Lûu 14မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

“À kɛ̀ núu da à pà ḿbɔ, kɛ́lɛ, ve gbɔɔ̂i-naŋ kpɔara ni, da ǹee, da ŋɔnɛnîi, da ǹônii, da ŋɔlee-kaa surɔŋ, bɛlɛɛ la ŋɔsaa-ƃɔlɔ-ŋai dîa, ooei, ve máŋ gbɔɔ̂i-fulu-laai kpɔara ni, va pɔ̂ri kɛ̂i a ḿbôlu-nuu.

Ǹúui va gbɔɔ̂i-saa-wuruii siɣe é pîlaŋ la ḿbôlui, va pɔ̂ri kɛ̂i a ḿbôlu-nuu.

Kpɛ́ni fêi, ǹúui kélee a gbîŋ kɛ̀tɛi, maa a pâi yenîi. Kɛ́lɛ, ǹúui à gbîŋ maa yêŋ, a pâi kɛ̂i a gɛ́tɛ.”

Bere tɔnɔi ŋi nɔ ƃe ǹúui kélee va bôlu fé kɔ̃liŋ kélee mii, va pɔ̂ri kɛ̂i a ḿbôlu-nuu.

À kɛ̀ ti, káai ŋi gbɛ̂ɛ ƃe ŋ̀wɛ̂lii e kɔni-yeŋ-keŋ kôyaa tɔɔ va see fulɔi e dɔɔ-sɛŋ-kao su see e gáa à kɛ̀ gáa ǹyée ŋá e gbɛɛ la? À wàla kɛ́ ti, e máŋ gɔ́ɔ pîlaŋ, pɔ̂ri maa fé mì e gbɛɛ, ǹúui kélee pâi gáâi da pâi pɛlɛɛ̂i a ɣɛ́lɛ-maa-kúlaa ma gbonôi, dîyɛɛ, ‘Nalôŋ ŋi ƃe pɛ̀lɛ ŋɔkɔni-yeŋ-keŋ tɔɔ ma, kɛ́lɛ, pɔ̂ri fé mì e gbɛɛ.’

Kɛ́lɛ, yà kúu kɛ̀, ye ƃɛlɛ-toli ƃó a gôlo-ƃelai, bɛlɛɛ ǹûa woŋo-kpalaa-ma-ŋai dîa, da gɔɔ-saa-ƃelai, da ŋɛi-pu-ƃelai. Gɛ̀ ní, lûwa a pâi kɛ̂i yâ. Kpɛ́ni fêi, dífa pɔ̂ri íwɔ̂i bɔɔ-tee fei. Ya pâi ífela fei sɔlɔ ƃôi a Dɔ̃yâ-ƃelai mu-siɣe-ɣele.”

“Kpolo-liyeŋ káa a sɛŋ lɛ́lɛɛ; kɛ́lɛ, gboloi é máŋ ǹíyeŋ láŋ, a pɔ̂ri kɛ̂i leŋ a ǹíyeŋɔɔ ŋɔ́nɔ? A kɛ́ nɔ́ a ǹɛ́lɛɛ ǹɔii da duluŋ dímɛni ma; ǹûai da bìli. Ǹúui wóli káa ma a gɛɛ e mɛni mɛnii, tɔɔ e mɛni.”