Manadonese Malay - 2017 LAI (NT) no drama

Manadonese Malay - 2017 LAI (NT) drama

<div class="version vid2749 iso6393xmm" data-vid="2749" data-iso6393="xmm">
 <div class="book bkMAT">
 <div class="chapter ch17" data-usfm="MAT.17">
 <div class="label">17</div><div class="s">Yesus pe murit-murit lia Yesus bacahaya luar biasa di atas gunung</div><div class="r">(Mrk. 9:2-13; Luk. 9:28-36)</div><div class="p"> 1Serta so lewat anam hari, Yesus bawa pa Petrus, Yakobus deng Yohanes tu dua kaka ade sama-sama deng Dia ka satu gunung tinggi, di situ cuma ada dorang. 2Waktu itu, dorang tiga lia Yesus so bruba jadi laeng. Yesus pe muka basinar sama deng matahari kong Dia pe baju jadi puti mangkilat. 3Kong dorang tiga lia muncul tu nabi Musa deng nabi Elia da bacirita deng Yesus. 4Trus Petrus babilang pa Yesus, &#8220;Guru, pe snang skali torang ada di sini. Kalu Guru suka, kita mo kase badiri akang tiga sabua: satu for Guru, satu for Musa, deng satu for Elia.&#8221;</div><div class="p"> 5 # 
 Kej. 22:2; Mzm. 2:7; Yes. 42:1; 2Ptr. 1:17-18 Waktu Petrus masi bacirita, kage-kage turung awan yang trang kong tutu pa dorang. Trus dari dalam awan itu dapa dengar suara bagini, &#8220;Ini tu Kita pe Anak, Kita sayang pa Dia. Dia beking Kita pe hati snang. Badengar jo pa Dia!&#8221;</div><div class="p"> 6Waktu tu tiga murit itu dengar tu suara, dorang jadi tako skali sampe taplaka ka tana. 7Mar Yesus badekat pa dorang, Dia pegang pa dorang kong babilang, &#8220;Badiri jo, jang ngoni tako!&#8221; 8Waktu dorang angka dong pe kapala, dorang so nyanda lia orang laeng di situ, kurang Yesus tu ada di situ.</div><div class="p"> 9Kong waktu dorang samantara turung dari tu gunung, Yesus bapesan pa dorang, &#8220;Ngoni jang dulu kase cirita pa sapa-sapa apa tu ngoni da lia tadi! Nanti kalu tu Anak Manusia so hidop ulang dari antara orang mati baru ngoni bole kase cirita itu.&#8221;</div><div class="p"> 10 # Mal. 4:5 Kong Yesus pe murit-murit batanya pa Dia, &#8220;Kiapa tu ahli-ahli Taurat da bilang kalu nabi Elia musti datang lebe dulu dari tu Anak Manusia?&#8221;</div><div class="p"> 11Yesus manyao, &#8220;Memang, nabi Elia musti datang lebe dulu kong kase siap samua for Tuhan mo datang. 12#Mat. 11:14Mar Kita bilang pa ngoni, tu Elia yang torang orang Israel da tunggu-tunggu, dia itu so datang. Mar orang-orang nyanda kanal pa dia, dorang tare cuma da beking iko dong pe suka pa dia, bagitu lei pa Anak Manusia dorang mo beking Dia mendrita.&#8221;</div><div class="p"> 13Pe dengar itu, Yesus pe murit-murit mangarti kalu nabi Elia yang Yesus pe maksut itu, tu Yohanes Pembaptis.</div><div class="s">Yesus user setang dari satu anak laki-laki</div><div class="r">(Mrk. 9:14-29; Luk. 9:37-43)</div><div class="p"> 14Waktu Yesus deng Dia pe tiga murit babale di tampa orang banya itu, ada satu laki-laki badekat pa Yesus kong berlutut di muka pa Dia, 15trus babilang, &#8220;Bapak, tolong kasiang akang tu kita pe anak laki-laki! Dia da saki mati-mati ayam kong so mendrita skali. Kalu de pe saki so datang, dia amper slalu jatung ka api ato ka aer. 16Dia itu kita so bawa pa Bapak pe murit-murit, mar dorang nyanda mampu kase bae pa dia.&#8221;</div><div class="p"> 17Kong Yesus bilang, &#8220;Hei ngoni orang-orang yang nyanda percaya deng yang sesat! Mo sampe tempo apa Kita musti tinggal di tenga-tenga pa ngoni? Kong mo sampe tempo apa Kita mo basabar pa ngoni? Bawa jo kamari tu anak itu!&#8221;</div><div class="p"> 18Waktu dorang so bawa tu anak itu pa Yesus, Yesus togor deng kras tu setang, trus tu setang kaluar dari tu anak itu. Kong waktu itu jo, tu anak iko bae.</div><div class="p"> 19Abis itu, Yesus pe murit-murit pi badekat pa Dia waktu Dia sandiri, kong dorang batanya, &#8220;Guru, kiapa dang torang nyanda dapa user tu setang itu?&#8221;</div><div class="p"> 20 # 
 Mat. 21:21; Mrk. 11:23; 1Kor. 13:2 Kong Yesus manyao pa dorang, &#8220;Ngoni nyanda mampu mo user tu setang itu lantaran ngoni nyanda talalu percaya pa Tuhan. Mar Kita bilang pa ngoni, biar lei tu ngoni pe percaya itu de pe basar cuma sama deng tu biji yang paling kacili, ngoni bole bilang pa tu gunung ini bagini, &#8216;Pinda jo ka sana!&#8217; pasti tu gunung ini mo pinda ka sana. Jadi samua ngoni bole mo beking, asal ngoni percaya. [21Mar ngoni lei musti tau, tu setang rupa itu nyanda mampu ngoni mo user kalu ngoni nyanda basombayang deng bapuasa.]&#8221;</div><div class="s">Yesus kase tau kadua kali kalu Dia mo mati</div><div class="r">(Mrk. 9:30-32; Luk. 9:43-45)</div><div class="p"> 22Waktu Yesus deng De pe murit-murit da bakumpul di Galilea, Yesus babilang pa dorang, &#8220;Nanti ada orang yang mo srahkan tu Anak Manusia pa orang-orang yang berkuasa. 23Kong dorang mo bunung pa Dia, mar di hari katiga Dia mo hidop ulang.&#8221;</div><div class="p">Waktu tu murit-murit dengar tu Yesus da bilang, dong pe hati jadi sedi skali.</div><div class="s">Yesus kase tau tentang babayar pajak for tu Ruma Ibada Pusat</div><div class="p"> 24 # 
 Kel. 30:13, 38:26 Waktu Yesus deng De pe murit-murit sampe di Kapernaum, tu petugas pajak dari Ruma Ibada Pusat datang pa Petrus kong batanya pa dia, &#8220;Bapak, apa bapak pe Guru ja babayar pajak for tu Ruma Ibada Pusat?&#8221;</div><div class="p"> 25Kong Simon Petrus manyao pa dorang, &#8220;Iyo, Dia ja babayar no.&#8221;</div><div class="p">Waktu Simon Petrus maso ka ruma, Yesus batanya lebe dulu pa dia, &#8220;Simon, kalu iko ngana, sapa yang musti babayar pajak pa raja-raja yang pegang kuasa di dunia ini? Dorang pe rakyat sandiri ato orang-orang asing?&#8221;</div><div class="p"> 26Kong Petrus manyao pa Yesus, &#8220;Tu musti babayar pajak, tantu katu tu orang asing.&#8221;</div><div class="p">Trus Yesus bilang pa dia, &#8220;Butul itu. Jadi tu dorang pe anak sandiri nyanda perlu babayar pajak. 27Torang lei nyanda perlu bayar pajak, mar supaya tu orang di Ruma Ibada Pusat nyanda tersinggung, ngana pigi jo ka danau for bapancing ikang. Ngana ambe tu ikang pertama tu ngana da dapa, kong buka tu ikang itu pe mulu. Di situ ngana mo dapa doi perak yang de pe nilai ampa hari orang karja. Ngana ambe jo tu doi itu kong pi bayar jo pa dorang tu torang dua pe pajak.&#8221;</div>
 </div>
 </div>
</div>

Perjanjian Baru Bahasa Manado @ Lembaga Alkitab Indonesia 2017

Serta so lewat anam hari, Yesus bawa pa Petrus, Yakobus deng Yohanes tu dua kaka ade sama-sama deng Dia ka satu gunung tinggi, di situ cuma ada dorang. Waktu itu, dorang tiga lia Yesus so bruba jadi laeng. Yesus pe muka basinar sama deng matahari kong Dia pe baju jadi puti mangkilat. Kong dorang tiga lia muncul tu nabi Musa deng nabi Elia da bacirita deng Yesus. Trus Petrus babilang pa Yesus, “Guru, pe snang skali torang ada di sini. Kalu Guru suka, kita mo kase badiri akang tiga sabua: satu for Guru, satu for Musa, deng satu for Elia.”
Waktu Petrus masi bacirita, kage-kage turung awan yang trang kong tutu pa dorang. Trus dari dalam awan itu dapa dengar suara bagini, “Ini tu Kita pe Anak, Kita sayang pa Dia. Dia beking Kita pe hati snang. Badengar jo pa Dia!”
Waktu tu tiga murit itu dengar tu suara, dorang jadi tako skali sampe taplaka ka tana. Mar Yesus badekat pa dorang, Dia pegang pa dorang kong babilang, “Badiri jo, jang ngoni tako!” Waktu dorang angka dong pe kapala, dorang so nyanda lia orang laeng di situ, kurang Yesus tu ada di situ.
Kong waktu dorang samantara turung dari tu gunung, Yesus bapesan pa dorang, “Ngoni jang dulu kase cirita pa sapa-sapa apa tu ngoni da lia tadi! Nanti kalu tu Anak Manusia so hidop ulang dari antara orang mati baru ngoni bole kase cirita itu.”
Kong Yesus pe murit-murit batanya pa Dia, “Kiapa tu ahli-ahli Taurat da bilang kalu nabi Elia musti datang lebe dulu dari tu Anak Manusia?”
Yesus manyao, “Memang, nabi Elia musti datang lebe dulu kong kase siap samua for Tuhan mo datang. Mar Kita bilang pa ngoni, tu Elia yang torang orang Israel da tunggu-tunggu, dia itu so datang. Mar orang-orang nyanda kanal pa dia, dorang tare cuma da beking iko dong pe suka pa dia, bagitu lei pa Anak Manusia dorang mo beking Dia mendrita.”
Pe dengar itu, Yesus pe murit-murit mangarti kalu nabi Elia yang Yesus pe maksut itu, tu Yohanes Pembaptis.


Waktu Yesus deng Dia pe tiga murit babale di tampa orang banya itu, ada satu laki-laki badekat pa Yesus kong berlutut di muka pa Dia, trus babilang, “Bapak, tolong kasiang akang tu kita pe anak laki-laki! Dia da saki mati-mati ayam kong so mendrita skali. Kalu de pe saki so datang, dia amper slalu jatung ka api ato ka aer. Dia itu kita so bawa pa Bapak pe murit-murit, mar dorang nyanda mampu kase bae pa dia.”
Kong Yesus bilang, “Hei ngoni orang-orang yang nyanda percaya deng yang sesat! Mo sampe tempo apa Kita musti tinggal di tenga-tenga pa ngoni? Kong mo sampe tempo apa Kita mo basabar pa ngoni? Bawa jo kamari tu anak itu!”
Waktu dorang so bawa tu anak itu pa Yesus, Yesus togor deng kras tu setang, trus tu setang kaluar dari tu anak itu. Kong waktu itu jo, tu anak iko bae.
Abis itu, Yesus pe murit-murit pi badekat pa Dia waktu Dia sandiri, kong dorang batanya, “Guru, kiapa dang torang nyanda dapa user tu setang itu?”
Kong Yesus manyao pa dorang, “Ngoni nyanda mampu mo user tu setang itu lantaran ngoni nyanda talalu percaya pa Tuhan. Mar Kita bilang pa ngoni, biar lei tu ngoni pe percaya itu de pe basar cuma sama deng tu biji yang paling kacili, ngoni bole bilang pa tu gunung ini bagini, ‘Pinda jo ka sana!’ pasti tu gunung ini mo pinda ka sana. Jadi samua ngoni bole mo beking, asal ngoni percaya. [Mar ngoni lei musti tau, tu setang rupa itu nyanda mampu ngoni mo user kalu ngoni nyanda basombayang deng bapuasa.]”


Waktu Yesus deng De pe murit-murit da bakumpul di Galilea, Yesus babilang pa dorang, “Nanti ada orang yang mo srahkan tu Anak Manusia pa orang-orang yang berkuasa. Kong dorang mo bunung pa Dia, mar di hari katiga Dia mo hidop ulang.”
Waktu tu murit-murit dengar tu Yesus da bilang, dong pe hati jadi sedi skali.

Waktu Yesus deng De pe murit-murit sampe di Kapernaum, tu petugas pajak dari Ruma Ibada Pusat datang pa Petrus kong batanya pa dia, “Bapak, apa bapak pe Guru ja babayar pajak for tu Ruma Ibada Pusat?”
Kong Simon Petrus manyao pa dorang, “Iyo, Dia ja babayar no.”
Waktu Simon Petrus maso ka ruma, Yesus batanya lebe dulu pa dia, “Simon, kalu iko ngana, sapa yang musti babayar pajak pa raja-raja yang pegang kuasa di dunia ini? Dorang pe rakyat sandiri ato orang-orang asing?”
Kong Petrus manyao pa Yesus, “Tu musti babayar pajak, tantu katu tu orang asing.”
Trus Yesus bilang pa dia, “Butul itu. Jadi tu dorang pe anak sandiri nyanda perlu babayar pajak. Torang lei nyanda perlu bayar pajak, mar supaya tu orang di Ruma Ibada Pusat nyanda tersinggung, ngana pigi jo ka danau for bapancing ikang. Ngana ambe tu ikang pertama tu ngana da dapa, kong buka tu ikang itu pe mulu. Di situ ngana mo dapa doi perak yang de pe nilai ampa hari orang karja. Ngana ambe jo tu doi itu kong pi bayar jo pa dorang tu torang dua pe pajak.”

နားေထာင္ပါ။ Matius 17