JOHN 10မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Khale china leekhavai, sāthat khavai kala sāshimān khavai rai, ina rākhami hiya athum kharing samphang khavai, kala chi pemtha̱da samphang khavaina.

“I kaphā yaokahomana. Kaphā yaokahoma china yaobingwui vang manglā chihomi.

Iwui yaobingna iwui akhon shai; ina athumli thei, kala athumna ili shura.

Ina athumli makashimān kharing mi, chieina athum mathilākmara, kala athumli khipānakha iwui eina mangapaithuimara.

I khamongna; kachikathāna iwui eina zangakha ali huimira, kala shok-zangda wonnui samphangra.

I kaphā yaokahomana; ina iwui yaobingli thei kala iwui yaobingnala ili thei

Ili khame iwui Avāna saikorali reimei, kala athumli khipānakha iwui Avāwui pāng eina mangapaikhuirarmara. Iwui Avā eina I akhana.”

Avāna ili kathei thada inala iwui Avāli thei; kala ina yaobingwui vang imanglā chihomi.

Khipānakha iwui eina makhuithuimana kha iningsasak eina kachigatna. Ina manglā chigatkashap kala khuiluikashapwui pangshap lei. Hi iwui Avāwui eina samkaphangna.”

Chieina Jishuna hāngluishita, “Kachangkhat eina ina nathumli kahāngna; ina yaobingwui khamongna.

Yaokahoma makhaninga kaja masākakhuia mi china kharang rārāli da kathei eina yaobingli chihohailaga yāmhaowa, kala kharang china yaobingli tukkhayāngda kashamyānghaowa.

Jishuna athumli hānga, “Kachangkhat eina ina nathumli kahāngna, kaja yaoshangli khamong eina marāzangla apong khangatei eina yakkālaga kharā mipa chi khalena kala khangaponana.