The Konkomba Old Testament

<div class="version vid1150 iso6393xon" data-vid="1150" data-iso6393="xon">
 <div class="book bkGEN">
 <div class="chapter ch3" data-usfm="GEN.3">
 <div class="label">3</div><div class="s1">Unib&#596;n aah yii Uwumb&#596;r aam&#596;b ki tun titunwanbir pu na</div><div class="p"> 1Uwumb&#596;r aah nan naan ipeel im&#596;k na, uwaa le nan kpa nlan ki jer i m&#596;m&#596;k. Le u baa upii ngbaan ke, &#8220;Uwumb&#596;r sil bui ke ni taa ji kisaak ngbaan ni aasub bubaa aasubil aa?&#8221;</div><div class="p"> 2Le upii ngbaan bui u, &#8220;Ti ga &#331;maa ji &#331;isubil ngbaan m&#596;k, 3see busub bu si kaasisik ni na, le Uwumb&#596;r bui ke ti taa ji bu aasubil, hali ti yaa meeh &#331;i kan, ti ga kpo.&#8221;</div><div class="p"> 4Le uwaa bui ke, &#8220;Naa ye mbam&#596;n, naan kpo. 5Uwumb&#596;r nyi ke ni yaa jin &#331;i kan, ninimbil le ga woln, le ni ga bee ni &#331;an na, ni ni kaa &#331;an na, ki ga li bi ke waah bi pu na.&#8221;#3.5: &#8220;ni &#331;an na, ni ni kaa &#331;an na&#8221; bee &#8220;tiwan m&#596;m&#596;k&#8221;.</div><div class="p"> 6Le upii lik &#331;isubil ngbaan, ki kan &#331;aah &#331;an pu na, ki dakl ke unimbil yaa woln kan, ni ga li &#331;an sakpen, le ki neen &#331;i, le ki ker &#331;i ki moo, le ki di &#331;iken tii uchal mu, le u mu moo. 7Baah moo &#331;i doo na, le binimbil daa woln, le bi bee ke bi chuun bi&#331;meen la, nima pu na, le bi bar tifar ki di do&#331; binimbiin ni.</div><div class="p"> 8Kijook ngbaan le bi &#331;un Tidindaan Uwumb&#596;r chuun kisaak ni, le bi san ti b&#596;r isui aakaasisik ni. 9Le Tidindaan Uwumb&#596;r yin uja ngbaan ke, &#8220;Aa bi la?&#8221;</div><div class="p"> 10Le uja bui u ke, &#8220;M &#331;un saah chuun kisaak ni pu na; le maah chuun &#331;&#331;meen na, ijawaan chuu mi, le m b&#596;r.&#8221;</div><div class="p"> 11Le Uwumb&#596;r baa u ke, &#8220;&#330;ma tuk si ke aa chuun aa&#331;meen? Maah bui si ke aa taa ji &#331;isubil &#331;i na, le aa jin aa?&#8221;</div><div class="p"> 12Le uja bui u ke, &#8220;Saah di upii u tii mi ke u li bi m chee na, uma le tii mi &#331;isubil ngbaan, le m moo.&#8221;</div><div class="p"> 13Le Uwumb&#596;r baa upii ngbaan ke, &#8220;Ba &#331;a aa &#331;a kina?&#8221; Le upii bui u ke, &#8220;Uwaa le &#331;mann mi, le m moo.&#8221;</div><div class="s1">Uwumb&#596;r aah daa uwaa, ni upii, ni uja aatafal pu na</div><div class="p"> 14Le Uwumb&#596;r bui uwaa, &#8220;Saah &#331;a kina na, ipeel m&#596;m&#596;k ni, m puun lii sin baanja le pu. Din ki joo cha, aa ga li baar titan ni, ki li ji titan, saam&#596;fal m&#596;m&#596;k ni. 15Aa ni upii ngbaan ga li ye t&#596;b aadim la. Saabim ni waabim mu ga li ye t&#596;b aadim la. Uyaabil ga faa wii aayil, le aa mu ga gaa utaagbeln.&#8221;</div><div class="p"> 16Le Uwumb&#596;r bui upii ke, &#8220;Aa ga kan falaa pam timal ponn ni. Ni ki kpee na, aa ga li ban ke aachal li gee si, le u ga li ye saayidaan.&#8221;</div><div class="p"> 17Le Uwumb&#596;r bui uja ngbaan ke, &#8220;Saah &#331;un tii aapuu ki yii maam&#596;b ki jin &#331;isubil ngbaan na, m puun lii kiti&#331; pu. Aa ga tun ki kan falaa le ki nin kan tijikaar ji. 18Kiti&#331; ga pa ikokon ni ichakpeejagar; le aa ga li ji timoor ni aasufar. 19Aa ga ko le kitoto&#331; naa si waahr, le aa nin kan tijikaar ki ji, ki ti saa saakundaal. Le aa ga ki gir koo titan ni; ba pu? aa nyan titan ni la. M nan di titan le naan si, le aa ga ki kpaln titan.&#8221;</div><div class="p"> 20Adam nan yin upii ke Iif; ba pu? uma le ye binib m&#596;m&#596;k aana.#3.20: Adam aatataa le ye ke &#8220;unib&#596;n.&#8221; Iif aatataa le ye ke &#8220;lim&#596;fal.&#8221; 21Le Uwumb&#596;r di tiwakor aagban ki di jab, ki &#331;a tiwanpeenkaan ki di peen bi.</div><div class="s1">Uwumb&#596;r aah nan jenn nyan Adam ni upuu kisaak ngbaan ni pu na</div><div class="p"> 22Tidindaan Uwumb&#596;r nan bui ke, &#8220;Dandana, uja ngbaan &#331;a ke timi aah bi pu na, ki bee ni &#331;an na, ni ni kaa &#331;an na. Taan ki cha u ji lim&#596;fal aasub aasubil mu, aan ki li bi cha n&#8209;yoonn mu kaa kpa ndoon na.&#8221; 23Le Uwumb&#596;r jenn nyan u Edenn aasaak ngbaan ni, le ki cha u ko waah nyan ni titan ti ponn ni na, 24le ki di tiwanfuurkaan ni kpa ifeen na, ki di siin kisaak ngbaan aawipuul w&#596;b, le ki di mmiigaal mu naahn kijuk ki fenni &#331;ipepel m&#596;m&#596;k na, ki kiir kisaak ngbaan. Nima kan, unii ubaa aan ki pii lim&#596;fal aasub chee.</div>
 </div>
 </div>
</div>

Uwumbɔr aah nan naan ipeel imɔk na, uwaa le nan kpa nlan ki jer i mɔmɔk. Le u baa upii ngbaan ke, “Uwumbɔr sil bui ke ni taa ji kisaak ngbaan ni aasub bubaa aasubil aa?”
Le upii ngbaan bui u, “Ti ga ŋmaa ji ŋisubil ngbaan mɔk, see busub bu si kaasisik ni na, le Uwumbɔr bui ke ti taa ji bu aasubil, hali ti yaa meeh ŋi kan, ti ga kpo.”
Le uwaa bui ke, “Naa ye mbamɔn, naan kpo. Uwumbɔr nyi ke ni yaa jin ŋi kan, ninimbil le ga woln, le ni ga bee ni ŋan na, ni ni kaa ŋan na, ki ga li bi ke waah bi pu na.”
Le upii lik ŋisubil ngbaan, ki kan ŋaah ŋan pu na, ki dakl ke unimbil yaa woln kan, ni ga li ŋan sakpen, le ki neen ŋi, le ki ker ŋi ki moo, le ki di ŋiken tii uchal mu, le u mu moo. Baah moo ŋi doo na, le binimbil daa woln, le bi bee ke bi chuun biŋmeen la, nima pu na, le bi bar tifar ki di doŋ binimbiin ni.
Kijook ngbaan le bi ŋun Tidindaan Uwumbɔr chuun kisaak ni, le bi san ti bɔr isui aakaasisik ni. Le Tidindaan Uwumbɔr yin uja ngbaan ke, “Aa bi la?”
Le uja bui u ke, “M ŋun saah chuun kisaak ni pu na; le maah chuun ŋŋmeen na, ijawaan chuu mi, le m bɔr.”
Le Uwumbɔr baa u ke, “Ŋma tuk si ke aa chuun aaŋmeen? Maah bui si ke aa taa ji ŋisubil ŋi na, le aa jin aa?”
Le uja bui u ke, “Saah di upii u tii mi ke u li bi m chee na, uma le tii mi ŋisubil ngbaan, le m moo.”
Le Uwumbɔr baa upii ngbaan ke, “Ba ŋa aa ŋa kina?” Le upii bui u ke, “Uwaa le ŋmann mi, le m moo.”

Le Uwumbɔr bui uwaa, “Saah ŋa kina na, ipeel mɔmɔk ni, m puun lii sin baanja le pu. Din ki joo cha, aa ga li baar titan ni, ki li ji titan, saamɔfal mɔmɔk ni. Aa ni upii ngbaan ga li ye tɔb aadim la. Saabim ni waabim mu ga li ye tɔb aadim la. Uyaabil ga faa wii aayil, le aa mu ga gaa utaagbeln.”
Le Uwumbɔr bui upii ke, “Aa ga kan falaa pam timal ponn ni. Ni ki kpee na, aa ga li ban ke aachal li gee si, le u ga li ye saayidaan.”
Le Uwumbɔr bui uja ngbaan ke, “Saah ŋun tii aapuu ki yii maamɔb ki jin ŋisubil ngbaan na, m puun lii kitiŋ pu. Aa ga tun ki kan falaa le ki nin kan tijikaar ji. Kitiŋ ga pa ikokon ni ichakpeejagar; le aa ga li ji timoor ni aasufar. Aa ga ko le kitotoŋ naa si waahr, le aa nin kan tijikaar ki ji, ki ti saa saakundaal. Le aa ga ki gir koo titan ni; ba pu? aa nyan titan ni la. M nan di titan le naan si, le aa ga ki kpaln titan.”
Adam nan yin upii ke Iif; ba pu? uma le ye binib mɔmɔk aana. Le Uwumbɔr di tiwakor aagban ki di jab, ki ŋa tiwanpeenkaan ki di peen bi.

Tidindaan Uwumbɔr nan bui ke, “Dandana, uja ngbaan ŋa ke timi aah bi pu na, ki bee ni ŋan na, ni ni kaa ŋan na. Taan ki cha u ji limɔfal aasub aasubil mu, aan ki li bi cha n‑yoonn mu kaa kpa ndoon na.” Le Uwumbɔr jenn nyan u Edenn aasaak ngbaan ni, le ki cha u ko waah nyan ni titan ti ponn ni na, le ki di tiwanfuurkaan ni kpa ifeen na, ki di siin kisaak ngbaan aawipuul wɔb, le ki di mmiigaal mu naahn kijuk ki fenni ŋipepel mɔmɔk na, ki kiir kisaak ngbaan. Nima kan, unii ubaa aan ki pii limɔfal aasub chee.

နားေထာင္ပါ Mpiin 3