Téduray - 2002 WBT (NT) Non-Drama

Téduray - 2002 WBT (NT) Drama

<div class="version vid1266 iso6393tiy" data-vid="1266" data-iso6393="tiy">
 <div class="book bkJHN">
 <div class="chapter ch7" data-usfm="JHN.7">
 <div class="label">7</div><div class="p"> 1Tid&#233;w b&#233;no, i Jesuse diyo m&#233;nsugud-sugud dob Galilea. M&#233;nika mang&#233;y sugud-sugud dob Judea non m&#233;uyot i de odoroy de Judio de m&#233;m&#233;l&#233;hu. 2B&#233; b&#233;no, g&#233;d&#233;t&#233;n i k&#233;kanduli i de Judio f&#233;ndaw&#233;t ro &#8220;Dung-dung.&#8221; 3M&#233;law m&#233;nb&#233;r&#233;h i de tuwar&#233;y Jesus do lag&#233;y dob Beene maro, &#8220;Ay go Judea inok gitoy de kuyug&#233;m i de m&#233;k&#233;gaif galb&#233;k&#233;m. 4Amuk i &#233;t&#233;we m&#233;uyot m&#233;bangtug, &#233;nda bun&#233;y&#233; noy de rigon&#233; no. Amuk g&#233;rigono moy de m&#233;k&#233;gaif, rigon&#233; mo dob adafay m&#233;doowe &#233;t&#233;w.&#8221; 5(Loo b&#233; niy k&#233;b&#233;r&#233;h i de tuwar&#233;y&#233;n non fiyon foy berowe &#233;nda s&#233;na munur ro dob Beene.)</div><div class="p"> 6S&#233;m&#233;numbul i Jesuse mano, &#8220;Enda s&#233;na gumah i fatute gai rigon&#233; kuy galb&#233;k guwe. Endob i begome fakay rigon&#233; kom i kagome galb&#233;k b&#233; de uden&#233;n gai. 7I de tete &#233;t&#233;w &#233;nda m&#233;rar&#233;k ro begom, &#233;ndob m&#233;rar&#233;k ro Beg&#233;n non dowoy&#233; kuy k&#233;luhanay tetee rigon&#233; ro. 8Ay gom dob kandulie, &#233;ndob i Beg&#233;ne &#233;nda s&#233;na mang&#233;yu diyo non b&#233;k&#233;n s&#233;nay niy gaiwe fatut mang&#233;yu diyo.&#8221; 9Amun &#233;nggilid b&#233;nr&#233;h&#233;n i ni, m&#233;nbati sa&#233;n dob Galilea.</div><div class="p"> 10Endob amun m&#233;nag&#233;w&#233;n i de tuwar&#233;y&#233;n mang&#233;y dob kandulie dob Jerusalem, m&#233;nfuray soy Jesuse, &#233;ndob &#233;nda i &#233;ngg&#233;tigan de non m&#233;nag&#233;w n&#233;k&#233;m&#233;n sa&#233;n. 11S&#233;l&#233;d&#233;y de odoroy de Judioy Jesuse dob kandulie atin f&#233;n&#233;nginsa ro maro, &#8220;Hon i gono Jesuse de?&#8221;</div><div class="p"> 12Atin m&#233;dooy de &#233;t&#233;w m&#233;nlimud diyo s&#233;m&#233;guraw s&#233;uret-uret&#233; roy fantage b&#233; Jesuse. Emb&#233;r&#233;h i de dumo de maro, &#8220;Fiyo &#233;t&#233;w i Jesuse.&#8221; Endob bang i de dumo de, &#8220;Enda fiyo &#233;t&#233;w i Jesuse, f&#233;gakara noy de &#233;t&#233;w.&#8221; 13Endob &#233;nda i s&#233;g&#233;t&#233;w m&#233;nf&#233;b&#233;nsag muret fantag b&#233; Jesuse non m&#233;gilak ro b&#233; de odoroy de Judio.</div><div class="p"> 14Amun g&#233;k&#233;rara ron b&#233; k&#233;kanduli ruwe, m&#233;nang&#233;y i Jesuse dob lawi i Tuluse brab t&#233;m&#233;noro. 15M&#233;nggaif foy de odoroy de Judio brab m&#233;nb&#233;r&#233;h ro maro, &#8220;Sedek toow fo mon g&#233;tigan i ni &#233;t&#233;w, &#233;nda ta&#233;n m&#233;nrugay i k&#233;s&#233;kuwelah ne?&#8221;</div><div class="p"> 16S&#233;m&#233;numbul i Jesuse mano, &#8220;I kag&#233;ne k&#233;toro b&#233;k&#233;n tid&#233;w dob Beg&#233;ne sa&#233;n, &#233;ndob tid&#233;w dob Tuluse s&#233;m&#233;nugu Beg&#233;n. 17I de &#233;t&#233;w m&#233;uyot ro r&#233;migo b&#233; k&#233;tayay Tuluse, g&#233;tiga ro k&#233; i kag&#233;ne k&#233;toro tid&#233;w dob Tuluse taloo no tid&#233;w sa&#233;n dob Beg&#233;ne. 18I &#233;t&#233;we muret sa&#233;n b&#233; kaane k&#233;toro, m&#233;uyot sa&#233;n m&#233;bantug. Endob i &#233;t&#233;we m&#233;uyot r&#233;migo b&#233; funay s&#233;m&#233;nugue de &#233;mbantug, been i nan i m&#233;tintuwe &#233;t&#233;w brab &#233;nda t&#233;mugi&#233;n. 19B&#233;k&#233;n ba niray Moisesey kitabe? Endob &#233;nda i s&#233;g&#233;t&#233;w begom modor de, non amuk odoro kom, &#233;nda dam&#233;n t&#233;laman&#233; kom f&#233;l&#233;hu&#233;n Beg&#233;n.&#8221;</div><div class="p"> 20S&#233;m&#233;numbul i de &#233;t&#233;w maro, &#8220;S&#233;naitanan go! Ati &#233;t&#233;we m&#233;uyot m&#233;m&#233;l&#233;hu Beem?&#8221;</div><div class="p"> 21M&#233;nb&#233;r&#233;h man i Jesuse mano, &#8220;Amun r&#233;nigo guy s&#233;baane sa&#233;n m&#233;k&#233;gaif galb&#233;k, m&#233;nk&#233;s&#233;giyonan gom de non gai k&#233;t&#233;r&#233;n b&#233;no. 22Endob w&#233;n i s&#233;baane kitab fantag b&#233; k&#233;tulie niray Moisese b&#233; g&#233;taho. (Endob i toowe, tid&#233;w i ni kitab dob de katufua tom.) No m&#233;law&#233;n fiyon fo k&#233; gai k&#233;t&#233;r&#233;n, tuli&#233; kom soy de nga gom. 23Amuk tuli&#233; kom i s&#233;g&#233;t&#233;we nga lag&#233;y fiyon fo k&#233; gai k&#233;t&#233;r&#233;n inok odoro kom i kitab&#233; tid&#233;w dob Moisese, sedek m&#233;k&#233;rit gom Beg&#233;n sabaf b&#233; k&#233;f&#233;adi-adi guwe b&#233; s&#233;g&#233;t&#233;we &#233;t&#233;w k&#233; gai k&#233;t&#233;r&#233;n? 24Kagom kukum&#233;n i de &#233;nggito gom sa&#233;n. Yamula f&#233;gitung gom fiyo brab kukum gom m&#233;tintu.&#8221;</div><div class="p"> 25Tid&#233;w b&#233;no, i de dumo b&#233; de &#233;t&#233;w tid&#233;w Jerusalem m&#233;nb&#233;r&#233;h ro maro, &#8220;Aw b&#233;k&#233;n bay niy lag&#233;ye s&#233;l&#233;d&#233;y de odoro tom inok f&#233;l&#233;hu&#233;n? 26T&#233;ngt&#233;ng gom, ay ni &#233;mb&#233;r&#233;h dob adafa tome brab &#233;nda mon i g&#233;b&#233;r&#233;ho ro s&#233;banil de. I de odoro key, g&#233;lolo ron keey Beeney Kristowe sani ongot-ongot&#233; tome. 27Endob amuk g&#233;gumah kun i Kristowe, &#233;nda i g&#233;tigan de k&#233; hon i tid&#233;wo nuwe de. Endob g&#233;tiga tom i tid&#233;woy ni &#233;t&#233;w.&#8221;</div><div class="p"> 28Tid&#233;w b&#233;no, amun diyo t&#233;m&#233;noro dob lawi i Tuluse m&#233;nf&#233;b&#233;nsag i Jesuse &#233;mb&#233;r&#233;h mano, &#8220;Aw tintu g&#233;lolo gom ba Beg&#233;n brab g&#233;tiga kom i tid&#233;wo kuwe? Enda m&#233;nang&#233;yu dini k&#233; dob kag&#233;ne sa&#233;n aturan. I toowe Tulus i s&#233;m&#233;nugue Beg&#233;n, &#233;ndob &#233;nda g&#233;lolo gom de. 29Endob g&#233;lolo guy Beene, non tid&#233;wu dob Beene brab Beeney s&#233;m&#233;nugue Beg&#233;n.&#8221;</div><div class="p"> 30Tid&#233;w b&#233;no, t&#233;nlama ro k&#233;n&#233;fo i Jesuse &#233;ndob &#233;nda i s&#233;g&#233;tew &#233;ngg&#233;k&#233;fo de non &#233;nda s&#233;na &#233;nggumah i gaiwe f&#233;n&#233;mili Tuluse. 31Endob m&#233;dooy de &#233;t&#233;w dob de m&#233;nlimud m&#233;nunur de, brab m&#233;nb&#233;r&#233;h ro maro, &#8220;Beeney Kristowe, sani f&#233;n&#233;mili i Tuluse m&#233;gul&#233;w, non &#233;nda i s&#233;g&#233;t&#233;w g&#233;rigo b&#233; de m&#233;k&#233;gaif galb&#233;k r&#233;nigo no k&#233; b&#233;k&#233;n i Kristowe.&#8221;</div><div class="p"> 32Engg&#233;lingooy de Fariseoy ni k&#233;s&#233;b&#233;r&#233;h-b&#233;r&#233;h i de &#233;t&#233;w s&#233;guraw fantag b&#233; Jesuse. M&#233;law i berowe brab de odoroy de fadi, s&#233;m&#233;nugu ro do mantay b&#233; lawi i Tuluse inok k&#233;mfo b&#233; Jesuse. 33Atin m&#233;nb&#233;r&#233;h i Jesuse dob de &#233;t&#233;w mano, &#8220;Enda&#233;n m&#233;rugay i k&#233;bati guwe dob begome non s&#233;fuleu mang&#233;y dob Tuluse s&#233;m&#233;nugu Beg&#233;n. 34S&#233;l&#233;d&#233; kom Beg&#233;n &#233;ndob &#233;nda&#233;n gito gom Beg&#233;n, non &#233;nda g&#233;ang&#233;y gom dob batio kuwe.&#8221;</div><div class="p"> 35M&#233;ns&#233;b&#233;r&#233;h-b&#233;r&#233;h i de Judio maro, &#8220;Hon keey i ayo nuwe de, k&#233; &#233;nda gito tom de? Aw mang&#233;y keey dob m&#233;rayue ing&#233;d i de Griego batioy de Judio so, atin toro&#233; noy de Griego? 36Ati keey i atag i b&#233;nr&#233;h ne mano, &#8216;S&#233;l&#233;d&#233; kom Beg&#233;n, &#233;ndob &#233;nda gito gom Beg&#233;n, brab &#233;nda g&#233;ang&#233;y gom dob batio kuwe?&#8217; &#8221;</div><div class="p"> 37Amun dob tamfaday gaiwe b&#233; k&#233;kanduli ruwe sani toowe na fo balilaga gai, t&#233;m&#233;nind&#233;g i Jesuse brab m&#233;nb&#233;r&#233;h m&#233;tanug mano, &#8220;Do &#233;t&#233;w t&#233;rum&#233;n, ay gom dob Beg&#233;ne, brab min&#233;m. 38Non w&#233;n i M&#233;nsulate K&#233;b&#233;r&#233;h i Tuluse mano, &#8216;I &#233;t&#233;we munur dob Beg&#233;ne, tid&#233;w dob f&#233;d&#233;w ne r&#233;m&#233;g&#233;s i way&#233;ge miray b&#233; umule magufusa.&#8217; &#8221; 39I atag i b&#233;nr&#233;h Jesuse, ay ni: i R&#233;mogor i Tuluse mang&#233;y dob de munur b&#233; Jesuse atin bati dob de f&#233;d&#233;w ro. Endob &#233;nda s&#233;na niray&#233;n i R&#233;mogor i Tuluse non &#233;nda s&#233;na m&#233;nl&#233;hu i Jesuse brab t&#233;bule atin mule mang&#233;y dob lawayo.</div><div class="p"> 40M&#233;dooy de &#233;t&#233;w &#233;ngg&#233;g&#233;lingo de, m&#233;nb&#233;r&#233;h ro maro, &#8220;Tintu Beeney sarigoy Tuluse muret b&#233; k&#233;b&#233;r&#233;h ne, sani sarigone ongot-ongot&#233; tom.&#8221;</div><div class="p"> 41Bang i de dumo &#233;t&#233;w, &#8220;Beeney Kristowe ongot-ongot&#233; tom.&#8221;</div><div class="p">Endob s&#233;m&#233;numbul i de dumo de maro, &#8220;Ati k&#233;fing&#233;-fing&#233; ne k&#233; i Kristowe tid&#233;w Galilea? 42Non bang i M&#233;nsulate K&#233;b&#233;r&#233;h i Tuluse, i Kristowe s&#233;fu Dabid. M&#233;law fatut i Kristowe mumah dob ing&#233;de Betlehem non i Dabide bati dob Betlehem.&#8221; 43M&#233;law &#233;nda g&#233;s&#233;fagayun i de antaf f&#233;d&#233;w ro fantag b&#233; Jesuse. 44Atin m&#233;nuyot i de dumo de k&#233;mfo, &#233;ndob &#233;nda i s&#233;g&#233;t&#233;w r&#233;m&#233;nigo de.</div><div class="p"> 45Tid&#233;w b&#233;no, i de guwardiya m&#233;ns&#233;fule ro mang&#233;y dob de odoroy de fadi brab do Fariseo. Atin f&#233;n&#233;nginsaa roy de guwardiya maro, &#8220;Sedek &#233;nda k&#233;n&#233;fo gom i Jesuse inok g&#233;uwito kom mang&#233;y dini?&#8221;</div><div class="p"> 46S&#233;m&#233;numbul ro maro, &#8220;Enda k&#233;n&#233;fo gey de non m&#233;nggaif gey b&#233; k&#233;toro ne. Non s&#233;giyo b&#233; k&#233;luhanay k&#233;toroe &#233;ngg&#233;lingoo key.&#8221;</div><div class="p"> 47Atin m&#233;nb&#233;r&#233;h i de Fariseo maro, &#8220;Aw fiyon i begome, &#233;ngg&#233;f&#233;gakara no begom so? 48Enda s&#233;nay s&#233;g&#233;t&#233;w begey do odoro kom taloo no do Fariseo m&#233;nunur de. 49I de munur dob Beene, beroy de g&#233;rifantad &#233;t&#233;w sa&#233;n, sani &#233;nda g&#233;tiga roy kitab tome. M&#233;law kukum&#233;y Tuluse bero.&#8221;</div><div class="p"> 50Atin diyo soy Nikodemowe sani s&#233;g&#233;t&#233;we so Fariseo. Been i m&#233;nang&#233;ye dob Jesuse b&#233; g&#233;tahe de. Brab m&#233;nb&#233;r&#233;h mano, 51&#8220;Enda fakay dob kitab tomey k&#233;mukume k&#233; &#233;nda s&#233;na &#233;ngg&#233;susinon i r&#233;nigo nuwe, brab &#233;ngg&#233;lingoon i k&#233;b&#233;r&#233;h ne.&#8221;</div><div class="p"> 52S&#233;m&#233;numbul ro maro, &#8220;Aw tid&#233;w go so Galilea? Basa moy M&#233;nsulate K&#233;b&#233;r&#233;h i Tuluse, inok g&#233;tiga mo &#233;nda i sarigoy Tuluse tid&#233;w Galilea.&#8221;</div>
 </div>
 </div>
</div>

Tidéw béno, i Jesuse diyo ménsugud-sugud dob Galilea. Ménika mangéy sugud-sugud dob Judea non méuyot i de odoroy de Judio de méméléhu. Bé béno, gédétén i kékanduli i de Judio féndawét ro “Dung-dung.” Mélaw ménbéréh i de tuwaréy Jesus do lagéy dob Beene maro, “Ay go Judea inok gitoy de kuyugém i de mékégaif galbékém. Amuk i étéwe méuyot mébangtug, énda bunéyé noy de rigoné no. Amuk gérigono moy de mékégaif, rigoné mo dob adafay médoowe étéw.” (Loo bé niy kébéréh i de tuwaréyén non fiyon foy berowe énda séna munur ro dob Beene.)
Séménumbul i Jesuse mano, “Enda séna gumah i fatute gai rigoné kuy galbék guwe. Endob i begome fakay rigoné kom i kagome galbék bé de udenén gai. I de tete étéw énda mérarék ro begom, éndob mérarék ro Begén non dowoyé kuy kéluhanay tetee rigoné ro. Ay gom dob kandulie, éndob i Begéne énda séna mangéyu diyo non békén sénay niy gaiwe fatut mangéyu diyo.” Amun énggilid bénréhén i ni, ménbati saén dob Galilea.
Endob amun ménagéwén i de tuwaréyén mangéy dob kandulie dob Jerusalem, ménfuray soy Jesuse, éndob énda i énggétigan de non ménagéw nékémén saén. Sélédéy de odoroy de Judioy Jesuse dob kandulie atin fénénginsa ro maro, “Hon i gono Jesuse de?”
Atin médooy de étéw ménlimud diyo séméguraw séuret-ureté roy fantage bé Jesuse. Embéréh i de dumo de maro, “Fiyo étéw i Jesuse.” Endob bang i de dumo de, “Enda fiyo étéw i Jesuse, fégakara noy de étéw.” Endob énda i ségétéw ménfébénsag muret fantag bé Jesuse non mégilak ro bé de odoroy de Judio.
Amun gékérara ron bé kékanduli ruwe, ménangéy i Jesuse dob lawi i Tuluse brab téménoro. Ménggaif foy de odoroy de Judio brab ménbéréh ro maro, “Sedek toow fo mon gétigan i ni étéw, énda taén ménrugay i késékuwelah ne?”
Séménumbul i Jesuse mano, “I kagéne kétoro békén tidéw dob Begéne saén, éndob tidéw dob Tuluse séménugu Begén. I de étéw méuyot ro rémigo bé kétayay Tuluse, gétiga ro ké i kagéne kétoro tidéw dob Tuluse taloo no tidéw saén dob Begéne. I étéwe muret saén bé kaane kétoro, méuyot saén mébantug. Endob i étéwe méuyot rémigo bé funay séménugue de émbantug, been i nan i métintuwe étéw brab énda témugién. Békén ba niray Moisesey kitabe? Endob énda i ségétéw begom modor de, non amuk odoro kom, énda damén télamané kom féléhuén Begén.”
Séménumbul i de étéw maro, “Sénaitanan go! Ati étéwe méuyot méméléhu Beem?”
Ménbéréh man i Jesuse mano, “Amun rénigo guy sébaane saén mékégaif galbék, ménkéségiyonan gom de non gai kétérén béno. Endob wén i sébaane kitab fantag bé kétulie niray Moisese bé gétaho. (Endob i toowe, tidéw i ni kitab dob de katufua tom.) No mélawén fiyon fo ké gai kétérén, tulié kom soy de nga gom. Amuk tulié kom i ségétéwe nga lagéy fiyon fo ké gai kétérén inok odoro kom i kitabé tidéw dob Moisese, sedek mékérit gom Begén sabaf bé kéféadi-adi guwe bé ségétéwe étéw ké gai kétérén? Kagom kukumén i de énggito gom saén. Yamula fégitung gom fiyo brab kukum gom métintu.”
Tidéw béno, i de dumo bé de étéw tidéw Jerusalem ménbéréh ro maro, “Aw békén bay niy lagéye sélédéy de odoro tom inok féléhuén? Téngténg gom, ay ni émbéréh dob adafa tome brab énda mon i gébérého ro sébanil de. I de odoro key, gélolo ron keey Beeney Kristowe sani ongot-ongoté tome. Endob amuk gégumah kun i Kristowe, énda i gétigan de ké hon i tidéwo nuwe de. Endob gétiga tom i tidéwoy ni étéw.”
Tidéw béno, amun diyo téménoro dob lawi i Tuluse ménfébénsag i Jesuse émbéréh mano, “Aw tintu gélolo gom ba Begén brab gétiga kom i tidéwo kuwe? Enda ménangéyu dini ké dob kagéne saén aturan. I toowe Tulus i séménugue Begén, éndob énda gélolo gom de. Endob gélolo guy Beene, non tidéwu dob Beene brab Beeney séménugue Begén.”
Tidéw béno, ténlama ro kénéfo i Jesuse éndob énda i ségétew énggékéfo de non énda séna énggumah i gaiwe fénémili Tuluse. Endob médooy de étéw dob de ménlimud ménunur de, brab ménbéréh ro maro, “Beeney Kristowe, sani fénémili i Tuluse méguléw, non énda i ségétéw gérigo bé de mékégaif galbék rénigo no ké békén i Kristowe.”
Enggélingooy de Fariseoy ni késébéréh-béréh i de étéw séguraw fantag bé Jesuse. Mélaw i berowe brab de odoroy de fadi, séménugu ro do mantay bé lawi i Tuluse inok kémfo bé Jesuse. Atin ménbéréh i Jesuse dob de étéw mano, “Endaén mérugay i kébati guwe dob begome non séfuleu mangéy dob Tuluse séménugu Begén. Sélédé kom Begén éndob éndaén gito gom Begén, non énda géangéy gom dob batio kuwe.”
Ménsébéréh-béréh i de Judio maro, “Hon keey i ayo nuwe de, ké énda gito tom de? Aw mangéy keey dob mérayue ingéd i de Griego batioy de Judio so, atin toroé noy de Griego? Ati keey i atag i bénréh ne mano, ‘Sélédé kom Begén, éndob énda gito gom Begén, brab énda géangéy gom dob batio kuwe?’ ”
Amun dob tamfaday gaiwe bé kékanduli ruwe sani toowe na fo balilaga gai, téménindég i Jesuse brab ménbéréh métanug mano, “Do étéw térumén, ay gom dob Begéne, brab miném. Non wén i Ménsulate Kébéréh i Tuluse mano, ‘I étéwe munur dob Begéne, tidéw dob fédéw ne rémégés i wayége miray bé umule magufusa.’ ” I atag i bénréh Jesuse, ay ni: i Rémogor i Tuluse mangéy dob de munur bé Jesuse atin bati dob de fédéw ro. Endob énda séna nirayén i Rémogor i Tuluse non énda séna ménléhu i Jesuse brab tébule atin mule mangéy dob lawayo.
Médooy de étéw énggégélingo de, ménbéréh ro maro, “Tintu Beeney sarigoy Tuluse muret bé kébéréh ne, sani sarigone ongot-ongoté tom.”
Bang i de dumo étéw, “Beeney Kristowe ongot-ongoté tom.”
Endob séménumbul i de dumo de maro, “Ati kéfingé-fingé ne ké i Kristowe tidéw Galilea? Non bang i Ménsulate Kébéréh i Tuluse, i Kristowe séfu Dabid. Mélaw fatut i Kristowe mumah dob ingéde Betlehem non i Dabide bati dob Betlehem.” Mélaw énda géséfagayun i de antaf fédéw ro fantag bé Jesuse. Atin ménuyot i de dumo de kémfo, éndob énda i ségétéw réménigo de.
Tidéw béno, i de guwardiya ménséfule ro mangéy dob de odoroy de fadi brab do Fariseo. Atin fénénginsaa roy de guwardiya maro, “Sedek énda kénéfo gom i Jesuse inok géuwito kom mangéy dini?”
Séménumbul ro maro, “Enda kénéfo gey de non ménggaif gey bé kétoro ne. Non ségiyo bé kéluhanay kétoroe énggélingoo key.”
Atin ménbéréh i de Fariseo maro, “Aw fiyon i begome, énggéfégakara no begom so? Enda sénay ségétéw begey do odoro kom taloo no do Fariseo ménunur de. I de munur dob Beene, beroy de gérifantad étéw saén, sani énda gétiga roy kitab tome. Mélaw kukuméy Tuluse bero.”
Atin diyo soy Nikodemowe sani ségétéwe so Fariseo. Been i ménangéye dob Jesuse bé gétahe de. Brab ménbéréh mano, “Enda fakay dob kitab tomey kémukume ké énda séna énggésusinon i rénigo nuwe, brab énggélingoon i kébéréh ne.”
Séménumbul ro maro, “Aw tidéw go so Galilea? Basa moy Ménsulate Kébéréh i Tuluse, inok gétiga mo énda i sarigoy Tuluse tidéw Galilea.”

နားေထာင္ပါ။ Juan 7