Chorote, Iyojwa’ja: Nuevo Testamento Chorote Iyojwa'ja 1997

Texto Nuevo Testamento: Chorote, Iyojwa’ja © Sociedad Bíblicas Unidas 1997 www.sba.org.ar/web/ Grabación de Chorote, Iyojwa’ja ℗ 2021 Hosanna

Sinia' Jlamtis 1997

<div class="version vid371 iso6393crt" data-vid="371" data-iso6393="crt">
 <div class="book bkJHN">
 <div class="chapter ch10" data-usfm="JHN.10">
 <div class="label">10</div><div class="s">Siunie sontas jiwo siu'neje niwa jiliajwas</div><div class="p"> 1Jes&#250;s paj ti iyoye'eje 'ate:</div><div class="p">&#8212;Ijiate, ijiatk'i siunie jayo ti awo'ate, siunie ti je iniuyi ni jika 'wuk kiwet jana sontas ji'wuk, ti i'yujli wek paka'a, 'yina nak kajlajnata jla'yi ti kalankijieta. 2Jlam ni iniuyi ni jika 'wuk kiwet jana sontas ji'wuk, nak ijiate ti jiwoyiji niwa sontas. 3Siunie jiwo ni 'wuk kiwet 'yajlinitia'm k'iye, sekyi'i ni sontas jiwo tanayits'i puwa jiliajwas siupi jle' ijio'we, ijwienjlik'i'ni. Jlamtis iyo pi jika'niona itiant'iejesk'i. Sekyi'i ti yamayi ti tajlaja'm japa ji'wuk. 4I'ye'en ti pajlat kisie'eyi sekyi'i ti yama ti iniank'iye, yamayisk'i pet pi jika'niona, kajeyepa ti itiant'iek'i pi jla'lap iyo pi jika'niona. 5Jlajmiliet pet siunie i'nio' ti je ijiat ka jiwoye, je yamisk'i, 'wenajliyi ti je ijwiyisie, 'yina kajeyepa ti je itiant'iejesk'i pi jlamtis iyo.</div><div class="p"> 6Jes&#250;s yijnapeje jiwekie'e ti kia'iyo ka intejnisisk'i wata'a siojo iyontaja japo i'nio'. 7Jes&#250;s yikiajlayi'iji ti iyone'ate japo i'nio':</div><div class="p">&#8212;Ijiate, ijiatk'i siunie ti jayo'ate, ya'am siunie 'wuk kiwet siunie iniuyi'ni niwa sontas. 8Wikie'eyi siupapo iniant'i'nijpe its'ioye papok kajlajnatas, jla'yi ti kalankijietas. Siuniwa sontas je its'iuye. 9Ijiate, ya'm 'wuk kiwetk'i'm. Siunie i'nio' ni ja'noyi nak 'wuk kiwet, nak janjwayepe. Janwoyena'a 'ate jana 'wolepo' ti ijiojwa'm, ni'ne ti iniu kisie'e, jan'we'en niwa jop siunie jlak. 10Siunie i'nio' kajlajnata, je 'wena pet paka name siunie jikajlajnaye, jla'yi ni jikalankijieye siu'neje ti initiajnat pa. Yam je awoyeyi ti ana'am, ana'am ka jlam kiakatajak'i ka ji'wasankiye poye napo i'nio'.</div><div class="s">Jes&#250;s nak sontas jiwo ti 'es</div><div class="p"> 11&#8220;Ya'am sontas jiwok'i'm siunie ti 'es. Siunie sontas jiwo ti 'es iniwe'n ape'e k'iye niwa jiliajwas. 12I'nio' ni jikaja 'nejie'e wekie'e jana i'ye'en, i'wi'in ilia'm siunie k'iwajla, jlamsek iliyeyi'i wekie niwa sontas ti yamata ti i'yilta'n. Sekyi'i siupi k'iwajla t'ekiyeja'm, jlamsek ijiutiek'i'ni niwa sontas. 'Yaka je jiwo, jla'yi ti je jiliajwas, 13kajeyepa ti najata jla'am ti i'ye'en jana jikaja, 'yina je niwaka'ne kan'ye'en niwa sontas.</div><div class="p"> 14-15&#8220;Ya'am siunie sontas jiwok'i'm siunie ti 'es.#Is 40.11; Ez 34; Lc 15.4-5; Heb 13.20 Iyoye'ate ni Inia' ti itiant'iek'i, jla'yi ti ya'am sitiant'ieje.#Mt 11.27 'Yina kiak awone niwa iliajwas sitiant'ieje jla'yi ti itiant'iejesk'i peyit. Aniwe'n ape'e niwa iliajwas. 16'Yina kia'iyo po'neje siuniwa iliajwas ji'wuk 'wenayi, ti je ijiat ka je iniame. Je ijiat ka je ink'iuyisk'i'm siunie jayone, sekjane'yi ka ji'wet ijwienkitana'a, injwanjliyena'a siunie jiwo ti jan'yena.#Ef 2.11-22</div><div class="p"> 17&#8220;Siunie Inia' 'namak'i kajeyepa ti je e'n jana i'wiesankiye, pi jlomas janojwa'm janapik'i. 18Ijiate, ja ke pakaye siupi jasitiajnat ti ja silia'an, lapakawo ti yam ya'am ti talk'i. Siunie awo ti kia'awo. Lapakawo ti nak tijniejietak'i'm pet, siunie ti je e'n jana i'wiesankiye jla'yi siunie ti janapik'i ka netieje siojona jloma, 'yina nak iyotaja ka iyo ni Inia'.&#8221;</div><div class="p"> 19Siojopo Jud&#237;ojos ti ipi'yayisie ti kia'iyo, yikiajlayi'iji ti jlampa iyots'i'ni, 'yaka je ijniujlits'i. 20'Loj japo iyo'ate:</div><div class="p">&#8212;&#191;Yot'iyi'ni ti jik'iuyeyi, ti imosik yiji, jitiej je 'es?</div><div class="p"> 21'Yina po' japo ijia iyo'ate:</div><div class="p">&#8212;Jejie'e kia'iyo pa ti ijiate ti jitiej je 'es puwaka jlamtisie, jla'yi ti ka kia'iwo paka injwajiet paka talokie.</div><div class="s">Jud&#237;ojos 'yakawonisie pa Jes&#250;s</div><div class="p"> 22Ki iyo ti wi'yitiepata pa yi'i jlaja Jerusal&#233;n. Jakiak siojokia jloma ti jitiej iyunitietajask'i siojokia jloma ti tekiajlat'ipi pijia'm siujlieja 'najla'wet ti Sinia' yikiajlayi'iji ti ilisa'n. 23Jes&#250;s sekyi'i yi'i jlaja 'najla'wet, yikiajli'ni ts'e yi'i ja Salom&#243;n jika 'wuk kiwet. 24Jud&#237;ojos nojwayisiji ja Jes&#250;s ti iyonisi 'ate:</div><div class="p">&#8212;&#191;Tepat'iyi ka anijwelts'e'm ka ama siupi Injwajieti ti Sinia' jijliujwanik? Jlam woni'ni 'ate: nijwelts'e'm.</div><div class="p"> 25Isiujlie japo ti iyo'ate:</div><div class="p">&#8212;Pajatak'i ti anijwe'lase'm, 'yina sakakiuye. Ka lajak'i niwa Inia' jlamtis, niwak 'yakajanit itipe'e ti ya'am, siuniwa wask'i'nelaja alesane. 26'Yina sakakiuye kajeyepa ti je asa'am siuniwa iliajwas sontas. 27Siuniwa iliajwas siuniwa yamtis iyo itiant'iek'i, jla'yi ti ya'am sitiant'ieje. Namayis ijyik'i pi ajojwi. 28Siojona ji'wasankiye ti laj jlaja ajwankitamk'i, ja ke paja ka netia'n. Ja ke talak'i ka paja. 29Siuniwa Inia' iwink'i'm, 'yaka'm ape'e niwa ijia wask'i'nelaja, ti je ti'niejenaja ka talaja. 30Siunie Inia' jla'yi ti ya'am kasjwanjli.</div><div class="p"> 31Siojopo Jud&#237;ojos ti ipi'yayeyis ja Jes&#250;s ti kia'iyo, yikiajlayisi'iji ti isimisie jawa sisajas ti iyotajas ka intatisiji'n. 32'Yina Jes&#250;s iyo'ne 'ate:</div><div class="p">&#8212;Je pini' siuniwa wask'i'nelaja ti isis alesane astayi'i, ti a'wenki'nase'm, Inia' jweye akiene. &#191;Tepat'e yi'i niwaka siupi jitiajlatak'i'm ti jiwoyeyi ka sisajas sitietayiji'n?</div><div class="p"> 33Siojopo Jud&#237;ojos iyo'ne 'ate ti isiujlieyisie:</div><div class="p">&#8212;Je'ne ka niwakaye siuniwa isis ti jilisane ka itiajlata'a'm ti sisajas jota itietajaja'n. Siunie atajlata'a'm naka ti jiliaki pi Sinia'. I'nioyeta'ame ti jiniwojwan'ni Siniaye.</div><div class="p"> 34Jes&#250;s isiujlie ti iyo'ate:</div><div class="p">&#8212;Sinia' iyo'ate ti yi'i niwa inlesajnat'ipi, &#8220;Asa'am diosists'ase'm.&#8221;#Sal 82.6 35Ijiatjliyi, a'wena ti Sinia' yamite'e ti kia'iyo &#8220;diosists'ase'm&#8221; siupapo ijniejiet'ek'i ka injwe'el pet siupi jika'niye pi Sinia', jla'yi ti jlam je iyo niwa inamtis je takakiunieje. 36'Yina kia'awo'ni pet, Sinia' sot ta'a 'niji ti silisa'n, ti sijliuye ajnat'e. &#191;Yot'iyi'ni ti jijwela' ka iliaki pi Sinia', ti anijwe'el ti awo'ate &#8220;Sinia' Jlask'i'm&#8221;? 37'Yejne'n, siuti ja ke 'yakajli ka ilisane siuniwa Inia' ilisane, k&#225; ak'iuyek'i'm. 38Siuti ja 'yakajli ka ilisane, 'wanjliyi k&#225; akima'yi ijyilia'm, 'yina k&#225; akakiunieyi ni siuniwa alesane, 'nakayi ti ja'najanayi ti jlam je awo Inia' yi' iwia'm, kia'awo pet ajyi ni Inia'.</div><div class="p"> 39Ti ipi'yayis ti kia'iyo ja Jes&#250;s, iyoyetajasijyi ka inkimits'i, jlampa yama ti i'yilta'n. 40Jes&#250;s yapili siojo Juan yine'epe siojopo i'nio' ti iniejiejne'n.#Jn 1.28 Iwiets'ila i'niat ji'wechaja, yi'i siojo tewuk Jord&#225;n; 'yina sek 'wanjle'e'ne. 41Je pini' japo i'nio' ijioyi, iyoyis'ne 'ate ti jitiej ijiutisie:</div><div class="p">&#8212;Juan je kia'iyo puwa ka inlesane, 'yina wikie'eyi siuniwa yamtiyi ti ijwi'il 'nak i'nio', jlam je iyo; a'wena ti ijiatk'i.</div><div class="p"> 42Je pini' japo ti je 'yakakiu sekyi'i.</div>
 </div>
 </div>
</div>

Jesús paj ti iyoye'eje 'ate:
—Ijiate, ijiatk'i siunie jayo ti awo'ate, siunie ti je iniuyi ni jika 'wuk kiwet jana sontas ji'wuk, ti i'yujli wek paka'a, 'yina nak kajlajnata jla'yi ti kalankijieta. Jlam ni iniuyi ni jika 'wuk kiwet jana sontas ji'wuk, nak ijiate ti jiwoyiji niwa sontas. Siunie jiwo ni 'wuk kiwet 'yajlinitia'm k'iye, sekyi'i ni sontas jiwo tanayits'i puwa jiliajwas siupi jle' ijio'we, ijwienjlik'i'ni. Jlamtis iyo pi jika'niona itiant'iejesk'i. Sekyi'i ti yamayi ti tajlaja'm japa ji'wuk. I'ye'en ti pajlat kisie'eyi sekyi'i ti yama ti iniank'iye, yamayisk'i pet pi jika'niona, kajeyepa ti itiant'iek'i pi jla'lap iyo pi jika'niona. Jlajmiliet pet siunie i'nio' ti je ijiat ka jiwoye, je yamisk'i, 'wenajliyi ti je ijwiyisie, 'yina kajeyepa ti je itiant'iejesk'i pi jlamtis iyo.
Jesús yijnapeje jiwekie'e ti kia'iyo ka intejnisisk'i wata'a siojo iyontaja japo i'nio'. Jesús yikiajlayi'iji ti iyone'ate japo i'nio':
—Ijiate, ijiatk'i siunie ti jayo'ate, ya'am siunie 'wuk kiwet siunie iniuyi'ni niwa sontas. Wikie'eyi siupapo iniant'i'nijpe its'ioye papok kajlajnatas, jla'yi ti kalankijietas. Siuniwa sontas je its'iuye. Ijiate, ya'm 'wuk kiwetk'i'm. Siunie i'nio' ni ja'noyi nak 'wuk kiwet, nak janjwayepe. Janwoyena'a 'ate jana 'wolepo' ti ijiojwa'm, ni'ne ti iniu kisie'e, jan'we'en niwa jop siunie jlak. Siunie i'nio' kajlajnata, je 'wena pet paka name siunie jikajlajnaye, jla'yi ni jikalankijieye siu'neje ti initiajnat pa. Yam je awoyeyi ti ana'am, ana'am ka jlam kiakatajak'i ka ji'wasankiye poye napo i'nio'.

“Ya'am sontas jiwok'i'm siunie ti 'es. Siunie sontas jiwo ti 'es iniwe'n ape'e k'iye niwa jiliajwas. I'nio' ni jikaja 'nejie'e wekie'e jana i'ye'en, i'wi'in ilia'm siunie k'iwajla, jlamsek iliyeyi'i wekie niwa sontas ti yamata ti i'yilta'n. Sekyi'i siupi k'iwajla t'ekiyeja'm, jlamsek ijiutiek'i'ni niwa sontas. 'Yaka je jiwo, jla'yi ti je jiliajwas, kajeyepa ti najata jla'am ti i'ye'en jana jikaja, 'yina je niwaka'ne kan'ye'en niwa sontas.
“Ya'am siunie sontas jiwok'i'm siunie ti 'es. Iyoye'ate ni Inia' ti itiant'iek'i, jla'yi ti ya'am sitiant'ieje. 'Yina kiak awone niwa iliajwas sitiant'ieje jla'yi ti itiant'iejesk'i peyit. Aniwe'n ape'e niwa iliajwas. 'Yina kia'iyo po'neje siuniwa iliajwas ji'wuk 'wenayi, ti je ijiat ka je iniame. Je ijiat ka je ink'iuyisk'i'm siunie jayone, sekjane'yi ka ji'wet ijwienkitana'a, injwanjliyena'a siunie jiwo ti jan'yena.
“Siunie Inia' 'namak'i kajeyepa ti je e'n jana i'wiesankiye, pi jlomas janojwa'm janapik'i. Ijiate, ja ke pakaye siupi jasitiajnat ti ja silia'an, lapakawo ti yam ya'am ti talk'i. Siunie awo ti kia'awo. Lapakawo ti nak tijniejietak'i'm pet, siunie ti je e'n jana i'wiesankiye jla'yi siunie ti janapik'i ka netieje siojona jloma, 'yina nak iyotaja ka iyo ni Inia'.”
Siojopo Judíojos ti ipi'yayisie ti kia'iyo, yikiajlayi'iji ti jlampa iyots'i'ni, 'yaka je ijniujlits'i. 'Loj japo iyo'ate:
—¿Yot'iyi'ni ti jik'iuyeyi, ti imosik yiji, jitiej je 'es?
'Yina po' japo ijia iyo'ate:
—Jejie'e kia'iyo pa ti ijiate ti jitiej je 'es puwaka jlamtisie, jla'yi ti ka kia'iwo paka injwajiet paka talokie.

Ki iyo ti wi'yitiepata pa yi'i jlaja Jerusalén. Jakiak siojokia jloma ti jitiej iyunitietajask'i siojokia jloma ti tekiajlat'ipi pijia'm siujlieja 'najla'wet ti Sinia' yikiajlayi'iji ti ilisa'n. Jesús sekyi'i yi'i jlaja 'najla'wet, yikiajli'ni ts'e yi'i ja Salomón jika 'wuk kiwet. Judíojos nojwayisiji ja Jesús ti iyonisi 'ate:
—¿Tepat'iyi ka anijwelts'e'm ka ama siupi Injwajieti ti Sinia' jijliujwanik? Jlam woni'ni 'ate: nijwelts'e'm.
Isiujlie japo ti iyo'ate:
—Pajatak'i ti anijwe'lase'm, 'yina sakakiuye. Ka lajak'i niwa Inia' jlamtis, niwak 'yakajanit itipe'e ti ya'am, siuniwa wask'i'nelaja alesane. 'Yina sakakiuye kajeyepa ti je asa'am siuniwa iliajwas sontas. Siuniwa iliajwas siuniwa yamtis iyo itiant'iek'i, jla'yi ti ya'am sitiant'ieje. Namayis ijyik'i pi ajojwi. Siojona ji'wasankiye ti laj jlaja ajwankitamk'i, ja ke paja ka netia'n. Ja ke talak'i ka paja. Siuniwa Inia' iwink'i'm, 'yaka'm ape'e niwa ijia wask'i'nelaja, ti je ti'niejenaja ka talaja. Siunie Inia' jla'yi ti ya'am kasjwanjli.
Siojopo Judíojos ti ipi'yayeyis ja Jesús ti kia'iyo, yikiajlayisi'iji ti isimisie jawa sisajas ti iyotajas ka intatisiji'n. 'Yina Jesús iyo'ne 'ate:
—Je pini' siuniwa wask'i'nelaja ti isis alesane astayi'i, ti a'wenki'nase'm, Inia' jweye akiene. ¿Tepat'e yi'i niwaka siupi jitiajlatak'i'm ti jiwoyeyi ka sisajas sitietayiji'n?
Siojopo Judíojos iyo'ne 'ate ti isiujlieyisie:
—Je'ne ka niwakaye siuniwa isis ti jilisane ka itiajlata'a'm ti sisajas jota itietajaja'n. Siunie atajlata'a'm naka ti jiliaki pi Sinia'. I'nioyeta'ame ti jiniwojwan'ni Siniaye.
Jesús isiujlie ti iyo'ate:
—Sinia' iyo'ate ti yi'i niwa inlesajnat'ipi, “Asa'am diosists'ase'm.” Ijiatjliyi, a'wena ti Sinia' yamite'e ti kia'iyo “diosists'ase'm” siupapo ijniejiet'ek'i ka injwe'el pet siupi jika'niye pi Sinia', jla'yi ti jlam je iyo niwa inamtis je takakiunieje. 'Yina kia'awo'ni pet, Sinia' sot ta'a 'niji ti silisa'n, ti sijliuye ajnat'e. ¿Yot'iyi'ni ti jijwela' ka iliaki pi Sinia', ti anijwe'el ti awo'ate “Sinia' Jlask'i'm”? 'Yejne'n, siuti ja ke 'yakajli ka ilisane siuniwa Inia' ilisane, ká ak'iuyek'i'm. Siuti ja 'yakajli ka ilisane, 'wanjliyi ká akima'yi ijyilia'm, 'yina ká akakiunieyi ni siuniwa alesane, 'nakayi ti ja'najanayi ti jlam je awo Inia' yi' iwia'm, kia'awo pet ajyi ni Inia'.
Ti ipi'yayis ti kia'iyo ja Jesús, iyoyetajasijyi ka inkimits'i, jlampa yama ti i'yilta'n. Jesús yapili siojo Juan yine'epe siojopo i'nio' ti iniejiejne'n. Iwiets'ila i'niat ji'wechaja, yi'i siojo tewuk Jordán; 'yina sek 'wanjle'e'ne. Je pini' japo i'nio' ijioyi, iyoyis'ne 'ate ti jitiej ijiutisie:
—Juan je kia'iyo puwa ka inlesane, 'yina wikie'eyi siuniwa yamtiyi ti ijwi'il 'nak i'nio', jlam je iyo; a'wena ti ijiatk'i.
Je pini' japo ti je 'yakakiu sekyi'i.

နားေထာင္ပါ။ Juan 10