပျန့်ဘို့ ကိုယ်တော်စွမ်းမွော် အရန်းဖွိုဟို့လဲ့
အာဒွို အိုပိန်းဟငါး။ တေဒွိုးမမေငါ့ ပလူးဖုန်းကားကအို မျိုးဆွက်ကျွမ်ဆက်ဆက်ကုဒွို အီဒေါင့်ကာငါး ပလူးကံခိုနိန်းအွယ့်။
49ကွတ်တဟနာမေဒေါင့်ဘာအွယ့် တန်ခိုတော်ကဒူမြတ်ဒါ ဗွယ်ဖရာဒွို
မိုးဖီလိထွို့ တခိုမြတ်ဖုန်းငါးလောင်။
အာနျန်းဒွိုလဲ့ စွိုင်းမြတ်တိုဟနေ#1:49 လီမိုးဖိုဟအပျက်စာ၊ အပျက်လီအိုဟစာ။။
50ခေတ်အဆက်ဆက်ကု ဗွယ်ဖရာဒွို နေ့တင်ရှာတစေစေတို ပလူးကစကန် ကရိုသေဒါ အာစာဖုန်း
မဟာကရုဏာမေတ္တာတော်။
51ဗွယ်ဖရာဒွို ချာ့ဖွိုကေ့ ပလူးမာန်မာနထွိုင်စာကားကအိုဖုန်း နောင်အာတန်ခိုတော်။
52ဗွယ်ဖရာဒွို ထွို့လင်းကေ့ ခွမ့်ခမ်းအုပ်စိုဒါနောင် အခွင်အာဏာစာဖုန်း အာကာပလ္လင်လောင်ထွို့ ပင်စွိုင်းဖီ ပလူးချာ့ဖွိုတိုးနန်တိုးစာဖုန်းကားကအို။
53ဗွယ်ဖရာဒွို ထျန့်ဝေ့ဖီကေ့ ပလူးအိုဝီတာစာဖုန်းနောင် အာကာကအိုလူဒါတာဖုန်းထွို့
သဌေချမ်စာစာဖုန်းအွယ့် အန်ကြွ့ကေ့နောင် ကျွော့်အဒုဲင့်။
54-55ဗွယ်ဖရာဒွို ခံစေးကန်းငိုသစ္စာ
အီအန်ဒင်တစေစေတို မဟာဂရုဏာမေတ္တာတော် ကပျန့်ဒါက့ဖာ့ပလာ အာဗြဟံနောင် အာခွိုမျိုဆွက်ဖုန်းလောင်။
ဒွိုးခါ့ ဗွယ်ဖရာဒွို သိနန်ယူလ့ထန်လိထွို့ ငိုခံသစ္စာဟနေ။
အွယ့်ကြားမဲ့ ဗွယ်ဖရာဒွို ကူညီမစဖီလိထွို့ က့နောင် ကမိုးဖီဒါ အာအမှုတော်စာ အစ္စရေးပလူးမျို ကားကအိုဖုန်း”
ပူဇော်အန်ဖရာလေ ဗွယ်ဖရာဂုဏ်တော်နိန်းအွယ့်။ 56ထွို့မဲ့ မာရိအွယ့် အိုကိုနောင်ဧလိရှဗက် အန်တွမ့်လအာ့ထွို့မဲ့ အာကျိန်းချာဒါ့ နာဇရက်ဝိန်းကု ကအိုဒါ အာယွမ်ကု။
အန်လွူလင်းငွုတ်သျှီ့မင်္ဂလာဆရာယောဟန် နောင် ဖီနျန်း
57ထွို့မဲ့ ဧလိရှဗက်အွယ့် အခိန်းအန်လွူဖု ထွိုင်တွိုလေးခါ့ အာအန်လွူပွာလင်းဖုခုအပလား။ 58အာယွမ်ဆောင့်ယွမ်တီးစာဖုန်းနောင် ပွော်ဝေဖုန်းအွယ့် အိုသိစေးကန်းလိုကာ ဗွယ်ဖရာနေ့ပြဖီ မဟာဂရုဏာတော် အာလောင်တျာမာ အွယ့်ကြားမဲ့ ပျော်စွင်ဟွမ့်ခိုလိုကာဘာနောင် အာအာ။
59အန်လွူပသာပီထွို့ လ့အန်စူးငြီးကုအွယ့် အီမိုးဖီ ပသာပီ ဒွူ့ဖီ့နာ့မင်္ဂလာ#1:59 နောင်မောရှေပညတ်ကျမ်အတွုန် ဒွူ့ဘာ ပခုကလွိုင်ဖီ့နာ့။ တာ ပလူးဖုန်းတွိုလေးလိုကာထွို့ အာကာအွယ့် ချွော်အာဖာ့နျန်းထွို့ ဘာသဖီနျန်းလိုကာ ပသာအွယ့်ပလား ဇာခရိနိန်းအွယ့်။ 60ဒေါင့်မာလဲ့ ကောပျန့်ပသာပီမွိုစာအွယ့် “လီမေဟာ၊ အီဖန့်ဖီဘာအာနျန်း ယောဟန်နိန်းအွယ့်တို” ဒေါင့်နိန်းအွယ့်။
61ပလူးကားကအိုဖုန်းလဲ့ “နားခွိုမျိုကု နျန်းနိန်းဒွိုး လီအိုဟာ” ဒေါင့်လိုကာအာ နိန်းအွယ့်။
62အွယ့်ကြားမဲ့ အာကာအွယ့် နေ့နောင်ကျွော့်နောင်ခင်ထွို့ တစီ့လိုကာ ပသာပီဖာ့ ဇာခရိ ဘသာဖန့်ဖီနျန်းနိန်းမာ။ 63ဇာခရိအွယ့် ကျွူ့စမ်ဖုန်အဘာထွို့ အာဖုခုနျန်းဒွို ပျန့်တိုယောဟန် တျန်လင်းနိန်းအွယ့် အွယ့်ကြားမဲ့ ပလူးကသျှီဘာစာ ကားကအိုအွယ့်လဲ့ ဟွမ့်ဆန်ထန်လိုကာတာ။ 64ထွို့မဲ့ ဇာခရိအွယ့် ဒေါင့်ဒါချာစွူတွို့ငို အလိုင်ချင်ထွို့ တေအန်ဖရာလေ ဗွယ်ဖရာ။ 65ယွမ်တီးစာဖုန်း ကားကအိုအွယ့် ထွိုင်သျှီတပျန့်အွယ့်ဟိုထွို့ စကန်ထန်လိုကာ။ ပလူးကားကအိုအွယ့် ဒေါင့်လိုကာ စတင်းအွယ့်ဘာ ယုဒကန် ခေါင့်လောင်ဒေသကုကအိုဒါ ခမ်လန်ကျွမ်တောင်တောင်ကု။ 66ပလူးကသိဟွမ့်ဒါ စတင်းအွယ့်ဘာစာ ကားကအိုအွယ့်လဲ့ “ပသာပီဒွိုးပလား မေဒူထန်ခါ့ အီပျန့်ပလူးနိန်းမာ” ယူကျွော်လိုကာ သ့ကုနိန်းအွယ့်။ ကွက်တဟနာမေဒေါင့်ဘာအွယ့် ဗွယ်ဖရာတန်ခိုတော်ဒွိုလဲ့ အိုကိုတိုနောင် ပသာပီ အွယ့်ကြားမဲ့ဟနေ။
ဇာခရိ အန်ဖရာဗွယ်ရာ
67ထွို့မဲ့ ဉာဏ်ရောင်တော်တန်ခိုအွယ့် အိုကိုတိုနောင် ကောပျန့်ပသာပီဖာ့ ဇာခရိထွို့ အိုဒေါင့်ဟွမ့် ငိုစတင်း ဗွယ်ဖရာတာရင်းဒီ့
68“အန်ဖရာတို ဗွယ်ဖရာ ကပျန့်ဒါ အစ္စရေးပလူးမျိုကားကအိုဖုန်းဗွယ်။
အာဒွို အာပလူးမျိုကားကအို ဖီကလွှတ်ထန်တာ ကြွာ့လင်လိထွို့ဟနေ။
69ဗွယ်ဖရာဒွို ဖီသညင်လိထွို့ အိုအာစွမ်း ခွမ့်ခမ်းဒါဝိဒ်ကု ကလင်းဒါ တန်းခိုအာဏာကဒူမြတ်ဒါ
ဗွယ်ကယ်ဆယ် က့ကျွမ်ပလားလားတာ။
70ဗွမ့်နောင် ဖရာကမိန့်စေးကန်းဒါ အရိယာဆူတော်ကောင်စွိုင်းမြတ်ဖုန်း ထျက်အကီကီခါ့ကာအတွုန်
71တန်းခိုကဒူဒါ ဗွယ်ကယ်ဆယ်ဒွိုးပါးဒွို
အီကယ်ဆယ်ဖီတိုက့ ရန်ဆူကားကအိုနောင် ပလူးလွှသျှီက့စာဖုန်းကျွော့်ကု။
72ဗွယ်ဖရာဒွို မိန့်လင်း အကြောင် အီနေ့တို မဟာကရုဏာမေတ္တာတော် က့ဖာပလာဖုန်းလောင်ထွို့
အီယူလ့သိနန်တို အာဖီစေးကန်းဒါ တစဖိုတူခရာ။
73ဗွယ်ဖရာဒွို ဗွမ့်နောင် ဖီစေးကန်းဒါ ကပျန့်ဒါက့ဖာ့ပလာ အာဗြဟံငိုသစ္စာအတွုန်
74-75အာအီမိုးလွှတ်ဖီတို ရန်ဆူ ကမိုးအန္တရာယ်ဒါက့စာဖုန်းကျွော့်ကုထွို့ က့ဒွိုလဲ့ ဆက်မေအိုမွမ့်တုဲင်း ကာလအဘာလူးကု ဗွယ်ဖရာမေငါ့ကုဒွို အိုတိုနောင် တစွိုင်းမြတ်နောင် တတွို့မှန်ထွို့
အီမိုးဒါလိုကာတို ဗွယ်ဖရာအမှုတော် နောင်တစကန်တရာကင်ကင်” နိန်းအွယ့်ဟနေ။
76ထွို့မဲ့ ဇာခရိအွယ့်
“ငါးဖုခုပီ၊ အီဟောင့်လိုကာနား အစွိုင်းမြတ်စွက်ဗွယ်ဖရာ အရိယာဆူတော်ကောင် နိန်းအွယ့်ထွို့
အီပျင်ဗွယ်ကလေ့တာ အီလေးကီဘာ ဗွယ်မေငါ့ကု။
77နားဒွို အီဟိုဒေါင့်ဖီဘာ ပလူးအမျာဖုန်း
အကြောင် ဗွယ်ဒွို နောင်ခွင်လွှတ်ဖီ ပလူးဖုန်း အပျက်စရိုက်လီခိုဟဖုန်းထွို့
အီဖီအပ် တကယ်ဆယ်အခွင်တာ အိုလေးလိတိုခရာ။
78-79ဗွယ်ဖရာဒွို မဟာကရုဏာမေတ္တာတော်ဒူယွမ်တွို့ က့လောင် အွယ့်ကြားမဲ့
အီကယ်ဆယ်တို အာပလူးမျိုဖုန်းဟနေ။
ဗွမ့်နောင် မွိုင်အာရုံထန်တ့ဒွို ပက်ယားဖီကေ့ တသျှီ့ အိုဗွယ်ဖရာဆောင့် ကလေးဒါ တကယ်ဆယ်ဗွယ်မေရှိယဒွိုလဲ့ အီကြွ့လင်း
ဖီကကူညီဖီ ပလူးလီသိလီသျှီလိုကာဟ ဖရာစာဖုန်းနောင် ပလူးစကန်လိုကာ တစီ့တရာစာဖုန်းတာ။ အာဒွို အီအွမ့်ခူနေ့ကလေ့ဖီတို က့ကားကအို ကလေ့ငင်ချမ်စာယာကုဟနေ” ဒေါင့်နိန်းအွယ့်။ 80ဒွို့ခါ့ကုဒီ့ ယောဟန်ဒွို အရွယ်လ့ထန်လိထွို့ထွို့ ကွူးသ့ခွိုင်တိန်းထန်။ တွိုတွို့မငြီး အခိန်းမိုးအမှုတော် အစ္စရေးပလူးမျိုဖုန်းမေငါ့ကု အာဒွို အိုကျဲင်လဲဘို့တာ နွိုင့်ကန္တာရကု။
Terpilih Sekarang Ini:
:
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
Lahta Bible by Beyond Translation is licensed under Creative Commons Attribution-ShareAlike 4.0 License.