Luka 12မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Na imwembo, khalani akusasanyira, thangwi n'dzidzi unakhonda imwe kudikhira, ndiwo unadza kafika Ine, Mwana wa Munthu.”

Cakutoma sakani Umambo wa Mulungu, pyonsene ipi munadza kapithimizirwa.”

Na tenepo, Yezu aapanga onsene kuti: “Bveserani. Citani mphole na kuumirwa! Thangwi makhaliro adidi a munthu, hali na kuinjipa kwa pinthu pyace tayu.”

Thangwi panagumanika mpfuma yanu, penepo ndipo panagumanikambo ntima wanu.”

Mbani pakati panu, iye mbapifuna pyace, anakwanisa kuthimizira n'dzidzi ubodzi pa moyo wace?

Penepo Yezu apanga anyakupfundza ace kuti: “Na tenepo, Ine ndisakupangani kuti: Lekani kunentseka na makhaliro anu pa thangwi ya pinafuna imwe kudya, peno na manungo anu pa thangwi ya pinafuna imwe kubvala.

Na tsisi yanu ene ya munsolo, yonsene yamala kulengeswa. Lekani kugopa. Imwe musafunika pikulu kakamwe kupiringana mbalame zizinji.

Yezu athimiza na kulonga kuti: “Imwe nkumbi ung'ono, lekani kugopa tayu! Thangwi Baba wanu asakomerwa na kukupasani Umambo wace.

Lang'anani makhungubwe. Iwo nkhabe kubzala, nkhabe kubvuna, nkhabe pyete pontho nkhabe pikwa. Mbwenye Mulungu asaapasa cakudya. Imwe musafunika pikulu kakamwe kupiringana mbalame!

Lekani kunentseka na kusaka kuti munadyanji, peno munamwanji.

Lang'anani, ngakhala Mulungu asabvazika tenepa maluwa a n'tsanga, anacita kuti lero alipo, mangwana asaponyiwa pa moto, ndiye tani kuna imwe, anthu a cikhulupiro cing'ono?

Nkhabe cinthu cidabiswa cinakhonda kudza kaoneka, peno cidabisala mbacikhonda kudza kadziwika.