Luk 1မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Tan yeʼxhkam invaʼq uvaʼ tzaʼl koq ibʼanax vatz quBʼaal Tiuxh, —xeʼt u aanxel te Mal.

Yaʼne ech tal Mal s-eche: —Ape. Bʼaʼn kuxhteʼe. Tan nik insaʼeʼ uvaʼ, in niman tetz quBʼaal Tiuxh laʼ ibʼana, eche uvaʼ nik aaleʼ, —xeʼt Mal. Tul el vet bʼen u aanxel vatz Mal.

Tul ech tal u aanxel s-eche: —Aʼ viTiuxhil Tiuxh toq uloq seebʼa. Tul toq iviinqixsa u neʼ sakʼatza. Tul aʼ u quBʼaal Tiuxh, uvaʼ sibʼ at jaʼp t-amlikaʼ, toq lotxhon axh tuchʼ u tiqleʼm. Tan Tiuxhla Aanima uvaʼ toq aala. Tan atxh tel vatz quBʼaal Tiuxh toq ibʼaneʼ. Tul: ‹iKʼaol quBʼaal Tiuxh,› toq tal inqʼa xaol s-tiʼ.

Tul oqxh ichiibʼ quBʼaal Tiuxh seʼe, tan qat aqej u yol, tiʼ uvaʼ tetxhal kuxh toq elaʼpunoq kam uvaʼ alel vet see taʼn vitxhaq quBʼaal Tiuxh, —xeʼt Elisaveet te Mal.

Tan toq yanoq akʼuul, tul toq aala val u neʼ xaak. Tul laʼ ooksa ibʼij s-Jesuus. Tul sibʼxh tiqleʼm u neʼ uvaʼ toq aala. Tan: ‹iKʼaol u quBʼaal Tiuxh, uvaʼ sibʼ at jaʼp t-amlikaʼ,› toq tal inqʼa xaol s-tiʼ. Tul antxh quBʼaal Tiuxh laʼ bʼanon uvaʼ, aʼ laʼ bʼen s-mam iqʼesal, eche tok Daviid siqʼesalil t-vikʼuqeʼvbʼal; Daviid u kʼuy imam u neʼ. Tul yeʼl iyaʼebʼal imotxebʼal laʼ ibʼant iqʼesalil setiibʼa, ex inqʼa tij imam Jakoov; atz yeʼl iyaʼebʼal imotxebʼal laʼ tatin siqʼesalil, —xeʼt u aanxel.

Yaʼne ech tal u aanxel s-eche: —Mal, yeʼ kuxh xoʼv axh. Tan oqxh ichiibʼ quBʼaal Tiuxh seʼe.