If you have would like a copy of this version please contact info@davarpartners.org

Ekegusii Revised Bible

<div class="version vid2940 iso6393guz" data-vid="2940" data-iso6393="guz">
 <div class="book bkGEN">
 <div class="chapter ch18" data-usfm="GEN.18">
 <div class="label">18</div><div class="s1">Aburaamu okorierwa eira naende konyora omwana</div><div class="p"> 1Omonene akaorokera Aburaamu ase emete enga buna Emealuni agwo Mamure, ekero Aburaamu aikaransete gesieri ki&#8217;eema yaye, engaki y&#8217;omobaso omoororo. 2#Abaibr 13:2Agwo akaimokereria amaiso aye igoro, akarora abanto batato bateneine bosio bwaye. Ekero abarora, akaminyoka korwa gesieri ki&#8217;eema, agachia kobarotota, agatung&#8217;ama inse, 3akabora: &#8220;Omonene one, onye nanyorire ogwancherwa ase obosio bwao, tong&#8217;etaania inche, omosomba oo. 4Tiga morenterwe amaache make, mwesibie amagoro, na motimokere aa ase ekiriiri ki&#8217;omote oyo. 5Inche imbarentere endagera inke morie, erio monyore chinguru; erio momanye kogenderera gochia ase mware kogenda, naki aase aiga mwaeta mbwone, inche omosomba oino.&#8221;</div><div class="p">Bakamoteebia: &#8220;Gaki, kora buna gwateeba.&#8221;</div><div class="p"> 6Ase igo, Aburaamu akaayerera, agasoa eema ime agwo ase Sara arenge, akamoteebia: &#8220;Renta bwango obosie, ebirengo bitato, obokonye, oroisie emegati.&#8221; 7Erio Aburaamu akaminyoka getii ase riicho riaye, akarenta emori engiya, enoru, enterere, akayea omosomba oye, akamoteebia: &#8220;Yeroisie bwango, orente.&#8221; 8Akabogoria amaguta, na amabeere, ne chinyama chi&#8217;emori eria aroisetie, agaterekera abageni baria. Ere agatenena ase bare ensemo ase ekiriiri ki&#8217;omote, ekero baare koragera.</div><div class="p"> 9Barabwo bakamobooria: &#8220;Ng&#8217;ai Sara mokao are?&#8221;</div><div class="p">Ere akabairaneria: &#8220;Neema ime are.&#8221;</div><div class="p"> 10 # 
 Abar 9:9
 Omonene akamoteebia: &#8220;Amaene, inche ning&#8217;irane asore omwaka ogocha engaki enga buna eye, na ninyore ng&#8217;a Sara mokao onyorire omwana omoisia.&#8221;</div><div class="p">Ko erio Sara nigo ategererete gesieri ki&#8217;eema yareenge magega y&#8217;Omonene. 11Bono Aburaamu na Sara konya bagotire mono, baetanirie emiaka y&#8217;obosae, na Sara konya oeteire emiaka y&#8217;okonyora abana. 12#1 Petr 3:6Ase ayio, Sara agaseka ase omoyo oye ime, ogoteeba: &#8220;Buna inde omogotu iga, na omosacha one nere ogotire, naki eranyarekane inyore omogooko oyio?&#8221;</div><div class="p"> 13Omonene akabooria Aburaamu: &#8220;Ninki Sara agosekera, ogoteeba: Inche amaene ninyibore omwana buna nagotire iga? 14#Luk 1:37Ing&#8217;ana ki rire rikong&#8217;u igo riramosinye Omonene? Engaki ndairane asore ase omwaka ogocha, engaki enga buna eye, ninyore ng&#8217;a Sara onyorire omwana omoisia.&#8221;</div><div class="p"> 15Sara agakana, agateeba: &#8220;Inche tinsegeti,&#8221; naki nigo noboete.</div><div class="p">Omonene akamoteebia: &#8220;Taibo; korende aye ngwaseka.&#8221;</div><div class="s1">Aburaamu ogosabera abanto ba Sodomu</div><div class="p"> 16Erio abanto abwo bakaimoka korwa agwo, bakagenda, bakaba barigereretie gochia Sodomu, na Aburaamu akagenda amo nabarabwo, akabakooba. 17Omonene agateeba: &#8220;Inee! Imobise Aburaamu ring&#8217;ana ngochia gokora, 18ekero ndoche ng&#8217;a ngochia are koba egesaku ekenene gie chinguru, na ebisaku bionsi bi&#8217;ense inabisesenigwe goetera asare? 19Naki namochorire#18:19 namochorire: Ase Ekeiberania erieta ritumegete namomanyire, ng&#8217;a ere arue ogochika gochia ase abana baye na bonsi abagotoka enka yaye, na baria abarache koiborwa korwa magega yaye, babwatie enchera y&#8217;Omonene, bakore oboronge na ekeene, erinde Omonene aikeranerie Aburaamu, onsi aya amorierete eira.&#8221;</div><div class="p"> 20Naende Omonene agateeba: &#8220;Ekiagera ekerero gia Sodomu na Gomora nekenene, na ebibe biabo biamentekire mono, 21nigo ndaike gochia inse, indore onye bakorire amabe amange buna ekerero eke kiang&#8217;ikeire kegoteeba; onye taibo, nimanye ayio.&#8221;</div><div class="p"> 22Erio abanto baria bakarwa agwo, bakagenda gochia Sodomu, korende Aburaamu agatigara oteneine agwo ase obosio bw&#8217;Omonene. 23Aburaamu agasuka gochia ase Omonene, akamobooria: &#8220;Inee! Amaene, nigo orasirie abanyene oboronge amo nabakori amabe? 24Aande ase omochie oria abanyene oboronge emerongo etano mbakareo, nigo orayosirie, gose noyororere amaabera ase engencho y&#8217;abwo abanyene oboronge emerongo etano? 25Yaya gaki teeba boigo, ekeene, nosirie abanyene oboronge nabakori amabe amo? Omonyene oboronge tagokorerwa buna abakori amabe! Inee! Aye Omogambi omonene bw&#8217;ense engima notige gokora ayare y&#8217;oboronge!&#8221;</div><div class="p"> 26Omonene akamoteebia: &#8220;Inse konyora abanyene oboronge emerongo etano ase omochie oria o Sodomu, rirorio nigo ndatige gosiria omochie aria ase engencho y&#8217;abwo, abaronge.&#8221;</div><div class="p"> 27Aburaamu akairaneria: &#8220;Rigereria, ningendererete gokwana n&#8217;Omonene, nonya inche inde orotu rw&#8217;amaroba, na eriibu bosa. 28Aande ase baria emerongo etano baise koba batano tibaiyo, abanyene oboronge, Inee, nosarie omochie ekiagera batano tibaiyo?&#8221;</div><div class="p">Nyasae akairaneria: &#8220;Tingosaria omochie, kondarore agwo emerongo ene, na batano.&#8221;</div><div class="p"> 29Aburaamu akagenderera naende gokwana nere: &#8220;Aande baraisa kororekana rende emerongo ene?&#8221;</div><div class="p">Nyasae akairaneria: &#8220;Ase engencho y&#8217;abwo emerongo ene, tingosaria omochie.&#8221;</div><div class="p"> 30Aburaamu akabora: &#8220;Omonene, koranche, tobaisa kombea nainche, ningendererete gokwana naye. Aande barabaisa konyorekana rende emerongo etato?&#8221;</div><div class="p">Omonene akairaneria: &#8220;Tingosaria omochie oria, inse konyora mbare emerongo etato aroro.&#8221;</div><div class="p"> 31Aburaamu akabora: &#8220;Rora, ningendererete gokwana n&#8217;Omonene. Baise konyorekana rende emerongo ebere?&#8221;</div><div class="p">Omonene akairaneria: &#8220;Ase engencho y&#8217;abwo emerongo ebere, tingosaria omochie.&#8221;</div><div class="p"> 32Aburaamu akamobooria naende: &#8220;Omonene, tobaisa kombea, bono ndimo rioka ngokoboria, barachia konyorekana rende ikomi boka?&#8221;</div><div class="p">Nyasae akairaneria: &#8220;Tingosaria omochie, inse konyora agwo ikomi boka.&#8221; 33Ekero Omonene akoorete gokwana na Aburaamu, akagenda; na Aburaamu akairana bwoye.</div>
 </div>
 </div>
</div>

Omonene akaorokera Aburaamu ase emete enga buna Emealuni agwo Mamure, ekero Aburaamu aikaransete gesieri ki’eema yaye, engaki y’omobaso omoororo. Agwo akaimokereria amaiso aye igoro, akarora abanto batato bateneine bosio bwaye. Ekero abarora, akaminyoka korwa gesieri ki’eema, agachia kobarotota, agatung’ama inse, akabora: “Omonene one, onye nanyorire ogwancherwa ase obosio bwao, tong’etaania inche, omosomba oo. Tiga morenterwe amaache make, mwesibie amagoro, na motimokere aa ase ekiriiri ki’omote oyo. Inche imbarentere endagera inke morie, erio monyore chinguru; erio momanye kogenderera gochia ase mware kogenda, naki aase aiga mwaeta mbwone, inche omosomba oino.”
Bakamoteebia: “Gaki, kora buna gwateeba.”
Ase igo, Aburaamu akaayerera, agasoa eema ime agwo ase Sara arenge, akamoteebia: “Renta bwango obosie, ebirengo bitato, obokonye, oroisie emegati.” Erio Aburaamu akaminyoka getii ase riicho riaye, akarenta emori engiya, enoru, enterere, akayea omosomba oye, akamoteebia: “Yeroisie bwango, orente.” Akabogoria amaguta, na amabeere, ne chinyama chi’emori eria aroisetie, agaterekera abageni baria. Ere agatenena ase bare ensemo ase ekiriiri ki’omote, ekero baare koragera.
Barabwo bakamobooria: “Ng’ai Sara mokao are?”
Ere akabairaneria: “Neema ime are.”
Omonene akamoteebia: “Amaene, inche ning’irane asore omwaka ogocha engaki enga buna eye, na ninyore ng’a Sara mokao onyorire omwana omoisia.”
Ko erio Sara nigo ategererete gesieri ki’eema yareenge magega y’Omonene. Bono Aburaamu na Sara konya bagotire mono, baetanirie emiaka y’obosae, na Sara konya oeteire emiaka y’okonyora abana. Ase ayio, Sara agaseka ase omoyo oye ime, ogoteeba: “Buna inde omogotu iga, na omosacha one nere ogotire, naki eranyarekane inyore omogooko oyio?”
Omonene akabooria Aburaamu: “Ninki Sara agosekera, ogoteeba: Inche amaene ninyibore omwana buna nagotire iga? Ing’ana ki rire rikong’u igo riramosinye Omonene? Engaki ndairane asore ase omwaka ogocha, engaki enga buna eye, ninyore ng’a Sara onyorire omwana omoisia.”
Sara agakana, agateeba: “Inche tinsegeti,” naki nigo noboete.
Omonene akamoteebia: “Taibo; korende aye ngwaseka.”

Erio abanto abwo bakaimoka korwa agwo, bakagenda, bakaba barigereretie gochia Sodomu, na Aburaamu akagenda amo nabarabwo, akabakooba. Omonene agateeba: “Inee! Imobise Aburaamu ring’ana ngochia gokora, ekero ndoche ng’a ngochia are koba egesaku ekenene gie chinguru, na ebisaku bionsi bi’ense inabisesenigwe goetera asare? Naki namochorire, ng’a ere arue ogochika gochia ase abana baye na bonsi abagotoka enka yaye, na baria abarache koiborwa korwa magega yaye, babwatie enchera y’Omonene, bakore oboronge na ekeene, erinde Omonene aikeranerie Aburaamu, onsi aya amorierete eira.”
Naende Omonene agateeba: “Ekiagera ekerero gia Sodomu na Gomora nekenene, na ebibe biabo biamentekire mono, nigo ndaike gochia inse, indore onye bakorire amabe amange buna ekerero eke kiang’ikeire kegoteeba; onye taibo, nimanye ayio.”
Erio abanto baria bakarwa agwo, bakagenda gochia Sodomu, korende Aburaamu agatigara oteneine agwo ase obosio bw’Omonene. Aburaamu agasuka gochia ase Omonene, akamobooria: “Inee! Amaene, nigo orasirie abanyene oboronge amo nabakori amabe? Aande ase omochie oria abanyene oboronge emerongo etano mbakareo, nigo orayosirie, gose noyororere amaabera ase engencho y’abwo abanyene oboronge emerongo etano? Yaya gaki teeba boigo, ekeene, nosirie abanyene oboronge nabakori amabe amo? Omonyene oboronge tagokorerwa buna abakori amabe! Inee! Aye Omogambi omonene bw’ense engima notige gokora ayare y’oboronge!”
Omonene akamoteebia: “Inse konyora abanyene oboronge emerongo etano ase omochie oria o Sodomu, rirorio nigo ndatige gosiria omochie aria ase engencho y’abwo, abaronge.”
Aburaamu akairaneria: “Rigereria, ningendererete gokwana n’Omonene, nonya inche inde orotu rw’amaroba, na eriibu bosa. Aande ase baria emerongo etano baise koba batano tibaiyo, abanyene oboronge, Inee, nosarie omochie ekiagera batano tibaiyo?”
Nyasae akairaneria: “Tingosaria omochie, kondarore agwo emerongo ene, na batano.”
Aburaamu akagenderera naende gokwana nere: “Aande baraisa kororekana rende emerongo ene?”
Nyasae akairaneria: “Ase engencho y’abwo emerongo ene, tingosaria omochie.”
Aburaamu akabora: “Omonene, koranche, tobaisa kombea nainche, ningendererete gokwana naye. Aande barabaisa konyorekana rende emerongo etato?”
Omonene akairaneria: “Tingosaria omochie oria, inse konyora mbare emerongo etato aroro.”
Aburaamu akabora: “Rora, ningendererete gokwana n’Omonene. Baise konyorekana rende emerongo ebere?”
Omonene akairaneria: “Ase engencho y’abwo emerongo ebere, tingosaria omochie.”
Aburaamu akamobooria naende: “Omonene, tobaisa kombea, bono ndimo rioka ngokoboria, barachia konyorekana rende ikomi boka?”
Nyasae akairaneria: “Tingosaria omochie, inse konyora agwo ikomi boka.” Ekero Omonene akoorete gokwana na Aburaamu, akagenda; na Aburaamu akairana bwoye.

နားေထာင္ပါ။ Omochakano 18