Luwo - Anweehd Me Nyaahn - 2003 Edition (Drama-NT)

<div class="version vid1783 iso6393lwo" data-vid="1783" data-iso6393="lwo">
 <div class="book bkMAT">
 <div class="chapter ch10" data-usfm="MAT.10">
 <div class="label">10</div><div class="s">Jo Jeacuu Ge Apaar Wonge Ariow</div><div class="r">(Mak 3:13-19; Luk 6:12-16)</div><div class="p"> 1Kaano arumo e Jeacuu nyoge apaar wonge ariow kiin jo waahdhe ge acuohne bange, maa acube tee yihr gen. Tee me riem gene atiihb ukeehg oogo rog nyoge kedea tee me thiehdh gene kwaad atwaanye cang.</div><div class="p"> 2 # 
 Jon 1:40-44; Tiihy 1:13 Nying jo oohr giih apaar wonge ariow naa akwany Jeacuue ge gen: Ngad umodho beehda Cimoane, me nying tuode Piihter kedea Andrya umen, Jeamij waahd Jebeade, keehd Joon umen. 3Pihlihb ge ke Bartholomeao maa Thoamaj. Maa Matheewo ge anahg ngad gwaaj cuol. Jeamij waahd Alpaawo maa Thaadoj. 4Cimoan#10:4 Cimoane gihn ngahj kejea yaa Roama ge be daahde umag gene paar Judea. kedea Juudo Yijkaariod, ge anaa abeehn ne luom Jeacuu.</div><div class="s">Jo Oohr Ge Aoohr Ne Tiihj</div><div class="r">(Mak 6:7-13; Luk 9:1-6)</div><div class="p"> 5 # 
 Luk 10:4-12
 #Luk 10:33 Kaano e Jeacuu loohnge arobe yihr jo oohr kar ge apaar wonge ariow maa aoohre gen kobe, &#8220;Wu ke&#225; ci ne puohny yihdh geedhe giih padh geedh yaa Judea kedea yihdh geedhe giih yaa Camaarya. 6#Mat 15:24; Tiihy 13:46 Cidhu ne puohny yaa Yijarael ge arwaahnyo ge akweer ke lum Juog. 7#4:17 Yi waahdhu noono caahdhu nahge ke Ciig Beer gihn ni en ne puohnyu. Adoohng e ka me cahng mee ubeehn Ruohdh Juoge wiih piny. 8Thiow thiehdhu nyoge me tuu maa yaa rog gen ne dhoobo maa meehgu nyoge maa athow cahro kedea riemu atiihb ukeehg oogo rog yaa amag gene. Wa kaano tiihyu giih nu yihr nyoge e gihn me daahdu ke nying gihn atiihyu tooro, e wu thiow cubu ge yihr nyoge neehn maano. 9-10#1Kor 9:14; 1Tim 5:18 Yi waahdhu noono caahdhu nu, wu ke&#225; piih ne daahd ngiihny me kaahnu yihdh mapade giihu. Ngaa ke&#225; kaahn wuor maa waaro. Kaahn dhaane ke muu ne ree cog kedea kihd ngaa ke&#225; kaahn aloadh. Giih nu ge ke&#225; yugu bang gihn yaa upuohnyu giih daahdu ge uyoadu bang gen.</div><div class="p"> 11&#8220;Yi geen toohngu yea kea peehnyu ke paar abiohgrwaal unahge ke kaano e ne beehdu yea yi nihn puohnyu Ciig Beer uwahdhe cahng uaayu. 12Abea yi beehnu paan nu kea kwayu Juog beere ge ubeehdo ke yoohm rog. 13#Luk 2:14 Nea yaa ne paan nu ge nyoge me beeye, e ge ubeehdo ke yoohm rog gen. Tooro, nea ge nyoge me reje, e gihn akwayu ke nying gen buu ucub Juoge. 14#Tiihy 13:51 Yaa kweer ke lor wun, wale yaa kweer ke lihng lumu ke&#225; wiiu gen. Abea yi aay aayu kea teengu ngoom kaano oogo yi tienu ne nyoadh ngo kejea nea gihn me yoad gen, e maru tooro yi ngo. 15#Mat 11:24 Athiir e ne teeda yihru kejea giih teeg naa ayoad geedh Codom kedea Gomoarah cahng ukihm Juog ge uyoohd yi gihn uyoad yaa paan ukwihy wun ke loro. 16#Luk 10:3 Maany kaa aoohra wun wa gihr nyethen roohme kiin urude. Kea noono nahgu nyoge me nyingu teeg wa mar thooh kedea nahgu nyoge me padh yaa agween. Wa kaano nahgu roohme, kea nahgu kwaad roohme me modh gihn me raaj.</div><div class="s">Yaa Aoohr Jeacuue Ge Ujoohr</div><div class="p"> 17-18 # 
 24:9-14; Mak 13:9-13; Luk 21:12-19; Jon 16:1-4 #Tiihy 5:40; 2Kor 11:24 #Tiihy 24&#8211;26 &#8220;Wudhu ke&#225; thoohru piny now bang gihn wu ucub yi cing ruohdhe giih wuud amaade giih Judea ne kihmo kedea upuohd wun ke nying gihn nahgu nyoge maa aoohra kedea wu ukedh nyum ruohdhe kedea jaah ne kihmo ke nyinga. Kaano arumo e nuu udoohngu ne yaa rob leeba yihr yaa Judea kedea yaa padh Judea. 19#Luk 12:11-12 Abea nea wu ke maa e wu ke&#225; diero ke ka ubeehru loohng kii ngo bang gihn Juog e nuu ucub kar beehr loohnge yihru. 20Luub urobu ge buu unahg luubu abea Wahy Juog ge beehda Wuru e nuu ucub giih urobu yi dhogu.</div><div class="p"> 21 # 
 Mat 10:35; Luk 12:52-53 &#8220;Dhaano maa akweer ke luma, umen kedea nyethiine maa ayiih luma ge umaane uwahdhe ka uluome gen unahg gen. Thiow nyethiin maa akweer ke luma, wahn maa men naa ayiih luma ge umaane uwahdhe ka uluome gen unahg gen. 22#5:11; Jon 15:18 Wu thiow, wu umaan nyoge cang ke nyinga. Abea ngaan umag cwihnye teeg uwahdhe guge e ngaan nu e nuu uyoad boadh wahy. 23#16:28; Tiihy 8:1 Geen yug giih ajohro rogu, kea wiiu ngo piny ucidhu geew moogo. Abea adiehj roba yihru e man: Wudh geedh Yijarael ge buu ukwanyu cang e a ge adoohng ne dhaano poohd kuu awahnho.</div><div class="p"> 24 # 
 Luk 6:40; Jon 13:16; 15:20 &#8220;Beeh peehnya wun do! Ngaan puohny, kare nud une wiihe maalo yihr ngaan puohny ngo ne? Wale baahng, kare nud une wiihe maalo yihr ngaa nahge baahng paare? 25#9:34 Ngaan puohny nea wiihe uroomo ke ngaa apuohny ngo, e cwihnye med kedea baahng nea wiihe uroomo ke ngaa nahge baahng paare e cwihny med. Nea a ge ngad puohny gihru e ne yieny gene kejea a beehda ruohdh atiihb ukeehg e cuohn ne Beeljebuul, nea unahg wun e gihn noono raaj e ne buu urob gene rogu? Nea maano kea ngahyu ngo kejea giih ajohro ge uyoadu neehn ka uyoada gen bang gihn wu beehda jo'a.</div><div class="s">Rubu Oogo Ke&#225; Ngaa Tud</div><div class="r">(Luk 12:2-7)</div><div class="p"> 26 # 
 Mak 4:22; Luk 8:17 &#8220;Nea neehn maano e wu ke&#225; tud yihr yaa maan wun ke nying gihn nahgu jo'a. Adiehj gihn nyoadh lum Juog ngo be rom ree kano, keehd me kwihye awaahn ni e ngo udhiil ke ngeyo wong maalo. 27Adiehj lum Juog naa aroba yihru karo keedo wale maa amuonga yihru cidhu ne teed ngo nyum nyoge beehde. 28#Judea 10:31 Wu ke&#225; tud yihr dhaano utaahngo ge rom nahg kuohm cog abea wahy dhaano be rom ree naah yihre. Nahge ke Juog, e thoohr kuohm maa wahy Paar Maaj, e ne tudu yihre. 29Ngahda adiid pure ariow ge ngeew kaa wong ryaal acielo cog ne? Abea keehd me yoohd ngiene e bekihd adiid puro acielo me thow e keede nea padh Juog e naa agweehg ngo. 30#Luk 21:18 Keehd yiehy wudhu ke ngud gen, ge akwaan Juoge. 31Nea wa gihn nu e wu ke&#225; diero kejea wu buu ukony Juoge, wu ke&#225; diero bang gihn keehd amahr adiid pure adiih e wudhu be rom Juoge ke gen.</div><div class="p"> 32 # 
 Any 3:5
 &#8220;Kwaad ngaa be tud ke rob ree nyum nyoge kejea ngo ngada, e a thiow a buu tud ke rob ngo yihr Wura ge ne Paar Maalo kejea ngo ngada. 33#Mak 8:38; Luk 9:26; 2Tim 2:12 Abea kwaad ngaa kweer ke an nyum nyoge kejea ngo padh ngada e a ukweer ke en thiow nyum Wura ge ne Paar Maalo kejea ngo padh ngada.</div><div class="s">Jeacuu Akahl Ater Kiin Nyoge</div><div class="r">(Luk 12:51-53; 14:26, 27)</div><div class="p"> 34 # 
 Luk 2:14
 &#8220;Gihn abeehna ke nyinge upiny kan ngahyu ne? Wudhu aparu kejea a abeehno ne kahl doohr kiin nyoge wiih piny ne? Gahng! A abeehno ne kahl ater kiin yaa ayiih luma kedea yaa kuu ayiih luma. 35#10:21; 24:10; Mak 13:12; Luk 21:16 A abeehno ne,</div><div class="q1">&#8216;Kahl ater kiin nyedhoohg maa ayiih luma</div><div class="q2">kedea wahn</div><div class="q1">kedea kiin nyaakow maa ayiih luma</div><div class="q2">kedea men</div><div class="q1">maa kiin nyekiihj maa ayiih luma</div><div class="q2">kedea ciih waahde.</div><div class="q1"> 36Yaa ater dhaano me raaj ubare ge unahg jo paare.&#8217;</div><div class="s">Dhaahr Rihi Ubuodhi Batien Jeacuu</div><div class="p"> 37 # 
 Mat 19:29; Mak 10:29; Luk 18:29 &#8220;Ngaa nhyaar wahn wale men keraahyo uyoohme ka nhyaare an, e ngaan nu padh ngada. Ngaa nhyaar waahde wale nyaare keraahyo uyoohme ka nhyaare an, e ngaan nu padh ngada. 38#16:24-25; Mak 8:34-35; Luk 9:23-24; Jon 12:25-26 Ngaa kweer ke guum giih ajohro me nahge ke nyinga wa kwaad ka uguuma, e ngaan nu padh ngada. 39Ngaa kweer ke thoo ke nyinga bang gihn daahde ukoare ree, e ngaan nu e nu uthow ne lihg lihgi bang gihn wahye ge uthow thiow. Ngaan be tud yi thoo ke nyinga bang gihn be daahd ukonye ree, e ngaan nu e ne buu uthow bang gihn wahye ge ukuow.</div><div class="s">Kwaad Koog Gihn Uyoad Dhaane</div><div class="r">(Mak 9:41)</div><div class="p"> 40 # 
 18:5; Mak 9:37; Luk 9:48; Jon 13:20; Gal 4:14 &#8220;Kwaad ngaa lor wun ke med cwihny paare e ngo udoohng wa lor an. E kwaad ngaan lor an ke med cwihny paare ngo udoohng wa lor ngaan aoohr an. 41Kwaad ngaan lor ngaan aoohr Juog ke med cwihny paare bang gihn Juog e naa aoohr ngo, e ngaan nu koohg gihn cub yihr ngaa aoohr ke cubo yihre thiow. E kwaad ngaan alor abiohgrwaal ke med cwihnye ke nying gihn nahge abiohgrwaal, e ngaan nu akoohg gihn cub yihr abiohgrwaal ke cubo yihre thiow. 42Lihngu lum ni beer mee! Kedea utiihyu keehde. Kwaad ngaa tiihy gihn me ne yahng wa cub piih yihr ngaa thiin kiin jo'a ke nying gihn nahge ngada, e ngaan nu koohg udhiil ke cubo yihre.&#8221;</div>
 </div>
 </div>
</div>

Kaano arumo e Jeacuu nyoge apaar wonge ariow kiin jo waahdhe ge acuohne bange, maa acube tee yihr gen. Tee me riem gene atiihb ukeehg oogo rog nyoge kedea tee me thiehdh gene kwaad atwaanye cang.
Nying jo oohr giih apaar wonge ariow naa akwany Jeacuue ge gen: Ngad umodho beehda Cimoane, me nying tuode Piihter kedea Andrya umen, Jeamij waahd Jebeade, keehd Joon umen. Pihlihb ge ke Bartholomeao maa Thoamaj. Maa Matheewo ge anahg ngad gwaaj cuol. Jeamij waahd Alpaawo maa Thaadoj. Cimoan kedea Juudo Yijkaariod, ge anaa abeehn ne luom Jeacuu.


Kaano e Jeacuu loohnge arobe yihr jo oohr kar ge apaar wonge ariow maa aoohre gen kobe, “Wu keá ci ne puohny yihdh geedhe giih padh geedh yaa Judea kedea yihdh geedhe giih yaa Camaarya. Cidhu ne puohny yaa Yijarael ge arwaahnyo ge akweer ke lum Juog. Yi waahdhu noono caahdhu nahge ke Ciig Beer gihn ni en ne puohnyu. Adoohng e ka me cahng mee ubeehn Ruohdh Juoge wiih piny. Thiow thiehdhu nyoge me tuu maa yaa rog gen ne dhoobo maa meehgu nyoge maa athow cahro kedea riemu atiihb ukeehg oogo rog yaa amag gene. Wa kaano tiihyu giih nu yihr nyoge e gihn me daahdu ke nying gihn atiihyu tooro, e wu thiow cubu ge yihr nyoge neehn maano. Yi waahdhu noono caahdhu nu, wu keá piih ne daahd ngiihny me kaahnu yihdh mapade giihu. Ngaa keá kaahn wuor maa waaro. Kaahn dhaane ke muu ne ree cog kedea kihd ngaa keá kaahn aloadh. Giih nu ge keá yugu bang gihn yaa upuohnyu giih daahdu ge uyoadu bang gen.
“Yi geen toohngu yea kea peehnyu ke paar abiohgrwaal unahge ke kaano e ne beehdu yea yi nihn puohnyu Ciig Beer uwahdhe cahng uaayu. Abea yi beehnu paan nu kea kwayu Juog beere ge ubeehdo ke yoohm rog. Nea yaa ne paan nu ge nyoge me beeye, e ge ubeehdo ke yoohm rog gen. Tooro, nea ge nyoge me reje, e gihn akwayu ke nying gen buu ucub Juoge. Yaa kweer ke lor wun, wale yaa kweer ke lihng lumu keá wiiu gen. Abea yi aay aayu kea teengu ngoom kaano oogo yi tienu ne nyoadh ngo kejea nea gihn me yoad gen, e maru tooro yi ngo. Athiir e ne teeda yihru kejea giih teeg naa ayoad geedh Codom kedea Gomoarah cahng ukihm Juog ge uyoohd yi gihn uyoad yaa paan ukwihy wun ke loro. Maany kaa aoohra wun wa gihr nyethen roohme kiin urude. Kea noono nahgu nyoge me nyingu teeg wa mar thooh kedea nahgu nyoge me padh yaa agween. Wa kaano nahgu roohme, kea nahgu kwaad roohme me modh gihn me raaj.

“Wudhu keá thoohru piny now bang gihn wu ucub yi cing ruohdhe giih wuud amaade giih Judea ne kihmo kedea upuohd wun ke nying gihn nahgu nyoge maa aoohra kedea wu ukedh nyum ruohdhe kedea jaah ne kihmo ke nyinga. Kaano arumo e nuu udoohngu ne yaa rob leeba yihr yaa Judea kedea yaa padh Judea. Abea nea wu ke maa e wu keá diero ke ka ubeehru loohng kii ngo bang gihn Juog e nuu ucub kar beehr loohnge yihru. Luub urobu ge buu unahg luubu abea Wahy Juog ge beehda Wuru e nuu ucub giih urobu yi dhogu.
“Dhaano maa akweer ke luma, umen kedea nyethiine maa ayiih luma ge umaane uwahdhe ka uluome gen unahg gen. Thiow nyethiin maa akweer ke luma, wahn maa men naa ayiih luma ge umaane uwahdhe ka uluome gen unahg gen. Wu thiow, wu umaan nyoge cang ke nyinga. Abea ngaan umag cwihnye teeg uwahdhe guge e ngaan nu e nuu uyoad boadh wahy. Geen yug giih ajohro rogu, kea wiiu ngo piny ucidhu geew moogo. Abea adiehj roba yihru e man: Wudh geedh Yijarael ge buu ukwanyu cang e a ge adoohng ne dhaano poohd kuu awahnho.
“Beeh peehnya wun do! Ngaan puohny, kare nud une wiihe maalo yihr ngaan puohny ngo ne? Wale baahng, kare nud une wiihe maalo yihr ngaa nahge baahng paare? Ngaan puohny nea wiihe uroomo ke ngaa apuohny ngo, e cwihnye med kedea baahng nea wiihe uroomo ke ngaa nahge baahng paare e cwihny med. Nea a ge ngad puohny gihru e ne yieny gene kejea a beehda ruohdh atiihb ukeehg e cuohn ne Beeljebuul, nea unahg wun e gihn noono raaj e ne buu urob gene rogu? Nea maano kea ngahyu ngo kejea giih ajohro ge uyoadu neehn ka uyoada gen bang gihn wu beehda jo'a.


“Nea neehn maano e wu keá tud yihr yaa maan wun ke nying gihn nahgu jo'a. Adiehj gihn nyoadh lum Juog ngo be rom ree kano, keehd me kwihye awaahn ni e ngo udhiil ke ngeyo wong maalo. Adiehj lum Juog naa aroba yihru karo keedo wale maa amuonga yihru cidhu ne teed ngo nyum nyoge beehde. Wu keá tud yihr dhaano utaahngo ge rom nahg kuohm cog abea wahy dhaano be rom ree naah yihre. Nahge ke Juog, e thoohr kuohm maa wahy Paar Maaj, e ne tudu yihre. Ngahda adiid pure ariow ge ngeew kaa wong ryaal acielo cog ne? Abea keehd me yoohd ngiene e bekihd adiid puro acielo me thow e keede nea padh Juog e naa agweehg ngo. Keehd yiehy wudhu ke ngud gen, ge akwaan Juoge. Nea wa gihn nu e wu keá diero kejea wu buu ukony Juoge, wu keá diero bang gihn keehd amahr adiid pure adiih e wudhu be rom Juoge ke gen.
“Kwaad ngaa be tud ke rob ree nyum nyoge kejea ngo ngada, e a thiow a buu tud ke rob ngo yihr Wura ge ne Paar Maalo kejea ngo ngada. Abea kwaad ngaa kweer ke an nyum nyoge kejea ngo padh ngada e a ukweer ke en thiow nyum Wura ge ne Paar Maalo kejea ngo padh ngada.


“Gihn abeehna ke nyinge upiny kan ngahyu ne? Wudhu aparu kejea a abeehno ne kahl doohr kiin nyoge wiih piny ne? Gahng! A abeehno ne kahl ater kiin yaa ayiih luma kedea yaa kuu ayiih luma. A abeehno ne,
‘Kahl ater kiin nyedhoohg maa ayiih luma
kedea wahn
kedea kiin nyaakow maa ayiih luma
kedea men
maa kiin nyekiihj maa ayiih luma
kedea ciih waahde.
Yaa ater dhaano me raaj ubare ge unahg jo paare.’

“Ngaa nhyaar wahn wale men keraahyo uyoohme ka nhyaare an, e ngaan nu padh ngada. Ngaa nhyaar waahde wale nyaare keraahyo uyoohme ka nhyaare an, e ngaan nu padh ngada. Ngaa kweer ke guum giih ajohro me nahge ke nyinga wa kwaad ka uguuma, e ngaan nu padh ngada. Ngaa kweer ke thoo ke nyinga bang gihn daahde ukoare ree, e ngaan nu e nu uthow ne lihg lihgi bang gihn wahye ge uthow thiow. Ngaan be tud yi thoo ke nyinga bang gihn be daahd ukonye ree, e ngaan nu e ne buu uthow bang gihn wahye ge ukuow.


“Kwaad ngaa lor wun ke med cwihny paare e ngo udoohng wa lor an. E kwaad ngaan lor an ke med cwihny paare ngo udoohng wa lor ngaan aoohr an. Kwaad ngaan lor ngaan aoohr Juog ke med cwihny paare bang gihn Juog e naa aoohr ngo, e ngaan nu koohg gihn cub yihr ngaa aoohr ke cubo yihre thiow. E kwaad ngaan alor abiohgrwaal ke med cwihnye ke nying gihn nahge abiohgrwaal, e ngaan nu akoohg gihn cub yihr abiohgrwaal ke cubo yihre thiow. Lihngu lum ni beer mee! Kedea utiihyu keehde. Kwaad ngaa tiihy gihn me ne yahng wa cub piih yihr ngaa thiin kiin jo'a ke nying gihn nahge ngada, e ngaan nu koohg udhiil ke cubo yihre.”

နားေထာင္ပါ။ Matheewo 10