Konso - 2001 BSE (NT) Drama

<div class="version vid3977 iso6393kxc" data-vid="3977" data-iso6393="kxc">
 <div class="book bkJHN">
 <div class="chapter ch4" data-usfm="JHN.4">
 <div class="label">4</div><div class="s">Yesuusi isho iskatteeta takka a piita Samaariya</div><div class="p"> 1Sitiiyyi Feresaata ka akkima Yesuusi a Yohaannisi qaran qapto orra lekayta tamaarewwaadi kodanno ka pishaan ishootta jaqqino dakayte. 2A koddito ma a pishaan orra jaqina tamaarewwa Yesuusi diisheey, Yesuusi mattaadi pishaan orra jaqqni in co. 3Yesuusi, wa qootaadi desa kidame Fersaata akka dakayte ete upnaadeeyye alle piita Yihuta oppaayye piita Kelila opa tiitaawe. 4Ete piitase a Kelila opa annooyye, piita Samaariya oppan tarpeeta isha parpaaccisni. #uuma 33:19; Iyya 24:32 </div><div class="p"> 5Ikka semmalla katamasene a Samaariya Sikaari kidamma, porase Yayqoopi innaadi Yoosefi daashe kapa ca, opa aane. 6Eyyeeyye ela pisha a Yayqoopi ka ca. Yesuusi qoota poreeyye de'e ka kafade malla, elase kapa'e kuti'e. Sitiiyyi letta saateta lehi mina'e kitta.</div><div class="p"> 7Sitiiyyi iskatteeta takka a Samaariya ka pisha oraapatta elase kapopa deete. Yesuusi ka isheetta kide, &#8220;Pisha ikkayta ana daashe.&#8221; 8Sitiiyyi tamaarewwaadi katamaapa damta pidda aanen. 9Iskatteese a Samaariya ka Yesuusi kiite, &#8220;Atti a Yihutittaay, atta ana iskatteeta a Samaariya qara kaassanni ka kiini &#8216;Pisha ikkayta ana daashe?&#8221; Wa malla asse kiite nefo, qoota orra a Yihuta isho a Samaariya olli kali in kinnin malla. #Issa 4:1-5; Nehi 4:1-2 </div><div class="p"> 10Yesuusi ka isheetta kide, &#8220;Katin daassata Waaqa isho sede ke kiino &#8216;Pisha ikkayta ana daashe&#8217; Ayno akkima kodde upta kiite, helani ke isha qinsanni heene; isha ka pisha caatta ke daanni heene.&#8221;</div><div class="p"> 11Isheetta ka ishi oorisse ka kiite, &#8220;Poqallaay, atti wa ishin oraapnnaane a qaptooy, ela nefo karan xata isekiiy, ka kuli ayshaayye pisha caatta qeetta? 12Hela atti aappinno Yayqoopi a eloose ino daashe qaraayye qapta? Isha ka hellaadi ka horeetaadi piisa eloose karaayyew iken.&#8221;</div><div class="p"> 13Yesuusi ka isheetta oorshe ka kide, &#8220;Nama pishosen ikko piisa, lammatta ideepooda, 14ma nama pisha an anti daanna ikko, haka paraparati lammatta in deepoodo. Pisha an anti daanna, nama ikko kara'e, ela pisha caatta paraparati paadino koddan.&#8221;</div><div class="p"> 15Iskatteese ka ishi kiite, &#8220;Poqallaay, arepa desa akkan pisha'e an deepoonnini'i ka oraapatta'e an deenini'i, atara pishosen asse paha ana daashe.&#8221;</div><div class="p"> 16Yesuusi ka isheetta kide, &#8220;Aane ka diirtaayti hale ka arepan xooye.&#8221;</div><div class="p"> 17Isskatetase ka oorisse ka kiite, &#8220;Anti diirta an qapo.&#8221; Yesuusi ka isheetta kide, &#8220;Sede akkiinitto &#8216;Diirta an qapo&#8217; dukaata lelte. 18Turan, diirta keni qapta ma, amma nama a ke olli co diirtaaytin, semmalla dukaata haasaawatte.&#8221;</div><div class="p"> 19Iskatteetase ka ishi kiite, &#8220;Poqallaay, atti akkima xuumampayta koddite amman upnaade. 20Aappadaanno irroose qarae sakataden. Ishina xoori ikkiinittane &#8216;Orra, Yursaalami kara sakatatta ishootta faani.&#8221;</div><div class="p"> 21Yesuusi ka isheetta kide, &#8220;Iskatteetayti, akkima etaa oppa irroose qara taaki Yursaalami kara Waaqa Aappa, a sakatannin deeto ana amane. 22Ishina Waaqa a upnini'i sakatannittan; ino xoori, dina qoota Yihutaatoppa de'o malla, Waaqa an upno'en sakatanninna. 23Ma xoori, orra dukaatan sakatanno, etaa a oppaayye hapura isho dukaatan Waaqa Aappa sakatadane de'a. Kiseese nefo amma ikayte, Waaqa Aappa orra asaantosetin ishi sakatanno faani. 24Waaqa Hapura, orra ishi sakatanno nefoow, hapura isho dukaatan ishi sakatatta ishootta parpaaccisnni.&#8221;</div><div class="p"> 25Iskatteetase ka ishi kiite, &#8220;Dinshanpaytase a Waaqa reexade Kiristoosi kidammo akkima de'o in upa. Isha oto de'oyye, we piisa ino' lela.&#8221; 26Yesuusi ka isheetta kide, &#8220;Tin se amma ke olli haasawanno anti an isha.&#8221;</div><div class="p"> 27Sitiiyyi tamaarewwaadi ka pora opa aaneneeyye tiitaawen ka de'en ka sede a Yesuusi iskatteeta olli haasawade oppa qawwaawen. a koddito ma, nama isha kaassade ka kide, &#8220;Maana' faani?&#8221; taaki, &#8220;Maana'e isheetta olli haasawanni?&#8221; Takka nefo in co.</div><div class="p"> 28Sekkammaayye iskatteetase ka okkotaadi eyye diisse ka katamaappopa ante ka orra kiite, 29&#8220;Xooya ka nama wa an kode piisa ana' lele tooyya! Hela kati isha, Kiristoosise kodda?&#8221; 30Orra ka katamaappaayye sooke ka Yesuusi kapopa aane.</div><div class="p"> 31Sitiiyyi tamaarewwaadi ka Yesuusi, qinsaden ka kidene, &#8220;Kollissampayto, we shakkaya dame.&#8221; 32Isha xoori i'ishootta kide, &#8220;Anti damta a ishina a upnin, an dammon qapa.&#8221;</div><div class="p"> 33Tamaarewwaadi ka olli kidene, &#8220;Hela kadi nama damtan ishi de'ee?&#8221;</div><div class="p"> 34Yesuusi ka ishootta kide, &#8220;Ha damtiiyyo, henna a isase ana erkeeti kodeeta ka kodaadi dikkissa. 35Ishina a' kiini a' kittane &#8216;Amma desa a fera kayto'e leya afuri ca&#8217; Ma anti in ishina kiini, ela kida ka dulla akka fera kayen tooyya. 36Nama ferro mushshaaraadi akkada ka luukkata a caatta paraparati koddito ollopa qapsada. Semmalla a xotta aylino ka a ferro ollinniiw xasoonni. 37Semmalla deymatteetase kiinaane, &#8216;Takka i'aylini, a pila ka ferri&#8217; dukaata. 38Anti akka wa a ishina kela ayyaallini ferattane'en ishin erke. Orra pila iyaale, ishina xoori wa yaalaaysho kela de'e'e feraten.&#8221;</div><div class="p"> 39Akka iskatteetase maakkumte ka kiite, &#8220;Waan kode piisa ana' lele.&#8221; Katamoosen kara orra Samaariya lekayta ka amane. 40Semmalla ete orra Samaariya Yesuusi kapopa de'eyye, akka ishootta kapa jaro'e isha qinsaden. Isha ka kuyyaata lakki eyye' pire.</div><div class="p"> 41Qaaletaadi minanne, orra pila lekayta ka isha amane. 42Ka iskatteesiti kidine, &#8220;Arepa desa waan malla isha amanninna wa atti ino lelte patta mallanne ma qootan ino mattinno dakayne ka akka dukaatan isha dinshampayta a piita kodde upnaanne malla.&#8221;</div><div class="s">Yesuusi akkima inna saara takkati dinshe</div><div class="p"> 43Yesuusi ete Samaariya kuyyaata lakki pire kammaayye, piita Kelila opa aane. 44Isha mattaadi'i, ihaasawade ka kide, &#8220;Xuumampayta piitaaysho oppa ulfeessaammi in co.&#8221; #Maati 13:57; Maari 6:4; Luqa 4:24 45Ma xoori ete piita Kelila kayeeyye, orra Kelila xasanne isha teyyade. Sede nefo wa malla asse koddite, a xayso nessuma a qaran tarpeetati Yursaalamipa annaaneeyye, qoota wa isha eyye kode piisa akken malla. #Yoha 2:23</div><div class="p"> 46Se kammaayye Yesuusi katamasene a Qaana, piita Kelila kara ca, a oppaayye pisha taadeta wayneeta opa purshe, opa tiitaaweew. Sitiiyyi inna a saara takka a tika mankisteeta'e katama Qifirnahoomi kara paaqni. #Yoha 2:1-11 47Isha ka akkima Yesuusi piita Yihutaati piita Kelila opa de'e dakaye ka isha kapopa aane ka akka katama Qifirnahoomi opa xata lekkado ka innasene xaadi dikke paaqnaa ka toota foolsade dinsho'e Yesuusi qinsade. 48Yesuusi ka ishi kide, &#8220;Ishina haka wa orra qawwanna ka olsa paha akkittan mali, a amanni a kittan.&#8221;</div><div class="p"> 49Saarase ka Yesuusi kide, &#8220;Poqallaay, a innaayyo in toonin turan irra qara xata lekkado.&#8221;</div><div class="p"> 50Yesuusi ka ishi kide, &#8220;Tikaaytipa kale, innaatti icaadaneey.&#8221; Namase ka qaaletase a Yesuusi haasawade amane ka tikaadipa kale. 51Ete kallooyye, orxayaadi poroppa isha mina de'en ka ishi kidene, &#8220;Ha innaatti idinen.&#8221;</div><div class="p"> 52Isha ka saateta a oppaayye inna xaadi dinen ishootta qara kaassade. Ishotta ka ishi kidene, &#8220;Xala saateta tappa qaraayye awdase isha diishe.&#8221; 53Aappa opa inna seneti ka saatetase akkima saatetase a oppa Yesuusi kide, &#8220;Innaatti icaadan&#8221; koddite upnaade. Semmalla awwseti desa paayyatte isha isho toolaadi piisa ka Yesuusi amanen.</div><div class="p"> 54Kodoose orra qawwanno a Yesuusi Yihutaayye Kelilaapa de'eyye kode a lammatta.</div>
 </div>
 </div>
</div>

Sitiiyyi Feresaata ka akkima Yesuusi a Yohaannisi qaran qapto orra lekayta tamaarewwaadi kodanno ka pishaan ishootta jaqqino dakayte. A koddito ma a pishaan orra jaqina tamaarewwa Yesuusi diisheey, Yesuusi mattaadi pishaan orra jaqqni in co. Yesuusi, wa qootaadi desa kidame Fersaata akka dakayte ete upnaadeeyye alle piita Yihuta oppaayye piita Kelila opa tiitaawe. Ete piitase a Kelila opa annooyye, piita Samaariya oppan tarpeeta isha parpaaccisni.
Ikka semmalla katamasene a Samaariya Sikaari kidamma, porase Yayqoopi innaadi Yoosefi daashe kapa ca, opa aane. Eyyeeyye ela pisha a Yayqoopi ka ca. Yesuusi qoota poreeyye de'e ka kafade malla, elase kapa'e kuti'e. Sitiiyyi letta saateta lehi mina'e kitta.
Sitiiyyi iskatteeta takka a Samaariya ka pisha oraapatta elase kapopa deete. Yesuusi ka isheetta kide, “Pisha ikkayta ana daashe.” Sitiiyyi tamaarewwaadi katamaapa damta pidda aanen. Iskatteese a Samaariya ka Yesuusi kiite, “Atti a Yihutittaay, atta ana iskatteeta a Samaariya qara kaassanni ka kiini ‘Pisha ikkayta ana daashe?” Wa malla asse kiite nefo, qoota orra a Yihuta isho a Samaariya olli kali in kinnin malla.
Yesuusi ka isheetta kide, “Katin daassata Waaqa isho sede ke kiino ‘Pisha ikkayta ana daashe’ Ayno akkima kodde upta kiite, helani ke isha qinsanni heene; isha ka pisha caatta ke daanni heene.”
Isheetta ka ishi oorisse ka kiite, “Poqallaay, atti wa ishin oraapnnaane a qaptooy, ela nefo karan xata isekiiy, ka kuli ayshaayye pisha caatta qeetta? Hela atti aappinno Yayqoopi a eloose ino daashe qaraayye qapta? Isha ka hellaadi ka horeetaadi piisa eloose karaayyew iken.”
Yesuusi ka isheetta oorshe ka kide, “Nama pishosen ikko piisa, lammatta ideepooda, ma nama pisha an anti daanna ikko, haka paraparati lammatta in deepoodo. Pisha an anti daanna, nama ikko kara'e, ela pisha caatta paraparati paadino koddan.”
Iskatteese ka ishi kiite, “Poqallaay, arepa desa akkan pisha'e an deepoonnini'i ka oraapatta'e an deenini'i, atara pishosen asse paha ana daashe.”
Yesuusi ka isheetta kide, “Aane ka diirtaayti hale ka arepan xooye.”
Isskatetase ka oorisse ka kiite, “Anti diirta an qapo.” Yesuusi ka isheetta kide, “Sede akkiinitto ‘Diirta an qapo’ dukaata lelte. Turan, diirta keni qapta ma, amma nama a ke olli co diirtaaytin, semmalla dukaata haasaawatte.”
Iskatteetase ka ishi kiite, “Poqallaay, atti akkima xuumampayta koddite amman upnaade. Aappadaanno irroose qarae sakataden. Ishina xoori ikkiinittane ‘Orra, Yursaalami kara sakatatta ishootta faani.”
Yesuusi ka isheetta kide, “Iskatteetayti, akkima etaa oppa irroose qara taaki Yursaalami kara Waaqa Aappa, a sakatannin deeto ana amane. Ishina Waaqa a upnini'i sakatannittan; ino xoori, dina qoota Yihutaatoppa de'o malla, Waaqa an upno'en sakatanninna. Ma xoori, orra dukaatan sakatanno, etaa a oppaayye hapura isho dukaatan Waaqa Aappa sakatadane de'a. Kiseese nefo amma ikayte, Waaqa Aappa orra asaantosetin ishi sakatanno faani. Waaqa Hapura, orra ishi sakatanno nefoow, hapura isho dukaatan ishi sakatatta ishootta parpaaccisnni.”
Iskatteetase ka ishi kiite, “Dinshanpaytase a Waaqa reexade Kiristoosi kidammo akkima de'o in upa. Isha oto de'oyye, we piisa ino' lela.” Yesuusi ka isheetta kide, “Tin se amma ke olli haasawanno anti an isha.”
Sitiiyyi tamaarewwaadi ka pora opa aaneneeyye tiitaawen ka de'en ka sede a Yesuusi iskatteeta olli haasawade oppa qawwaawen. a koddito ma, nama isha kaassade ka kide, “Maana' faani?” taaki, “Maana'e isheetta olli haasawanni?” Takka nefo in co.
Sekkammaayye iskatteetase ka okkotaadi eyye diisse ka katamaappopa ante ka orra kiite, “Xooya ka nama wa an kode piisa ana' lele tooyya! Hela kati isha, Kiristoosise kodda?” Orra ka katamaappaayye sooke ka Yesuusi kapopa aane.
Sitiiyyi tamaarewwaadi ka Yesuusi, qinsaden ka kidene, “Kollissampayto, we shakkaya dame.” Isha xoori i'ishootta kide, “Anti damta a ishina a upnin, an dammon qapa.”
Tamaarewwaadi ka olli kidene, “Hela kadi nama damtan ishi de'ee?”
Yesuusi ka ishootta kide, “Ha damtiiyyo, henna a isase ana erkeeti kodeeta ka kodaadi dikkissa. Ishina a' kiini a' kittane ‘Amma desa a fera kayto'e leya afuri ca’ Ma anti in ishina kiini, ela kida ka dulla akka fera kayen tooyya. Nama ferro mushshaaraadi akkada ka luukkata a caatta paraparati koddito ollopa qapsada. Semmalla a xotta aylino ka a ferro ollinniiw xasoonni. Semmalla deymatteetase kiinaane, ‘Takka i'aylini, a pila ka ferri’ dukaata. Anti akka wa a ishina kela ayyaallini ferattane'en ishin erke. Orra pila iyaale, ishina xoori wa yaalaaysho kela de'e'e feraten.”
Akka iskatteetase maakkumte ka kiite, “Waan kode piisa ana' lele.” Katamoosen kara orra Samaariya lekayta ka amane. Semmalla ete orra Samaariya Yesuusi kapopa de'eyye, akka ishootta kapa jaro'e isha qinsaden. Isha ka kuyyaata lakki eyye' pire.
Qaaletaadi minanne, orra pila lekayta ka isha amane. Ka iskatteesiti kidine, “Arepa desa waan malla isha amanninna wa atti ino lelte patta mallanne ma qootan ino mattinno dakayne ka akka dukaatan isha dinshampayta a piita kodde upnaanne malla.”

Yesuusi ete Samaariya kuyyaata lakki pire kammaayye, piita Kelila opa aane. Isha mattaadi'i, ihaasawade ka kide, “Xuumampayta piitaaysho oppa ulfeessaammi in co.” Ma xoori ete piita Kelila kayeeyye, orra Kelila xasanne isha teyyade. Sede nefo wa malla asse koddite, a xayso nessuma a qaran tarpeetati Yursaalamipa annaaneeyye, qoota wa isha eyye kode piisa akken malla.
Se kammaayye Yesuusi katamasene a Qaana, piita Kelila kara ca, a oppaayye pisha taadeta wayneeta opa purshe, opa tiitaaweew. Sitiiyyi inna a saara takka a tika mankisteeta'e katama Qifirnahoomi kara paaqni. Isha ka akkima Yesuusi piita Yihutaati piita Kelila opa de'e dakaye ka isha kapopa aane ka akka katama Qifirnahoomi opa xata lekkado ka innasene xaadi dikke paaqnaa ka toota foolsade dinsho'e Yesuusi qinsade. Yesuusi ka ishi kide, “Ishina haka wa orra qawwanna ka olsa paha akkittan mali, a amanni a kittan.”
Saarase ka Yesuusi kide, “Poqallaay, a innaayyo in toonin turan irra qara xata lekkado.”
Yesuusi ka ishi kide, “Tikaaytipa kale, innaatti icaadaneey.” Namase ka qaaletase a Yesuusi haasawade amane ka tikaadipa kale. Ete kallooyye, orxayaadi poroppa isha mina de'en ka ishi kidene, “Ha innaatti idinen.”
Isha ka saateta a oppaayye inna xaadi dinen ishootta qara kaassade. Ishotta ka ishi kidene, “Xala saateta tappa qaraayye awdase isha diishe.” Aappa opa inna seneti ka saatetase akkima saatetase a oppa Yesuusi kide, “Innaatti icaadan” koddite upnaade. Semmalla awwseti desa paayyatte isha isho toolaadi piisa ka Yesuusi amanen.
Kodoose orra qawwanno a Yesuusi Yihutaayye Kelilaapa de'eyye kode a lammatta.

နားေထာင္ပါ။ Yohaannisi 4